Qiratë u rritën mbi 20%/ Por Durrësi dhe Vlora, me kostot më të ulëta të strehimit në Europë
Tregu i qirave në Shqipëri ka shënuar rritje të konsiderueshme gjatë vitit 2025, me disa prej qyteteve kryesore që regjistrojnë ndër ndryshimet më të forta të çmimeve në Europë. Sipas raportit Deloitte Property Index, Durrësi kryeson me një rritje vjetore prej 22.4%, i ndjekur nga Vlora me 20%, ndërsa Tirana regjistron një shtrenjtim prej 16.9%.
Të dhënat tregojnë se presioni në tregun e qirave nuk është i kufizuar vetëm në kryeqytet, por shtrihet edhe në qytetet bregdetare. Në rastin e Durrësit dhe Vlorës, Deloitte e lidh këtë tendencë me rritjen e aktivitetit turistik dhe zgjerimin e kërkesës për akomodim afatshkurtër, faktorë që kanë reduktuar ofertën e disponueshme për qiramarrësit afatgjatë.
Ndërkohë, në Tiranë, rritja e kërkesës mbështetet nga shtimi i popullsisë, migrimi i brendshëm dhe roli i kryeqytetit si qendra kryesore ekonomike dhe administrative e vendit. Këta faktorë kanë ndikuar në rritjen e presionit mbi tregun e banesave me qira.
Pavarësisht ritmeve të larta të shtrenjtimit, Shqipëria vijon të pozicionohet në segmentin e qyteteve me qiratë më të përballueshme për metër katror në Europë. Në listën e tregjeve me kostot më të ulëta të qirasë për vitin 2025, Durrësi dhe Vlora renditen me një mesatare prej 6 eurosh për metër katror në muaj. Për krahasim, Ankaraja regjistron nivelin më të ulët, me 5 euro për metër katror, ndërsa Izmiri vijon me 5.9 euro. Plovdivi në Bullgari regjistron 6.6 euro dhe Stambolli 6.9 euro për metër katror.
Pra, ndonëse qytetet shqiptare mbeten ndër më të lirat për nga niveli absolut i qirave, ritmet e rritjes tregojnë se ky avantazh po shoqërohet me një shtrenjtim të shpejtë të banesave.
Hamburgu regjistroi rritjen më të lartë të qirave ndër qytetet e analizuara, me 23.6% në bazë vjetore. Nga ana tjetër, në pjesën më të shtrenjtë të tregut europian, Luksemburgu vijon të mbajë vendin e parë, me një qira mesatare prej 45.4 eurosh për metër katror në muaj, nga 43.4 euro një vit më parë. Pas tij renditet Parisi me 31.2 euro, Barcelona me 30.9 euro dhe Dublini me 30.8 euro për metër katror. Një tjetër element interesant i raportit është se shtrenjtimi i qirave nuk përbën një fenomen të izoluar në disa tregje. Në shumicën dërrmuese të qyteteve të analizuara, çmimet u rritën gjatë vitit 2025, ndërsa vetëm një numër i kufizuar regjistroi ulje.
Ndër rastet e pakta me rënie përmenden Izmiri, me -5.7%, dhe Lyoni, me -5%. Në Izmir, zhvlerësimi i lirës turke ndaj euros ka ndikuar në uljen e vlerave të shprehura në monedhën europiane, ndërsa në Lion, kufizimet rregullatore mbi rritjen vjetore të qirave kanë kontribuar në këtë rezultat.
Rajoni, sa larg BE? - Raporti i progresit nxjerr në pah dallime të mëdha mes vendeve
Raporti i fundit i Komisionit Evropian për zgjerimin nxjerr në pah dallime të mëdha në përparimin e vendeve të Ballkanit Perëndimor drejt BE-së. Mali i Zi......
Bankat, me tregues pozitivë - Komisioni Evropian vlerëson sektorin bankar në Kosovë
Sektori bankar në Kosovë paraqitet i qëndrueshëm, me tregues pozitivë të kapitalizimit dhe cilësisë së kredive. Ky është vlerësimi i Komisionit Evropian në......
Greqia, rekord çmimesh - Me inflacionin 5.6%, vendi renditet ndër më të shtrenjtët në eurozonë
Greqia po përballet me një valë të re shtrenjtimi, ndërsa inflacioni arriti në 5.6% në tetor, duke e renditur vendin në vendin e tretë në eurozonë, së bashku......
Gara për kreun e BQE - BE synon emërimin e pasuesit të Lagarde në dhjetor
Udhëheqësit e Bashkimit Evropian synojnë të emërojnë presidentin e ri të Bankës Qendrore Evropiane në samitin e 17 dhe 18 dhjetorit. Lajmi është bërë i ditur......
"Kokën lart" - Kryeministri për progresraportin: Shqipëria vlerësohet më lart se kurrë
Kryeministri Edi Rama ka reaguar pas publikimit të Raportit Vjetor të Progresit nga Komisioni Evropian, duke deklaruar se Shqipëria ka marrë vlerësimin më të......
Procedurë e re për patentën - Digjitalizohet kontrolli mjekësor, dokumentet kalojnë online te DPSHTRR
Ndryshon procedura e kontrollit mjekësor për qytetarët që aplikojnë për marrjen ose rinovimin e patentës. Dokumentacioni shëndetësor do të plotësohet dhe......
Rrjet ujësjellësi në Orikum - Projekt për furnizim 24 orë me ujë me fond 7.2 mln lekë
Shoqëria Rajonale Ujësjellës-Kanalizime Vlorë ka shpallur garën për studimin, projektimin dhe ndërtimin e rrjetit të brendshëm të furnizimit me ujë në Orikum.......
Progres në energji e transport - Raporti i Komisionit Evropian kërkon përshpejtim të reformave
Shqipëria ka shënuar përparim në sektorin e energjisë, veçanërisht në zhvillimin e tregut të brendshëm të energjisë elektrike, por vijon të përballet me sfida......
