Shkodra, drejt transformimit - Kopshti Linear dhe aksi multimodal, FSHZH shpall garën
Fondi Shqiptar i Zhvillimit ka shpallur garën për shërbime konsulence për hartimin e projektit të detajuar për ndërhyrjen “Kopshti Linear dhe Aksi Multimodal Veri–Jug i Shkodrës”. Fondi limit i procedurës është 28 milionë e 57 mijë lekë. Projekti synon transformimin e një prej korridoreve kryesore të qytetit, përmes shtimit të gjelbërimit, përmirësimit të hapësirave publike dhe krijimit të kushteve më të sigurta për këmbësorët dhe çiklistët.
Sipas dokumentacionit të publikuar në Agjencinë e Prokurimit Publik, ndërhyrja është pjesë e programit “Porta e Alpeve”, i financuar përmes një huaje kuadër nga Banka Evropiane e Investimeve dhe i zbatuar nga Fondi Shqiptar i Zhvillimit. Projekti parashikon riorganizimin e aksit veri–jug, nga lagjja “Rus” deri te rrethrrotullimi i Bypass-it në jug, duke përfshirë rrugën “Mbreti Gent”, bulevardin “Zogu i Parë”, rrugën “Studenti” dhe disa prej shesheve kryesore të qytetit.
Sipas konceptit të përcaktuar në dokumentet e tenderit, synimi është që ky aks të mos jetë më një hapësirë e dominuar nga automjetet, por një korridor urban shumëfunksional, ku përparësi do të kenë lëvizja në këmbë, biçikletat dhe transporti publik. Për këtë qëllim, parashikohet zgjerimi dhe përmirësimi i trotuareve, krijimi i korsive të mbrojtura për biçikletat, riorganizimi i parkimit dhe rritja e sigurisë në kryqëzime e kalime këmbësorësh.
Gjithashtu, sipas projektit do të krijohet kopshti linear përgjatë bulevardit, përmes shtimit të pemëve, sipërfaqeve të mbjella dhe hapësirave të gjelbra. Referuar dokumentit, parashikohen gjithashtu zgjidhje peizazhistike me bimësi vendase, përmirësimin e ndriçimit publik dhe ndërhyrje për menaxhimin e ujërave të shiut, me synimin për të përmirësuar cilësinë e mjedisit urban dhe për të ndihmuar në përballimin e problematikave të përmbytjeve.
Ndërhyrjet do të përfshijnë edhe sheshet “Balshaj”, “Parrucë” dhe “Demokracia”, si dhe zonat përreth institucioneve arsimore, kulturore dhe hapësirave publike. Vëmendje e veçantë parashikohet për aksesueshmërinë e personave me aftësi të kufizuara, përmirësimin e stacioneve të autobusëve dhe krijimin e një infrastrukture më të përshtatshme për të gjitha grupmoshat.
Projekti është pjesë e Planit të Lëvizshmërisë së Qëndrueshme Urbane të Shkodrës dhe Velipojës, të miratuar nga Këshilli Bashkiak në nëntor të vitit 2025. Ai synon të lidhet edhe me investime të tjera të parashikuara në qytet, si Parku i Hyrjes, zona e tregut të Zdrales dhe Distrikti Muzeal, duke krijuar një korridor që ndërthur transportin, hapësirat publike, trashëgiminë kulturore dhe zhvillimin turistik të Shkodrës.
Ndërtimet “furnizojnë” bashkitë - Rekord të ardhurash. Cilët janë 7 vendorët që kryesojnë listën?
Ndërtimet e reja janë zëri kryesor që furnizojnë me të ardhura bashkitë në vend. Referuar të dhënave zyrtare të Ministrisë së Financave mbi performancën e......
Trump bllokon emigracionin - Talentet nga jashtë pezullohen nga programi që lejonte qëndrimin e përhershëm në SHBA
Administrata e presidentit amerikan Donald Trump ka zgjeruar ofensivën kundër punësimit të fuqisë punëtore të huaj, duke pezulluar disa prej kompanive më të......
BE sfidon Kinën - 46 projekte strategjike për të ulur varësinë nga mineralet kineze
Komisioni Evropian ka shpallur një listë të re me 46 projekte strategjike për mineralet kritike, në përpjekje për të ulur varësinë nga Kina dhe për të forcuar......
Rokadë diplomatike! - Meidani: Hekurudha Durrës-Prishtinë, strategjike. Malaj: Forcim marrëdhënieve politike
Këtë të premte para Komisionit parlamentar për Europën dhe Punët e Jashtme, kandidati për ambasador i Shqipërisë në Kosovë, Denion Meidani, prezantoi vizionin......
Mbështetje për familjet e policëve të rënë - AAPSK financon trajnimin e 12 familjarëve për krijimin e bizneseve të tyre
Agjencia e Administrimit të Pasurive të Sekuestruara dhe të Konfiskuara (AAPSK) ka mbështetur financiarisht një program për fuqizimin ekonomik dhe......
Harta vendore ndër vite - Nga rrethet, te bashkitë e zgjeruara. Historiku i ndarjes administrative
Ndarja administrative e Shqipërisë ka kaluar në disa faza, nga rrethet e sistemit të centralizuar, te bashkitë dhe komunat e viteve ’90, e më pas te bashkimi......
Me kursime, apo me borxhe? Si e nisin biznesin shqiptarët? Regjistrojmë përdorimin më të lartë të kredive
Të hapësh një biznes në Shqipëri do të thotë, në shumicën e rasteve, të mbështetesh te paratë e tua. Megjithatë, për një pjesë të konsiderueshme të......
Sa kushtojnë turet historike? Shqipëria, ndër alternativat më ekonomike në rajon dhe Europë
Një pjesë e rëndësishme e udhëtimeve turistike janë edhe vizitat në monumentet historike dhe sitet kulturore, të cilat pasqyrojnë periudha të ndryshme të......
