Protesta e studentëve, tetë orë tensione në Tiranë
Përplasje me policinë, gaz lotsjellës, zjarre në rrugë dhe dëmtime të institucioneve publike. Kjo ishte panorama që shoqëroi protestën e studentëve të 13 tetorit, e cila për më shumë se tetë orë u zhvendos në disa zona të kryeqytetit.
Tubimi nisi rreth orës 14:00 përpara Ministrisë së Arsimit, ku studentë dhe qytetarë u mblodhën për të kërkuar përmirësimin e kushteve në universitete, uljen e kostove të studimit dhe më shumë mundësi punësimi për të rinjtë.
Situata u tensionua kur një grup protestuesish nisi të godiste godinën e Ministrisë së Arsimit me gurë, pllaka trotuari dhe sende të tjera të forta. U shkulën kangjella metalike, u thyen xhama dhe u dëmtua rrethimi i institucionit.
Policia ndërhyri me gaz lotsjellës dhe ujë me presion për shpërndarjen e protestuesve, por tensionet nuk u ndalën. Përplasjet vijuan përgjatë Rrugës së Durrësit, ndërsa gjatë pasdites dhe mbrëmjes protesta u zhvendos edhe drejt Bashkisë së Tiranës dhe Pazarit të Ri. Në këto zona u regjistruan dëmtime të pronave publike e private dhe zjarre në rrugë.
Bilanci i përplasjeve ishte i konsiderueshëm. Policia raportoi fillimisht 23 persona të shoqëruar dhe gjashtë efektivë të lënduar, ndërsa raportimet e mëvonshme nga terreni e çuan në rreth 40 numrin e të shoqëruarve.
Ndërkohë, ministrja e Shëndetësisë, Klodiana Spahiu, njoftoi se në orët e mbrëmjes shtatë persona vijonin të merrnin trajtim në Spitalin e Traumës, mes tyre katër protestues, dy kalimtarë dhe një punonjëse policie. Të gjithë ishin jashtë rrezikut për jetën, ndërsa persona të tjerë, përfshirë gazetarë dhe efektivë policie, kishin marrë ndihmë mjekësore.
Ngjarjet sollën reagime nga përfaqësuesit e qeverisë dhe opozitës. Zëvendëskryeministrja Albana Koçiu dënoi aktet e dhunës ndaj institucioneve dhe policisë, duke deklaruar se “dhuna nuk ka qenë, nuk është dhe nuk do të jetë kurrë zgjidhje”.
Ministri i Brendshëm, Ervin Demo, dënoi sulmet ndaj punonjësve të policisë dhe dëmtimin e pronës, por theksoi se “çdo veprim i Policisë duhet të jetë i ligjshëm, i nevojshëm dhe proporcional”.
Nga ana tjetër, opozita akuzoi policinë për përdorim të tepruar të forcës. Ndërsa drejtuesit e opozitës shprehën mbështetjen për vijimin e protestave.
Një nga episodet më të diskutuara ishte rasti i një 19-vjeçari me këmbën e thyer, i cili u shfaq në pamjet filmike duke u transportuar nga efektivët e policisë. I riu deklaroi më pas se kishte qenë kalimtar dhe nuk kishte marrë pjesë në protestë.
Pas publikimit të pamjeve, Policia e Shtetit pezulloi nga detyra katër efektivë dhe shefin e Rendit të Komisariatit Nr. 1. Për rastin nisën hetimet nga Agjencia e Mbikëqyrjes Policore dhe Prokuroria.
Edhe Avokati i Popullit ka nisur një hetim administrativ për të verifikuar nëse përdorimi i forcës gjatë protestës ka qenë i domosdoshëm dhe proporcional.
Protesta e 13 tetorit u mbyll me përplasje, të lënduar dhe dëme materiale, ndërsa hetimet pritet të përcaktojnë përgjegjësitë për incidentet dhe veprimet e forcave të rendit. Ndërkohë ditën e sotme është paralajmëruar vijimi i protestës.
Konferenca e 10-të Shqipëri–BE, Rama: Një tjetër hap vendimtar drejt vendit tonë të drejtë në BE
Pas Konferencës së 10-të Ndërqeveritare Shqipëri–Bashkimi Europian në Luksemburg u mbajt një konferencë e përbashkët për shtyp e Kryeministrit Rama me......
Ndërtimet pa leje, ç’do bëhet? - Shteti do përfundojë objektet e konfiskuara dhe do t’ua dorëzojë qytetarëve që kanë paguar
Objektet e konfiskuara për shkelje të lejeve të ndërtimit do të mund të përfundohen nga shteti dhe më pas t’u dorëzohen qytetarëve që kanë lidhur kontrata......
Sa banorë prek reforma? 15 bashkitë që shkrihen kanë rreth 9.4% të popullsisë së Shqipërisë
Shqipëria do të ketë 46 bashki, nga 61 që ka aktualisht. Reforma e re administrativo-territoriale, e miratuar nga Kuvendi më 9 tetor, parashikon shkrirjen e......
Investime në infrastrukturë - Rikonstruksion unazave urbane në Ballsh, Fushë Krujë dhe Elbasan
Fondi Shqiptar i Zhvillimit ka shpallur garën për projektimin dhe zbatimin e punimeve për rikonstruksionin e unazave urbane në Ballsh, Fushë Krujë dhe......
138 MW fotovoltaike shtesë - Të dhënat, 8 centrale të reja në prodhim deri në qershor
Rreth 138 MW kapacitete të reja diellore i janë shtuar sistemit elektroenergjetik shqiptar gjatë 6-mujorit të parë të vitit 2026. Sipas të dhënave të Entit......
Rinovohet “Rruga Industriale” - Vorë, projekti për 3,9 km, trotuare e korsi biçikletash
Një prej akseve më të rëndësishme për aktivitetin ekonomik dhe qarkullimin e mjeteve të tonazhit të rëndë në Vorë pritet t'i nënshtrohet një rikonstruksioni......
Bordi i Transparencës: Çmimi i naftës jo më shumë se 219 lekë/litri, benzina 196 lekë/litri
Bordi i Transparencës ka përcaktuar çmimet e reja të shitjes me pakicë dhe shumicë të karburanteve, të cilat hyjnë në fuqi sot, më 13 tetor, në orën......
Shërbimet shqiptare drejt botës - BSH: Eksportet arrijnë 7.4 miliardë euro, më shumë se dyfishi i importeve
Shqipëria fiton më shumë të ardhura nga shërbimet që u ofron të huajve sesa shpenzon për shërbimet që blen nga jashtë. Të dhënat më të fundit të Bankës së......
