“Institucionet nuk konkurrojnë!” - Duhet t’i shërbejnë të njëjtit interes. Mblidhet Këshilli i Sigurimit Kombëtar
Presidenti i Republikës, Bajram Begaj, ka thirrur mbledhjen e Këshillit të Sigurimit Kombëtar, ku në fokus kanë qenë zhvillimet e aktualitetit dhe ndikimi i tyre në veprimtarinë e institucioneve të sigurisë.
Në mbledhje, përveç anëtarëve të përcaktuar me ligj, ishin të ftuar edhe përfaqësues të Prokurorisë së Përgjithshme dhe të Prokurorisë së Posaçme Kundër Korrupsionit dhe Krimit të Organizuar (SPAK).
Sipas përfundimeve të bëra publike pas takimit, Presidenti dhe anëtarët e Këshillit kanë theksuar rëndësinë e forcimit të bashkëpunimit ndërinstitucional, koordinimit me partnerët dhe aleatët ndërkombëtarë, si dhe rritjes së besimit të qytetarëve tek institucionet.
“Për sigurinë kombëtare, institucionet nuk konkurrojnë me njëri-tjetrin. Ato kanë përgjegjësi të ndryshme, por i shërbejnë të njëjtit interes: sigurisë së Republikës së Shqipërisë”, thuhet në përfundimet e mbledhjes.
Një tjetër pikë e rëndësishme lidhet me proceset hetimore të drejtësisë. Këshilli ka nënvizuar se hetimet duhet të zhvillohen tërësisht në mënyrë të pavarur dhe se rezultatet e proceseve individuale nuk duhet të shndërrohen në një krizë besimi ndaj shtetit dhe institucioneve të sigurisë.
Në deklaratë theksohet gjithashtu nevoja për forcimin e standardeve, kontrollit, transparencës dhe llogaridhënies, me qëllim që institucionet t’u dëshmojnë qytetarëve se sistemi është në gjendje të korrigjojë vetveten dhe të mbrojë interesin publik.
“Këshilli i Sigurimit Kombëtar nuk merr vendime. Ai është organ këshillimor i Presidentit të Republikës dhe mbështet Presidentin në ushtrimin e kompetencave kushtetuese dhe ligjore”, sqarohet në njoftimin për mbledhjen.
Takimet e Këshillit të Sigurimit Kombëtar zhvillohen të mbyllura, ndërsa në këtë mbledhje është vënë theksi te bashkëpunimi mes institucioneve shqiptare dhe koordinimi me partnerët ndërkombëtarë për forcimin e sigurisë kombëtare dhe besimit të publikut.
Vidhen 332 milionë euro - Sulmi më i madh kibernetik i vitit trondit tregun global të kriptomonedhave
Një nga grabitjet më të mëdha të kriptomonedhave të regjistruara këtë vit ka tronditur tregun global. Rreth 387.5 milionë dollarë, ose 332.8 milionë euro,......
Çfarë i shet Shqipëria Britanisë? Veshjet kryesojnë eksportet shqiptare në 2026
Marrëdhëniet tregtare mes Shqipërisë dhe Mbretërisë së Bashkuar përfshijnë një gamë të gjerë produktesh, nga automjetet dhe makineritë, te veshjet, ushqimet......
Çfarë prodhuam më shumë? Ushqimet e përditshme në rritje, buka shënon më shumë prodhim
Anketa e Produkteve Industriale nga INSTAT ofron një panoramë vjetore mbi prodhimin dhe shitjen e produkteve industriale, duke nxjerrë në pah ndryshimet në......
Ndërtimi “ushqen” industrinë/ Rritet prodhimi i çimentos dhe betonit në vitin 2025
Industria e materialeve të ndërtimit e mbylli vitin 2025 me rritje të prodhimit dhe të shitjeve referuar të dhënave. Çimentoja, betoni i gatshëm dhe llaçi,......
Transparenca i jep zë qytetarit - 28 Shtatori rikthen në vëmendje të drejtën për informacion publik
28 Shtatori, Dita Ndërkombëtare e së Drejtës për Informim, sjell në vëmendje rëndësinë e transparencës së institucioneve dhe aksesit të qytetarëve në......
Serbia merr 600 mln Usd - Banka Botërore financon infrastrukturën e gazit për siguri dhe diversifikim energjetik
Banka Botërore ka miratuar një financim prej 600 milionë dollarësh, rreth 526 milionë euro, për zhvillimin e sektorit të gazit në Serbi. Programi synon të......
Stacioni i trenit në Rinas - Shpallet fituesi për projektimin dhe ndërtimin. I hapet rruga lidhjes së kontratës
Hekurudha Shqiptare ka shpallur kompaninë fituese për projektimin e detajuar dhe ndërtimin e godinës së stacionit hekurudhor të Aeroportit të Rinasit. Vendimi......
Leku i fortë uli koston e kredisë - BSH: Zhvlerësimi i euros lehtësoi këstet për qytetarët që të ardhurat i kanë në lekë
Forcimi i lekut ndaj euros gjatë muajve të fundit ka sjellë një efekt të drejtpërdrejtë edhe për qytetarët që kanë marrë kredi në monedhën evropiane. Për një......
