Sa banorë prek reforma? 15 bashkitë që shkrihen kanë rreth 9.4% të popullsisë së Shqipërisë
Shqipëria do të ketë 46 bashki, nga 61 që ka aktualisht. Reforma e re administrativo-territoriale, e miratuar nga Kuvendi më 9 tetor, parashikon shkrirjen e 15 bashkive dhe bashkimin e tyre me njësi të tjera të pushtetit vendor. Ndryshimet do të prekin hartën administrative të vendit, duke zgjeruar territoret dhe popullsinë që do të administrojnë bashkitë pritëse.
Sipas ndarjes së re, Fushë-Arrëzi bashkohet me Pukën, Klosi me Matin dhe Rrogozhina me Kavajën. Dimali dhe Poliçani i bashkohen Beratit, ndërsa Cërriku dhe Belshi bashkohen me Elbasanin. Prrenjasi kalon në bashkinë e Librazhdit, Patosi bashkohet me Fierin dhe Divjaka me Lushnjën. Ndryshimet përfshijnë gjithashtu Selenicën, që bashkohet me Vlorën, Maliqin me Korçën, Këlcyrën me Përmetin, Memaliajn me Tepelenën dhe Libohovën me Gjirokastrën.
Por sa banorë preken nga kjo ndarje e re? Një analizë e të dhënave referuar Censit, të publikuara nga Instituti i Statistikave, tregon se 15 bashkitë që shkrihen kanë gjithsej 225,008 banorë, ose rreth 9.4% të popullsisë së Shqipërisë. Këta banorë do t'u përkasin administrativisht bashkive të tjera, pasi njësitë e tyre vendore humbasin statusin e pavarur.
Megjithatë, shtrirja demografike e reformës është më e madhe. Duke përfshirë edhe popullsinë e 13 bashkive pritëse, rezulton se 826,838 banorë, ose 34.4% e popullsisë së vendit, jetojnë në territoret që përfshihen në bashkimet administrative.
Elbasani është bashkia që përfiton shtesën më të madhe të popullsisë. Nga bashkimi me Cërrikun dhe Belshin, asaj i shtohen 42,286 banorë, duke arritur në 157,387 banorë. Pas tij renditet Berati, i cili shton 36,897 banorë nga bashkimi me Dimalin dhe Poliçanin, ndërsa Korça fiton 31,008 banorë nga bashkimi me Maliqin.
Në terma përqindjeje, një nga ndryshimet më të mëdha regjistrohet në Tepelenë. Bashkimi me Memaliajn pothuajse dyfishon popullsinë e saj, nga 6,761 në 13,339 banorë, ose me 97.3%. Ndërkohë, Librazhdi e rrit popullsinë me 80.5% pas bashkimit me Prrenjasin, ndërsa Puka me 78.4% pas bashkimit me Fushë-Arrëzin.
Ndarja e re territoriale pritet të zbatohet në zgjedhjet vendore të vitit 2027, duke ndryshuar organizimin e administratës vendore dhe territorin që do të mbulojnë bashkitë.
Investime në infrastrukturë - Rikonstruksion unazave urbane në Ballsh, Fushë Krujë dhe Elbasan
Fondi Shqiptar i Zhvillimit ka shpallur garën për projektimin dhe zbatimin e punimeve për rikonstruksionin e unazave urbane në Ballsh, Fushë Krujë dhe......
138 MW fotovoltaike shtesë - Të dhënat, 8 centrale të reja në prodhim deri në qershor
Rreth 138 MW kapacitete të reja diellore i janë shtuar sistemit elektroenergjetik shqiptar gjatë 6-mujorit të parë të vitit 2026. Sipas të dhënave të Entit......
Rinovohet “Rruga Industriale” - Vorë, projekti për 3,9 km, trotuare e korsi biçikletash
Një prej akseve më të rëndësishme për aktivitetin ekonomik dhe qarkullimin e mjeteve të tonazhit të rëndë në Vorë pritet t'i nënshtrohet një rikonstruksioni......
Bordi i Transparencës: Çmimi i naftës jo më shumë se 219 lekë/litri, benzina 196 lekë/litri
Bordi i Transparencës ka përcaktuar çmimet e reja të shitjes me pakicë dhe shumicë të karburanteve, të cilat hyjnë në fuqi sot, më 13 tetor, në orën......
Shërbimet shqiptare drejt botës - BSH: Eksportet arrijnë 7.4 miliardë euro, më shumë se dyfishi i importeve
Shqipëria fiton më shumë të ardhura nga shërbimet që u ofron të huajve sesa shpenzon për shërbimet që blen nga jashtë. Të dhënat më të fundit të Bankës së......
Italia do 165 mijë punonjës - Nga 23 tetori, mundësi edhe për shqiptarët
Italia do të hapë procedurat për pranimin e mbi 165 mijë punonjësve të huaj për vitin 2027, duke krijuar mundësi të reja punësimi edhe për shtetasit......
Sa fitojnë bizneset online? Për 77% të kompanive përbëjnë deri në 30% të të ardhurave
Shitjet përmes internetit po krijojnë mundësi të reja për bizneset, por për kompanitë shqiptare ato ende nuk përbëjnë burimin kryesor të të ardhurave. Të......
Pse gjobiten shoferët? Parkimi i gabuar, 1 në 3 masa administrative për qëndrime të ndaluara
Parkimi i gabuar dhe qëndrimet në vende të ndaluara kryesojnë listën e shkeljeve rrugore të evidentuara në Shqipëri. Të dhënat më të fundit të Institutit të......
