Bizneset, certifikim i detyrueshëm/ Dhoma Ekonomike merr kompetenca të reja
Bizneset shqiptare do të përballen me një detyrim të ri administrativ, që lidhet me certifikimin e aktivitetit ekonomik që ushtrojnë. Projektligji për ndryshimet në ligjin “Për regjistrimin e biznesit” parashikon që Dhoma Ekonomike Kombëtare të marrë një rol të posaçëm në identifikimin, verifikimin dhe certifikimin e veprimtarive ekonomike të subjekteve tregtare.
Sipas ndryshimeve të propozuara, Dhoma Ekonomike Kombëtare do të jetë përgjegjëse për certifikimin dhe përditësimin e Kodit të Nomenklaturës së Veprimtarive Ekonomike, i njohur si Kodi NVE. Ky kod përcakton klasifikimin zyrtar të aktivitetit që ushtron një biznes dhe do të përdoret si referencë në regjistrin tregtar.
Rregullat e reja parashikojnë që subjektet të mund të regjistrohen fillimisht në Qendrën Kombëtare të Biznesit dhe të pajisen me NIPT, pa pasur si parakusht certifikatën e Dhomës Ekonomike Kombëtare. Megjithatë, brenda 30 ditëve kalendarike nga regjistrimi, biznesi duhet ta depozitojë certifikatën përkatëse në portalin e-Albania. Në rast të mosrespektimit të këtij afati, subjekti kalon automatikisht në statusin e pezulluar, deri në plotësimin e detyrimit.
Certifikimi nuk do të jetë vetëm një procedurë fillestare. Projektligji parashikon edhe deklarimin periodik vjetor të Kodit NVE, me detyrimin që bizneset të depozitojnë certifikatën e përditësuar jo më vonë se 30 ditë kalendarike nga përfundimi i afatit njëvjeçar të certifikatës së mëparshme. Detyrime të veçanta parashikohen edhe kur një subjekt ndryshon objektin ose fushën e veprimtarisë.
Mosrespektimi i detyrimeve për deklarimin periodik apo përditësimin e Kodit NVE do të shoqërohet me sanksione. Projektligji parashikon gjoba prej 60 mijë lekësh për shkeljet e përcaktuara, si dhe pezullimin e së drejtës për të kryer veprime në regjistrin tregtar deri në saktësimin dhe certifikimin e aktivitetit.
Ndryshimet i japin Dhomës Ekonomike Kombëtare funksione të rëndësishme në administrimin e informacionit ekonomik të bizneseve, ndërsa QKB-ja do të vijojë të jetë institucioni përgjegjës për regjistrimin tregtar. Funksionet e reja do të zbatohen në lidhje me hyrjen në fuqi të ligjit për Dhomën Ekonomike Kombëtare dhe plotësimin e kushteve përkatëse teknike e institucionale.
Tirana, 38 minuta rrugës/ Kohëzgjatja e një udhëtimi në kryeqytet, si krahasohemi me Europën?
Për të përshkuar një itinerar të përditshëm në Tiranë në një drejtim për në punë ose në shkollë nevojiten mesatarisht 38.4 minuta. Kjo është koha e udhëtimit......
Si përfitohet shtetësia gjermane?/ Aplikimi nëse ke 5 vite, tarifa 255 euro
Marrja e shtetësisë gjermane është e mundur pas pesë vitesh qëndrimi të ligjshëm në vend, por vetëm nëse plotësohen një sërë kriteresh që lidhen me punësimin,......
Protestat, Rama: I kam dëgjuar ankesat për 4 muaj, kërkesat janë në fokus të qeverisë
Kryeministri Edi Rama, në një deklaratë për shtyp së bashku me ministrin e Brendshëm, Ervin Demo foli sërish për protestat. Numri një i qeverisë, në fjalën e......
Shtëpitë bosh, qira te shteti/ Skema e re e strehimit, marrëveshje me pronarët
Pronarët e apartamenteve që qëndrojnë të pabanuara mund t'i japin ato me qira përmes programeve shtetërore të strehimit, duke përfituar garanci për pagesën e......
Si bëhet pjesëtimi i pronës?/ Aplikimi në e-Albania, procedura dhe hapat që duhet të ndiqen
Qytetarët që kanë një pronë në bashkëpronësi mund të aplikojnë për ndarjen e saj, direkt në e-Albania. Kadastra Shqiptare ka publikuar udhëzimet zyrtare mbi......
Studimet me financim/ Deri më 4 nëntor aplikimet për kreditë studentore në e-Albania
Studentët që dëshirojnë të përfitojnë nga skema e kreditimit për financimin e studimeve universitare kanë afat deri më 4 nëntor për të dorëzuar aplikimet......
Danimarka do punonjës të huaj/ Platforma për aplikime, mundësi për shqiptarët
Danimarka po promovon mundësitë e punësimit për shtetasit e huaj, përmes një platforme zyrtare që u mundëson kandidatëve ndërkombëtarë të kërkojnë vende pune......
Më pak plastikë, më pak tarifa/ Nevojiten lehtësi fiskale për hotelet, baret dhe restorantet që ulin plastikën njëpërdorimshe
Kalimi nga gotat dhe ambalazhet njëpërdorimëshe te alternativat e ripërdorshme kërkon ndryshime në mënyrën e shërbimit dhe investime nga bizneset. Krahas......
