Zgjerohet Korridori VIII/ Elbasan-Lekaj dhe tuneli i Hotolishtit, buxheti 2027 financon 4 faza të reja
Ndërtimi i Korridorit VIII do të vijojë me financimin e fazave të reja gjatë vitit të ardhshëm, duke e shtrirë më tej investimin në drejtim të Peqinit dhe Qafë-Thanës. Sipas listës së shpenzimeve të projektbuxhetit 2027, për këtë korridor parashikohen rreth 5.52 mld lekë, duke e renditur ndër projektet me financimin më të lartë në listën e investimeve rrugore.
Krahas fondeve për kontratat në zbatim, vitin e ardhshëm parashikohet të nisë financimi për tri faza të reja nga Ura e Grykshit deri në Peqin. Për fazën e parë janë planifikuar 800 mln lekë, ndërsa për dy fazat e tjera nga 600 mln lekë. Në total, këto tri kontrata do të marrin 2 mld lekë gjatë vitit 2027, ndërsa vlera totale për përfundimin e tyre është 10 mld lekë.
Në programin buxhetor janë përfshirë edhe dy faza të tjera, që vijojnë nga Peqini në Lekaj. Megjithatë, për këto segmente nuk parashikohen fonde gjatë dy viteve të ardhshme. Financimi planifikohet të nisë në vitin 2029, me nga 600 mln lekë për secilën fazë, ndërsa në total përfundimi i tyre kërkon 6 mld lekë.
Këto investime janë pjesë e aksit të ri Elbasan – Rrogozhinë, me gjatësi të përgjithshme 40.7 km. Rruga nis pranë ish-Kombinatit Metalurgjik në Elbasan dhe përfundon në Lekaj, ku lidhet me autostradën ekzistuese të Korridorit Blu. 6 fazat e para, ku aktualisht po punohet, mbulojnë rreth 20 km të këtij aksi.
Ndërkohë, në drejtimin Elbasan – Qafë-Thanë, projektbuxheti parashikon nisjen e financimit të fazës së nëntë, me 1 mld lekë gjatë vitit 2027. Vlera e përgjithshme e kësaj faze është planifikuar në 5 mld lekë, me pagesa që vijojnë edhe pas vitit 2029. Sipas informacioneve të bëra publike më herët, kjo fazë përfshin tunelin e Hotolishtit.
Në këtë drejtim janë hapur për qarkullim 7.5 kilometrat e parë, nga dalja e Labinot-Fushës deri pas fshatit Mirakë, me dy korsi në secilin drejtim.
Projektbuxheti siguron financim edhe për dy kontratat në zbatim të rrugës që lidh aksin Tiranë–Elbasan me Korridorin VIII. Në listë është përfshirë edhe një fazë e tretë e kësaj lidhjeje, por financimi i saj parashikohet të nisë në vitin 2028. Ky segment është pjesë e bypass Elbasan, që do të lidhë Elbasan – Qafë-Thanë me Elbasan – Lekaj.
Mbi 8 mijë të punësuar në banka - Tre më të mëdhatë përqendrojnë rreth 45% të fuqisë punëtore të sektorit
Sektori bankar në Shqipëri vijon të mbetet një nga punëdhënësit e rëndësishëm në sektorin financiar, me mbi 8 mijë persona të angazhuar në të gjithë sistemin.......
Ulet nafta - Bordi cakton çmimet e reja, nafta 208 lekë dhe benzina 167 lekë/litër
Çmimet e karburanteve në Shqipëri kanë pësuar ndryshime, pas vendimit të fundit të Bordit të Transparencës, të marrë këtë të martë, më 10 nëntor. Sipas......
Tirana “shpëton” popullsinë/ Pa kryeqytetin, 11 qarqet e tjera regjistrojnë 638 vdekje më shumë se lindje
Shqipëria e ka mbyllur tremujorin e tretë të vitit 2026 me më shumë lindje sesa fatalitete, duke përmirësuar bilancin demografik të nëntëmujorit. Megjithatë,......
Vlora, “kryeqyteti” i pronave/Regjistron indeksin më të lartë të çmimeve të ofruara në treg
Çmimet mesatare të ofruara nga shitësit për banesa në qytetet kryesore të Shqipërisë shfaqin diferenca të konsiderueshme, me Vlorën që rezulton qyteti me......
Si do parandalohen përmbytjet? - Pr/buxheti, financohen 11 mln euro për 20 projekte. Ku do ndërhyhet?
Rreth 4.3 miliardë lekë janë vënë në dispozicion për infrastrukturën e ujitjes, kullimit dhe mbrojtjes nga përmbytjet përmes buxhetit të vitit 2027. Nga ky......
Kostot dhe fitimet e bankave - BSH: Të ardhurat arritën në 30.5 mld lekë, ndërsa shpenzimet konsumuan një pjesë të tyre
Bankat në Shqipëri kanë siguruar fitime të konsiderueshme edhe gjatë tremujorit të tretë të vitit 2026. Të ardhurat vijojnë të mbështeten kryesisht te......
Tenderët, ndryshojnë rregullat - Pr/ligji: Hiqet tavani 50% për nënkontraktimin. Rishikohen kushtet për ndryshimin e kontratave
Kompanitë që fitojnë tenderë publikë do të mund të nënkontraktojnë më shumë se gjysmën e vlerës së kontratës. Një projektligj i propozuar nga qeveria për......
Bankat “pastrojnë” portofolin/ Kreditë me probleme në 3.59%, me rënie për të katërtin muaj radhazi
Kreditë me probleme në sistemin bankar shqiptar vijuan rënien edhe në shtator, duke zbritur në një nga nivelet më të ulëta të regjistruara në gati dy dekada.......
