“Ligj i unifikuar për investimet” - Pas mbylljes së kapitullit 20, BE i kërkon Shqipërisë përfundimin e kuadrit për investimet strategjike
Shqipëria ka përmbushur kushtet për mbylljen e negociatave për Kapitullin 20 të anëtarësimit në Bashkimin Evropian, që lidhet me politikat për sipërmarrjen dhe industrinë. Ky kapitull përfshin rregullat dhe politikat që ndikojnë te bizneset, investimet dhe zhvillimi i sektorëve të ndryshëm të ekonomisë.
Në dokumentin zyrtar, Bashkimi Evropian konfirmon se Shqipëria ka përmbushur kriterin e fundit për mbylljen e këtij kapitulli. Megjithatë, kjo nuk do të thotë se puna ka përfunduar. Vendi duhet të vijojë përafrimin e legjislacionit me rregullat evropiane dhe të sigurojë zbatimin e tyre në praktikë.
Një nga fushat kryesore është mbështetja për bizneset e vogla dhe të mesme, të cilat përbëjnë një pjesë të rëndësishme të ekonomisë. Bashkimi Evropian vlerëson se Shqipëria është kryesisht e përafruar me politikat evropiane për këto biznese, por kërkon që masat e parashikuara të zbatohen në mënyrë që të rritet produktiviteti dhe të lehtësohet veprimtaria e tyre.
Një tjetër çështje është pagesa në kohë e faturave mes bizneseve. Shqipëria ka përafruar rregullat me ato evropiane për vonesat në pagesa, ndërsa tashmë kërkohet zbatimi i tyre. Për kompanitë, kjo është e rëndësishme për të shmangur vonesat në marrjen e parave dhe për të menaxhuar më mirë aktivitetin e përditshëm.
Vëmendje e veçantë i kushtohet edhe investimeve. Shqipëria duhet të përfundojë deri në fund të vitit ligjin për investimet strategjike dhe të miratojë një ligj të unifikuar për investimet, në përputhje me standardet e Bashkimit Evropian.
Ndërkohë, për turizmin kërkohet një zhvillim më i qëndrueshëm, me mbrojtje më të mirë të mjedisit dhe trashëgimisë kulturore, si dhe përfitime më të drejtpërdrejta për komunitetet vendase.
Bashkimi Evropian kërkon gjithashtu më shumë transparencë në prokurimet publike, shërbime publike të digjitalizuara dhe masa më të forta kundër korrupsionit dhe ekonomisë informale.
Pra, mbyllja e Kapitullit 20 shënon përmbushjen e një tjetër etape në negociatat e anëtarësimit, por Shqipëria do të vijojë të monitorohet për mënyrën se si i zbaton rregullat europiane në praktikë.
Bashkë me kapitullin 20 tashmë, shkon në 4 numri i kapitujve për të cilat Shqipëria ka mbyllur negociatat, teksa i mbeten edhe 29 kapituj të tjerë për t’u mbyllur brenda afatit që ka përcaktuar vetë vendi ynë dhe BE, i cili është viti 2027.
BQK-FMN forcojnë bashkëpunimin - Në fokus stabiliteti financiar dhe reformat strategjike në Kosovë
Guvernatori i Bankës Qendrore të Kosovës, Ahmet Ismaili, është takuar me zëvendësdrejtorin menaxhues të Fondit Monetar Ndërkombëtar, Bo Li, për të diskutuar......
Protesta e studentëve, tetë orë tensione në Tiranë
Përplasje me policinë, gaz lotsjellës, zjarre në rrugë dhe dëmtime të institucioneve publike. Kjo ishte panorama që shoqëroi protestën e studentëve të 13......
Konferenca e 10-të Shqipëri–BE, Rama: Një tjetër hap vendimtar drejt vendit tonë të drejtë në BE
Pas Konferencës së 10-të Ndërqeveritare Shqipëri–Bashkimi Europian në Luksemburg u mbajt një konferencë e përbashkët për shtyp e Kryeministrit Rama me......
Ndërtimet pa leje, ç’do bëhet? - Shteti do përfundojë objektet e konfiskuara dhe do t’ua dorëzojë qytetarëve që kanë paguar
Objektet e konfiskuara për shkelje të lejeve të ndërtimit do të mund të përfundohen nga shteti dhe më pas t’u dorëzohen qytetarëve që kanë lidhur kontrata......
Sa banorë prek reforma? 15 bashkitë që shkrihen kanë rreth 9.4% të popullsisë së Shqipërisë
Shqipëria do të ketë 46 bashki, nga 61 që ka aktualisht. Reforma e re administrativo-territoriale, e miratuar nga Kuvendi më 9 tetor, parashikon shkrirjen e......
Investime në infrastrukturë - Rikonstruksion unazave urbane në Ballsh, Fushë Krujë dhe Elbasan
Fondi Shqiptar i Zhvillimit ka shpallur garën për projektimin dhe zbatimin e punimeve për rikonstruksionin e unazave urbane në Ballsh, Fushë Krujë dhe......
138 MW fotovoltaike shtesë - Të dhënat, 8 centrale të reja në prodhim deri në qershor
Rreth 138 MW kapacitete të reja diellore i janë shtuar sistemit elektroenergjetik shqiptar gjatë 6-mujorit të parë të vitit 2026. Sipas të dhënave të Entit......
Rinovohet “Rruga Industriale” - Vorë, projekti për 3,9 km, trotuare e korsi biçikletash
Një prej akseve më të rëndësishme për aktivitetin ekonomik dhe qarkullimin e mjeteve të tonazhit të rëndë në Vorë pritet t'i nënshtrohet një rikonstruksioni......
