Shërbimet shqiptare drejt botës - BSH: Eksportet arrijnë 7.4 miliardë euro, më shumë se dyfishi i importeve
Shqipëria fiton më shumë të ardhura nga shërbimet që u ofron të huajve sesa shpenzon për shërbimet që blen nga jashtë. Të dhënat më të fundit të Bankës së Shqipërisë për vitin 2025 tregojnë se udhëtimet, transporti dhe shërbimet e biznesit janë ndër zërat kryesorë të shkëmbimeve me botën, ndërsa Kosova, Italia dhe Greqia janë partnerë të rëndësishëm tregtarë.
Në total, eksportet e shërbimeve arritën rreth 7.4 miliardë euro, ndërsa importet kapën afro 3.5 miliardë euro.
Zërin kryesor në eksportet e shërbimeve e përbëjnë udhëtimet, me gati 5 miliardë euro. Këtu përfshihen kryesisht shpenzimet e vizitorëve të huaj në Shqipëri, për shembull për akomodimin, ushqimin dhe shërbime të tjera gjatë qëndrimit të tyre. Kosova ishte tregu kryesor, e ndjekur nga Italia dhe Greqia.
Një tjetër zë i rëndësishëm është transporti, me rreth 792 milionë euro eksporte. Në këtë kategori, Kosova zë vendin e parë, e ndjekur nga Greqia dhe Italia.
Peshë kanë edhe shërbimet e përpunimit të materialeve që u përkasin të tjerëve, ndërkohë, shërbimet e tjera të biznesit, si dhe ato të telekomunikacionit dhe teknologjisë së informacionit, përbëjnë gjithashtu të ardhura nga tregjet e huaja.
Në anën tjetër, edhe në importet e shërbimeve kryesojnë udhëtimet, me rreth 2.7 miliardë euro. Kjo do të thotë se shqiptarët dhe bizneset shpenzojnë shuma të konsiderueshme për udhëtime dhe shërbime jashtë vendit. Greqia është partneri kryesor në këtë kategori, e ndjekur nga Italia dhe Gjermania.
Pas udhëtimeve, renditet transporti, me rreth 365 milionë euro importe. Italia kryeson, ndërsa pas saj vijnë Kosova dhe Turqia.
Për sa i përket shërbimeve të tjera, Shqipëria importon edhe shërbime sigurimi e pensionesh, teknologjie dhe shërbime biznesi.
Në total, Italia dhe Kosova janë ndër partnerët kryesorë të Shqipërisë në eksportet e shërbimeve, ndërsa në importe spikasin Greqia dhe Italia. Bilanci tregon se vendi arkëton nga jashtë më shumë të ardhura për shërbimet që ofron sesa shpenzon për ato që merr nga tregjet ndërkombëtare.
Italia do 165 mijë punonjës - Nga 23 tetori, mundësi edhe për shqiptarët
Italia do të hapë procedurat për pranimin e mbi 165 mijë punonjësve të huaj për vitin 2027, duke krijuar mundësi të reja punësimi edhe për shtetasit......
Sa fitojnë bizneset online? Për 77% të kompanive përbëjnë deri në 30% të të ardhurave
Shitjet përmes internetit po krijojnë mundësi të reja për bizneset, por për kompanitë shqiptare ato ende nuk përbëjnë burimin kryesor të të ardhurave. Të......
Pse gjobiten shoferët? Parkimi i gabuar, 1 në 3 masa administrative për qëndrime të ndaluara
Parkimi i gabuar dhe qëndrimet në vende të ndaluara kryesojnë listën e shkeljeve rrugore të evidentuara në Shqipëri. Të dhënat më të fundit të Institutit të......
Përvoja nuk shmang aksidentet/ Drejtuesit me mbi 9 vite patentë përfshihen në 49.2% të rasteve
Shoferët me përvojë të gjatë në drejtimin e automjeteve rezultojnë përgjegjës për numrin më të madh të aksidenteve rrugore në Shqipëri. Ndonëse përvoja......
Bashkitë drejt Kushtetueses - Debati për territorialen. Nis në SCAN TV emisioni EKOPOL
Reforma e re territoriale, e diskutuar në emisionin EKOPOL, solli përballë argumentet e mazhorancës, opozitës dhe përfaqësuesve të pushtetit vendor. Ndërsa......
114 mln euro import energjie - Blerjet për periudhën korrik-tetor, kontraktohen 713 mijë MWh
Fatura e Korporatës Elektroenergjetike Shqiptare për blerjen e energjisë elektrike gjatë vitit 2026 ka arritur në rreth 114 milionë euro, pa TVSH. Sipas të......
Britania shtrëngon emigracionin - Ndryshimet prekin azilin, apelimet dhe ata pa leje qëndrimi
Qeveria britanike ka propozuar ndryshime në legjislacionin për imigracionin dhe azilin, me synimin për të forcuar kontrollet dhe për të përshpejtuar largimin......
RMV nis autostradën e re - Segmenti Bukojçan–Kërçovë pjesë e Korridorit VIII, kushton 139 milionë euro
Maqedonia e Veriut ka nisur ndërtimin e një segmenti të ri autostrade prej 12 kilometrash, që lidh zonën e Bukojçanit me Kërçovën. Projekti, me vlerë 139......
