IA rritet, media sociale dominon/ Gati 9 në 10 biznese përdorin rrjetet sociale, por vetëm 1 në 8 përdor IA
Mediat sociale po bëhen “vitrina” e zakonshme e bizneseve shqiptare, ndërsa inteligjenca artificiale po hyn më ngadalë, por me ritëm dukshëm më të shpejtë. Të dhënat për përdorimin e teknologjisë në ndërmarrje tregojnë se në vitin 2026, 88.1% e bizneseve përdorin media sociale, nga 86.5% një vit më parë. Ndërkohë, përdorimi i inteligjencës artificiale është rritur nga 9% në 12.4%. Pra, mund të themi se gati 9 në 10 ndërmarrje përdorin rrjetet sociale, por vetëm 1 në 8 përdor inteligjencën artificiale.
Mediat sociale janë më të përhapura në tregtinë me shumicë dhe pakicë, ku i përdorin 96% e ndërmarrjeve, të ndjekura nga transporti dhe magazinimi me 95.7% dhe aktivitetet e energjisë, ujit dhe menaxhimit të mbetjeve me 95.3%. Edhe sektori i publikimit, transmetimit dhe prodhimit të përmbajtjes ka një prani shumë të lartë, me 92.5%, ndërsa aktivitetet administrative dhe mbështetëse arrijnë në 92.1%. Në ndërtim, përdorimi i mediave sociale është rritur nga 84% në 89.4%, një nga rritjet më të dukshme mes sektorëve.
Pamja ndryshon ndjeshëm kur bëhet fjalë për inteligjencën artificiale. Kryesojnë telekomunikacioni, programimi kompjuterik dhe shërbimet e informacionit, ku IA përdoret nga 36.1% e ndërmarrjeve. Pas tyre vijnë aktivitetet financiare dhe të sigurimit me 34%, publikimi dhe transmetimi me 24.4%, si dhe aktivitetet profesionale, shkencore dhe teknike me 22%.
Rritja e IA nuk është e njëtrajtshme. Në aktivitetet e tjera të shërbimit, përdorimi është më shumë se dyfishuar, nga 6% në 14.8%. Në transport është rritur nga 8.5% në 14.2%, ndërsa në ndërtim nga vetëm 2.8% në 7.5%. Në kah të kundërt, akomodimi dhe shërbimi ushqimor kanë shënuar rënie, nga 11.3% në 9.1%.
Bizneset e kanë përqafuar gjerësisht komunikimin në rrjetet sociale, por përdorimi i IA mbetet ende i përqendruar te sektorët më të lidhur me teknologjinë, financat dhe përmbajtjen. Megjithatë, rritja brenda vetëm një viti tregon se inteligjenca artificiale po kalon gradualisht nga eksperimentimi në përdorim më të gjerë në ekonomi.
Tapi falas dhe për tokat - ASHK nis procesin në 59 fshatra në të gjithë Shqipërinë
Agjencia Shtetërore e Kadastrës ka avancuar procesin e kalimit të tokës bujqësore nga përdorimi në pronësi në fshatrat e Shqipërisë. Procesi ka nisur......
Ulet çmimi i karburanteve - Bordi i Transparencës vendos tavanet e reja
Bordi i Transparencës dhe Kufizimit të Përkohshëm të Çmimeve të Tregtimit me Shumicë dhe Pakicë të Nënprodukteve të Naftës dhe Gazit ka zhvilluar këtë të......
Shqipëria, tregu kryesor i Puglias - 83.5 mln euro ushqime, verë dhe pije vetëm gjatë vitit 2025
Afërsia përtej Adriatikut po e kthen Shqipërinë në një nga tregjet më të rëndësishme për industrinë ushqimore të Puglias. Vetëm gjatë vitit 2025, rajoni......
FMN: Rreziqet po shtohen - Inflacioni, borxhet dhe investimet në IA po shqetësojnë ekonominë globale
Ekonomia globale po tregohet më rezistente nga sa pritej, por rreziqet për një ngadalësim të mëtejshëm mbeten të larta. Paralajmërimi vjen nga drejtoresha e......
Zgjerohen remitancat në Kosovë - Diaspora dërgoi afro 700 milionë euro në vetëm gjashtë muaj
Diaspora vazhdon të jetë një prej shtyllave të rëndësishme të ekonomisë së Kosovës. Vetëm gjatë gjashtë muajve të parë të vitit 2026, mërgimtarët kanë dërguar......
Shqipëria nënshkruan në NASA - Marrëveshjet Artemis, ministri Hoxha: Një ditë krenarie për vendin
Shqipëria ka hedhur një hap të ri në fushën e bashkëpunimit ndërkombëtar për eksplorimin e hapësirës. Ministri për Evropën dhe Punët e Jashtme, Ferit Hoxha,......
Automjetet ngelin në kontroll - DPSHTRR: 290 mijë testime në 8 muaj
Rreth 290 mijë mjete janë testuar për kontroll teknik gjatë tetë muajve të parë të vitit 2026. Të dhënat e publikuara nga Drejtoria e Përgjithshme e......
Gjermania rrit parashikimin - Ekonomia pritet të zgjerohet 1.2% këtë vit, por rimëkëmbja mbetet e brishtë
Instituti Ekonomik Gjerman ka rritur parashikimin për rritjen ekonomike të vendit në vitin 2026, nga 0.4% në 1.2%, sipas parashikimit të tij të......
