Tenderët, ndryshojnë rregullat - Pr/ligji: Hiqet tavani 50% për nënkontraktimin. Rishikohen kushtet për ndryshimin e kontratave
Kompanitë që fitojnë tenderë publikë do të mund të nënkontraktojnë më shumë se gjysmën e vlerës së kontratës. Një projektligj i propozuar nga qeveria për ndryshimin e ligjit “Për prokurimin publik” parashikon heqjen e kufirit aktual prej 50%, krahas ndërhyrjeve në rregullat për konkurrimin, ndryshimin e kontratave dhe ankimimin e procedurave.
Heqja e këtij tavani shoqërohet me kërkesa të reja për kontrollin e nënkontraktorëve. Kompania fituese duhet të njoftojë institucionin publik për ndryshimet gjatë zbatimit të kontratës dhe për çdo nënkontraktor të ri.
Ndryshime propozohen edhe për kontratat që janë në zbatim. Projektligji shton mundësinë e modifikimit pa një tender të ri, kur vlera e ndryshimit nuk tejkalon 10% të kontratës fillestare për mallrat dhe shërbimet, apo 15% për punët publike. Njëkohësisht, ajo nuk duhet të kalojë kufirin e lartë monetar të prokurimit. Në këto raste, ndryshimi nuk mund të prekë natyrën e përgjithshme të kontratës, ndërsa modifikimet e njëpasnjëshme do të llogariten së bashku.
Një tjetër ndërhyrje është shfuqizimi i dispozitës së miratuar në vitin 2024, që i lejonte qeverisë, për një periudhë 3-vjeçare, të autorizonte institucione qendrore të negocionin drejtpërdrejt marrëveshje konsulence me subjekte ndërkombëtare në fusha strategjike. Këtu përfshiheshin inteligjenca artificiale, siguria kibernetike, infrastruktura kritike dhe lufta kundër krimit të organizuar e korrupsionit. Sipas relacionit, Komisioni Evropian ka kërkuar heqjen e këtij parashikimi, pasi nuk është në përputhje me direktivat.
Projektligji rregullon edhe pjesëmarrjen në tender të kompanive që kanë ndihmuar më parë në përgatitjen e procedurës. Institucioni publik duhet t’u japë konkurrentëve të tjerë informacionin përkatës dhe kohë të përshtatshme për ofertat. Kompania e përfshirë në përgatitje do të skualifikohet vetëm nëse trajtimi i barabartë nuk mund të garantohet me masa të tjera.
Sipas relacionit shoqërues, ndërhyrjet synojnë përafrimin me direktivat e Bashkimit Evropian dhe adresimin e problemeve të hasura në praktikë.
Bankat “pastrojnë” portofolin/ Kreditë me probleme në 3.59%, me rënie për të katërtin muaj radhazi
Kreditë me probleme në sistemin bankar shqiptar vijuan rënien edhe në shtator, duke zbritur në një nga nivelet më të ulëta të regjistruara në gati dy dekada.......
As frutat nuk “kursehen” më/ Rikthehen me rritje në tetor. Por, peshku dhe perimet udhëheqin shtrenjtimin
Çmimet e ushqimeve në Shqipëri po rriten me ritme më të shpejta, duke shtuar presionin mbi buxhetet familjare. Gjatë tetorit 2026, grupi “Ushqime dhe pije......
67.7 mln euro detyrime stok/ 9-mujori, ulen borxhet për qeverinë. Bashkitë, në të njëjtat nivele
Qeveria dhe pushteti vendor kanë ulur stokun e borxhit ndaj qytetarëve dhe bizneseve. Deri në Shtator 2026 vlera detyrimeve të prapambetura arrin në afro 6.2......
Franca rrit pagën minimale - Propozohet të nisë nga 1 dhjetori me një shtesë prej 1,6%
Kryeministri francez Sebastien Lecornu propozoi një rritje të planifikuar të pagës minimale në dhjetor, nga janari që ishte planifikuar, ndërsa kërkonte të......
Italia ul faturat e energjisë - Vendimi i qeverisë, ankohen kompanitë prodhuese
Italia miratoi masa për të frenuar ndikimin e rritjes së çmimeve të gazit në faturat e energjisë për familjet dhe bizneset, tha kryeministrja Giorgia Meloni,......
Shtrenjtohet kostoja e jetesës - Në Maqedoninë e Veriut inflacioni arriti në 3.3% në tetor
Gjatë muajit tetor kostoja e jetesës në Maqedoninë e Veriut është rritur me 0.4% krahasuar me shtatorin. Ndërsa, në krahasim me tetorin e vitit të kaluar,......
Francezët, çmimin më të ulët - Hapen ofertat financiare për ankandin e energjisë së erës në Kosovë
Ministria e Ekonomisë ka hapur ofertat financiare në kuadër të ankandit të parë konkurrues për energjinë e erës në Kosovë, me kapacitet të synuar deri në 100......
3.591 legalizime në Tetor - Përfituesit marrin vendimet direkt në e-albania
Agjencia Shtetërore e Kadastrës ka bërë të ditur se gjatë muajit tetor janë dhënë 3 mijë e 591 vendime legalizimi për objektet informale në të gjithë vendin.......
