Treni vjen në 2027-ën? - Muçaj: Tiranë-Durrës-Rinas, drejt vënies në funksion. Vorë-Hani i Hotit e Durrës-Rrogozhinë, deri në 2030
Hekurudha Tiranë–Durrës dhe lidhja me aeroportin ndërkombëtar të Rinasit synohen të vihen në funksion gjatë vitit 2027. Afati është bërë i ditur nga zv.ministrja e Infrastrukturës dhe Energjisë, Enkelejda Muçaj gjatë emisionit Inside Neës në TV SCAN, ku ajo foli për ecurinë e projekteve kryesore hekurudhore dhe objektivat e vendit tonë për integrimin në rrjetin evropian të transportit, brenda vitit 2030.
“2030-a për ne, për pjesën e projekteve siç është Tiranë-Durrësi dhe lidhja me aeroportin e Tiranës, patjetër që është një realitet dhe ne shpresojmë që 2027-a të na gjejë me një linjë hekurudhore të rehabilituar. Ndërkohë për segmentet shtesë, pra për 4 km për kthimin e stacionit të trenit në Tiranë, ka një segmentim po themi. Por që Tiranë-Durrësi dhe lidhjen me aeroportin, brenda 2027-ës urojmë ta kemi në funksionim, përveç elementeve të paparashikuar që nuk i shohim për momentin. Ndërkohë ka një progres të jashtëzakonshëm në kuptimin e kontraktimit, të gjitha procedurave të brendshme”, - tha Muçaj.
Ndërkohë, për dy projektet e tjera hekurudhore, Vorë–Hani i Hotit dhe Durrës–Rrogozhinë, objektivi është përfundimi brenda vitit 2030. Zv.ministrja theksoi se realizimi i tyre do të varet edhe nga ecuria teknike e punimeve, ndërsa procedurat e kontraktimit kanë shënuar progres.
“Për sa i përket çështjes së Vorë-Hani i Hotit, edhe aty ne kemi një parashikueshmëri brenda 2030-ës, pasi duam ta konsiderojmë për momentin. Gjithmonë me tolerancën që thamë kryesisht të karakterit teknik që ajo të realizohet. Pra ne kemi një angazhim të plotë në mënyrë që pjesa e implementimit të mos gjejë pengesa dhe të mund të realizohet. Durrës-Rrogozhina ka një planifikim dhe ajo drejt 2030-ës dhe ndërkohë të gjitha këto elementë pra, brenda 2030-ës ne mendojmë se do të kemi produkte të prekshme dhe përpara madje për segmentet që diskutuam, për qytetarët shqiptarë”, - tha Muçaj.
Përtej investimeve, zv.ministrja bëri të ditur edhe objektivat e ministrisë për kapitujt e negociatave me Bashkimin Evropian e më specifikisht për Kapitullin 14, për Politikën e Transportit dhe Kapitulli 21, për Rrjetet Transeuropiane.
“Ne mendojmë që në fakt brenda marsit të vitit që vjen, pra në 2027-ën, kapitulli 14 do të jetë nga pikëpamja teknike i mbyllur për sa i takon Shqipërisë, pra anës tonë. Kuptohet që jemi 2 në këtë “tango”, pra është Komisioni Evropian nga ana tjetër që vjen me pjesën e vlerësimit, konsideratave të veta për procesin dhe kjo është mëse normale. Për kapitullin 21 madje, kemi një përgatitje dhe më paraprake dhe shpresojmë shumë që brenda këtij viti ne të kemi konsiderata pozitive nga Bashkimi Evropian”, - tha Muçaj.
Doganat mbledhin 165 mld lekë - Të ardhurat rriten me 6.8 miliardë lekë në 8 muaj
Të ardhurat e administruara nga Drejtoria e Përgjithshme e Doganave arritën në 164.9 miliardë lekë gjatë 8-mujorit të parë të vitit 2026, duke u rritur me......
Ekonomia përshpejton rritjen - BERZH: Pasiguritë në Kosovë mbeten të larta
Në raportin e fundit, Banka Evropiane për Rindërtim dhe Zhvillim (BERZH) thekson se rritja reale e ekonomisë së Kosovës u përshpejtua nga 3,6% në vitin 2025......
Shqipëria do të rritet me 3.5% - BERZH: Ekonomia mbështetet nga turizmi, investimet dhe konsumi
Ekonomia shqiptare vijon të rritet, por ritmi i zgjerimit pritet të ngadalësohet gjatë këtij dhe vitit të ardhshëm. Sipas BERZH, rritja reale ekonomike ishte......
Kredia studentore, sa kushton? - Mes kostos së jetesës dhe detyrimit pas studimeve
Studentët, familjet e të cilëve nuk kanë mundësi të sigurojnë paratë për shkollimin e fëmijëve të tyre, mund të kërkojnë kredi studentore për të mbuluar......
Ku paguhen gratë më shumë? Berati përmbys hendekun e pagave. Në Gjirokastër, favorizohen burrat
Në debatin për pagat gjinore, zakonisht flitet për një panoramë të njohur, burrat fitojnë më shumë se gratë. Por të dhënat më të fundit rajonale tregojnë se......
Forcohen Dollari dhe Euro – Sa këmbehen sot Franga dhe Paundi?
Dollari amerikan e ka nisur këtë të enjte pozitivisht duke rikuperuar pikë nga dita e djeshme teksa është blerë sot me 80 lekë dhe është shitur me 81 lekë......
Marrëveshja për qymyrin - Kurti dhe Mickoski dakordësohen për projektet energjetike dhe infrastrukturore
Kryeministri i Kosovës, Albin Kurti, u takua në Nju-Jork me kryeministrin e Maqedonisë së Veriut, Hristijan Mickoski, ku në fokus ishte zbatimi i marrëveshjes......
Trump pret Xi në SHBA - Dy superfuqitë zgjasin armëpushimin tregtar deri në janar
Presidenti amerikan Donald Trump priti në një ceremoni madhështore homologun e tij kinez, Xi Jinping, në bazën ajrore Andrews pranë Uashingtonit, në nisje të......
