Shqipëria, tregu kryesor i Puglias - 83.5 mln euro ushqime, verë dhe pije vetëm gjatë vitit 2025
Afërsia përtej Adriatikut po e kthen Shqipërinë në një nga tregjet më të rëndësishme për industrinë ushqimore të Puglias. Vetëm gjatë vitit 2025, rajoni italian eksportoi drejt Shqipërisë 83.5 milionë euro ushqime, verë dhe pije të tjera.
Të dhënat e reja të Unioncamere Puglia tregojnë se Shqipëria përthith e vetme rreth 75% të eksporteve puglieze të këtyre produkteve drejt katër tregjeve të Ballkanit Perëndimor të marra në analizë, Shqipërisë, Kosovës, Maqedonisë së Veriut dhe Malit të Zi. Në total, këto katër vende blenë 111.3 milionë euro produkte ushqimore dhe pije nga Puglia gjatë vitit të kaluar.
Me fjalë të tjera, nga çdo 4 euro që Puglia siguron nga eksportet e ushqimeve dhe pijeve drejt këtyre katër tregjeve, rreth 3 euro vijnë nga Shqipëria.
Por pesha e tregut shqiptar bëhet edhe më e dukshme kur Puglia krahasohet me rajonet e tjera italiane.
Me 24.1% të totalit italian, Puglia është sot rajoni numër një i Italisë për eksportin e ushqimeve, verës dhe pijeve drejt Shqipërisë. Pra, pothuajse një në çdo katër euro produkte të kësaj kategorie që Italia eksporton në tregun shqiptar vjen vetëm nga Puglia.
Tendenca nuk është e një viti të vetëm. Unioncamere Puglia thotë se seria historike e eksporteve agro-ushqimore dhe të verës drejt Shqipërisë është në rritje të pandërprerë prej më shumë se pesë vitesh.
Pozicioni i Shqipërisë është dukshëm më i madh edhe brenda grupit të vendeve të analizuara. Nga 111.3 milionë euro eksporte drejt katër vendeve, 83.5 milionë shkojnë në Shqipëri, ndërsa Kosovës, Maqedonisë së Veriut dhe Malit të Zi u mbeten së bashku vetëm rreth 27.8 milionë euro.
Për Puglian, megjithatë, objektivi tashmë nuk është vetëm të shesë më shumë produkte në Shqipëri. Strategjia e prezantuar në Bari synon kalimin nga eksporti tradicional drejt një pranie më të qëndrueshme në treg, përmes lidhjeve me distributorë dhe operatorë vendas.
Unioncamere Puglia ka një zyrë në Tiranë që prej vitit 1999 dhe thotë se ka ndihmuar kompanitë puglieze të pozicionohen në tregjet e Ballkanit. Hapi i ardhshëm është organizimi më i mirë i ofertës së kompanive dhe krijimi i aleancave me distributorët lokalë.
Të dhënat u prezantuan më 21 shtator në Fiera del Levante në Bari, gjatë aktivitetit “Puglia Business Routes”, organizuar nga Unioncamere Puglia dhe Regione Puglia. Sipas organizatorëve, afërsia gjeografike dhe marrëdhëniet ekzistuese tregtare e bëjnë Ballkanin Perëndimor një zonë me interes të veçantë për zgjerimin e mëtejshëm të kompanive puglieze.
FMN: Rreziqet po shtohen - Inflacioni, borxhet dhe investimet në IA po shqetësojnë ekonominë globale
Ekonomia globale po tregohet më rezistente nga sa pritej, por rreziqet për një ngadalësim të mëtejshëm mbeten të larta. Paralajmërimi vjen nga drejtoresha e......
Zgjerohen remitancat në Kosovë - Diaspora dërgoi afro 700 milionë euro në vetëm gjashtë muaj
Diaspora vazhdon të jetë një prej shtyllave të rëndësishme të ekonomisë së Kosovës. Vetëm gjatë gjashtë muajve të parë të vitit 2026, mërgimtarët kanë dërguar......
Shqipëria nënshkruan në NASA - Marrëveshjet Artemis, ministri Hoxha: Një ditë krenarie për vendin
Shqipëria ka hedhur një hap të ri në fushën e bashkëpunimit ndërkombëtar për eksplorimin e hapësirës. Ministri për Evropën dhe Punët e Jashtme, Ferit Hoxha,......
Automjetet ngelin në kontroll - DPSHTRR: 290 mijë testime në 8 muaj
Rreth 290 mijë mjete janë testuar për kontroll teknik gjatë tetë muajve të parë të vitit 2026. Të dhënat e publikuara nga Drejtoria e Përgjithshme e......
Gjermania rrit parashikimin - Ekonomia pritet të zgjerohet 1.2% këtë vit, por rimëkëmbja mbetet e brishtë
Instituti Ekonomik Gjerman ka rritur parashikimin për rritjen ekonomike të vendit në vitin 2026, nga 0.4% në 1.2%, sipas parashikimit të tij të......
Bursa greke hyn në elitë - Tregu kalon në grupin e vendeve të zhvilluara pas krizës së borxhit
Bursa greke është riklasifikuar nga treg në zhvillim në treg të zhvilluar, në një tjetër sinjal të përmirësimit të ekonomisë dhe financave publike të......
Gjermania, “sitë” emigrantëve - Kontroll strehimit, asistencës dhe kantiereve të punës
Gjermania po përgatitet të shtrëngojë kontrollet ndaj punës së padeklaruar, punësimeve fiktive dhe shfrytëzimit të punëtorëve të huaj. Një plan i ri me dhjetë......
BQE hyn në epokën digjitale - Sistemi i ri mundëson pagesa të sigurta për asetet e tokenizuara
Banka Qendrore Europiane ka lançuar “Pontes”, një sistem të ri që u mundëson bankave të shlyejnë transaksionet me asete të tokenizuara përmes parasë së bankës......
