Tërheqja e pensionit para kohe/ OECD: 1.7% e aseteve të fondeve private u tërhoqën gjatë 2025-ës
OECD ka publikuar së fundmi raportin Pensions Outlook 2026, i cili analizon zhvillimet në sistemet e pensioneve, përfshirë edhe kursimet private të pensionit, pra investimet që individët kryejnë në fondet private për të siguruar të ardhura shtesë në moshën e pensionit.
Sipas raportit, Shqipëria është një nga vendet e përfshira në analizë ku një pjesë e aseteve të këtyre fondeve tërhiqet përpara moshës së pensionit, për arsye të ndryshme. Gjatë vitit 2025, rreth 1.7% e totalit të aseteve të pensioneve private u tërhoqën para kohe në vendin tonë.
Në krahasim me vendet e tjera të analizuara, Shqipëria regjistron një nivel më të ulët se Portugalia, ku tërheqjet arritën në 3%, ndërsa qëndron mbi Spanjën me 1%, Çekinë me 0.9% dhe Brazilin me 0.6%. Në skajin tjetër të renditjes, Zambia kryeson me 6.9%, e ndjekur nga Kazakistani me 5.1%.
Sipas OECD-së, mundësia për të tërhequr kursimet pensionale përpara moshës së daljes në pension ndryshon nga një vend në tjetrin dhe zakonisht lidhet me kushte të caktuara, si problemet shëndetësore, papunësia, vështirësitë financiare apo nevoja për strehim. Organizata rekomandon që aksesi i parakohshëm në këto kursime të lejohet si masë e fundit, pasi tërheqja e tyre redukton kapitalin që mund të gjenerojë fitime nga investimet gjatë viteve të mbetura deri në pension.
Ndërkohë, tregu i fondeve private të pensionit në Shqipëri vijoi zgjerimin. Referuar raportit të vitit 2025 të Autoritetit të Mbikëqyrjes Financiare (AMF), vlera neto e aktiveve të këtij tregu arriti në 9.8 miliardë lekë në fund të vitit 2025, duke shënuar një rritje prej 21.55% krahasuar me një vit më parë. Edhe numri i anëtarëve u rrit, duke arritur në 49,218, ose 11.19% më shumë se në fund të vitit 2024.
PET-Scan në QSUT - Spahiu: 250 milionë lekë për ekzaminimin pa pagesë të rreth 2,500 pacientëve
Pacientët me kancer pritet të kenë mundësi ta kryejnë pa pagesë ekzaminimin PET-Scan në Qendrën Spitalore Universitare “Nënë Tereza”. Ministrja e Shëndetësisë......
Pasqyra Albania, platformë e re - Ndryshime në ligjin për qeverisjen elektronike. Më shumë transparencë e llogaridhënie
Një sërë ndryshimesh në ligjin “Për qeverisjen elektronike” synojnë të sjellin një fazë të re në digjitalizimin e administratës publike, duke vendosur në......
Zgjerohet Korridori VIII/ Elbasan-Lekaj dhe tuneli i Hotolishtit, buxheti 2027 financon 4 faza të reja
Ndërtimi i Korridorit VIII do të vijojë me financimin e fazave të reja gjatë vitit të ardhshëm, duke e shtrirë më tej investimin në drejtim të Peqinit dhe......
Mbi 8 mijë të punësuar në banka - Tre më të mëdhatë përqendrojnë rreth 45% të fuqisë punëtore të sektorit
Sektori bankar në Shqipëri vijon të mbetet një nga punëdhënësit e rëndësishëm në sektorin financiar, me mbi 8 mijë persona të angazhuar në të gjithë sistemin.......
Ulet nafta - Bordi cakton çmimet e reja, nafta 208 lekë dhe benzina 167 lekë/litër
Çmimet e karburanteve në Shqipëri kanë pësuar ndryshime, pas vendimit të fundit të Bordit të Transparencës, të marrë këtë të martë, më 10 nëntor. Sipas......
Tirana “shpëton” popullsinë/ Pa kryeqytetin, 11 qarqet e tjera regjistrojnë 638 vdekje më shumë se lindje
Shqipëria e ka mbyllur tremujorin e tretë të vitit 2026 me më shumë lindje sesa fatalitete, duke përmirësuar bilancin demografik të nëntëmujorit. Megjithatë,......
Vlora, “kryeqyteti” i pronave/Regjistron indeksin më të lartë të çmimeve të ofruara në treg
Çmimet mesatare të ofruara nga shitësit për banesa në qytetet kryesore të Shqipërisë shfaqin diferenca të konsiderueshme, me Vlorën që rezulton qyteti me......
Si do parandalohen përmbytjet? - Pr/buxheti, financohen 11 mln euro për 20 projekte. Ku do ndërhyhet?
Rreth 4.3 miliardë lekë janë vënë në dispozicion për infrastrukturën e ujitjes, kullimit dhe mbrojtjes nga përmbytjet përmes buxhetit të vitit 2027. Nga ky......
