Vidhen 332 milionë euro - Sulmi më i madh kibernetik i vitit trondit tregun global të kriptomonedhave
Një nga grabitjet më të mëdha të kriptomonedhave të regjistruara këtë vit ka tronditur tregun global. Rreth 387.5 milionë dollarë, ose 332.8 milionë euro, janë vjedhur nga platforma e kriptomonedhave Bitget, ndërsa dyshimet kryesore janë drejtuar nga autoritetet dhe ekspertët e sigurisë kibernetike te hakerët e lidhur me Korenë e Veriut.
Sulmi u zbulua pasi u konstatuan transferta të paautorizuara nga disa prej kuletave të platformës. Kompania tha se kuletat e saj më të izoluara, të njohura si “cold wallets”, nuk u prekën.
Sipas drejtueses së Bitget, Gracy Chen, gjurmët teknike të sulmit, përfshirë adresat IP dhe përdorimin e VPN-ve, përputhen me mënyrat e përdorura nga një grup hakerësh të lidhur me Korenë e Veriut. Kompania e konsideron lidhjen me Phenianin “shumë të mundshme”.
Hakerët nuk arritën të merrnin çelësat privatë të kuletave. Në vend të kësaj, ata depërtuan në një sistem të brendshëm dhe futën të dhëna të rreme në transaksione, duke bërë që transfertat mashtruese të dukeshin si operacione të ligjshme për sistemin e miratimit.
Bitget ka deklaruar se fondi i mbrojtjes së përdoruesve, me më shumë se 464 milionë dollarë, është i mjaftueshëm për të mbuluar humbjen. Bilancet e klientëve, sipas kompanisë, mbeten të sakta dhe aktiviteti i depozitave dhe tregtimit ka vijuar.
Tërheqjet u pezulluan përkohësisht si masë sigurie, ndërsa kompania po punon me autoritetet dhe firmat e specializuara për të gjurmuar fondet e vjedhura. Rikthimi i tërheqjeve është planifikuar të bëhet gradualisht.
Sipas kompanisë së inteligjencës blockchain TRM Labs, ky është grabitja më e madhe e kriptomonedhave e raportuar deri tani gjatë vitit 2026.
Por shifra bëhet edhe më tronditëse kur vendoset në kontekstin e sulmeve të mëparshme. TRM Labs vlerëson se grupet e lidhura me Korenë e Veriut kishin shkaktuar 76% të vlerës së kriptomonedhave të vjedhura në sulmet globale deri në prill, përpara incidentit të Bitget.
Në shkurt 2025, hakerë të lidhur me Korenë e Veriut grabitën rreth 1.5 miliardë dollarë nga platforma Bybit, sipas FBI-së amerikane.
Thesari amerikan ka deklaruar më herët se fondet e siguruara përmes këtyre sulmeve kibernetike përdoren për të mbështetur programet e Koresë së Veriut për armët bërthamore dhe raketat balistike.
Ndërsa Pheniani është një nga vendet me qasjen më të kufizuar në internet për qytetarët e zakonshëm, kapacitetet e tij kibernetike janë shndërruar në një burim të rëndësishëm financiar për regjimin.
Çfarë i shet Shqipëria Britanisë? Veshjet kryesojnë eksportet shqiptare në 2026
Marrëdhëniet tregtare mes Shqipërisë dhe Mbretërisë së Bashkuar përfshijnë një gamë të gjerë produktesh, nga automjetet dhe makineritë, te veshjet, ushqimet......
Çfarë prodhuam më shumë? Ushqimet e përditshme në rritje, buka shënon më shumë prodhim
Anketa e Produkteve Industriale nga INSTAT ofron një panoramë vjetore mbi prodhimin dhe shitjen e produkteve industriale, duke nxjerrë në pah ndryshimet në......
Ndërtimi “ushqen” industrinë/ Rritet prodhimi i çimentos dhe betonit në vitin 2025
Industria e materialeve të ndërtimit e mbylli vitin 2025 me rritje të prodhimit dhe të shitjeve referuar të dhënave. Çimentoja, betoni i gatshëm dhe llaçi,......
Transparenca i jep zë qytetarit - 28 Shtatori rikthen në vëmendje të drejtën për informacion publik
28 Shtatori, Dita Ndërkombëtare e së Drejtës për Informim, sjell në vëmendje rëndësinë e transparencës së institucioneve dhe aksesit të qytetarëve në......
Serbia merr 600 mln Usd - Banka Botërore financon infrastrukturën e gazit për siguri dhe diversifikim energjetik
Banka Botërore ka miratuar një financim prej 600 milionë dollarësh, rreth 526 milionë euro, për zhvillimin e sektorit të gazit në Serbi. Programi synon të......
Stacioni i trenit në Rinas - Shpallet fituesi për projektimin dhe ndërtimin. I hapet rruga lidhjes së kontratës
Hekurudha Shqiptare ka shpallur kompaninë fituese për projektimin e detajuar dhe ndërtimin e godinës së stacionit hekurudhor të Aeroportit të Rinasit. Vendimi......
Leku i fortë uli koston e kredisë - BSH: Zhvlerësimi i euros lehtësoi këstet për qytetarët që të ardhurat i kanë në lekë
Forcimi i lekut ndaj euros gjatë muajve të fundit ka sjellë një efekt të drejtpërdrejtë edhe për qytetarët që kanë marrë kredi në monedhën evropiane. Për një......
“Beteja” për një banesë! - Nga Vjena, te Dublini. Qytetet po provojnë modele të reja për qiratë
Kriza e banesave po kthehet në një nga problemet më të mëdha sociale dhe ekonomike të qyteteve europiane. Rritja e qirave, çmimet e larta të pronave dhe......
