Energji pa matje, deri 3 muaj - Matës i dëmtuar apo mungesë aksesi, faturimi për dritat sipas historikut
Kur matësi është i dëmtuar ose nuk mund të lexohet, fatura e energjisë elektrike do përllogaritet mbi bazën e konsumit të mëparshëm, për jo më shumë se 3 muaj. Enti Rregullator i Energjisë ka nxjerrë për konsultim publik projektmetodologjinë që përcakton mënyrën e përllogaritjes së këtyre faturave dhe korrigjimin e tyre pasi sigurohen të dhënat faktike.
Sipas projektit, faturimi me vlerë referuese do zbatohet kur të dhënat e matjes janë të padisponueshme ose të paarritshme për më shumë se një muaj. Shkaqet përfshijnë dëmtimin e matësit, funksionimin e tij jashtë kushteve teknike ose mungesën e aksesit në të dhënat e matjes.
Për përllogaritjen e konsumit, përparësi do të ketë sasia e energjisë së matur në të njëjtin muaj të vitit të mëparshëm. Nëse kjo e dhënë mungon, furnizuesi do të përdorë mesataren mujore të konsumit të regjistruar gjatë 12 muajve të fundit. Për kontratat që kanë vetëm nga një deri në 11 muaj me matje faktike, mesatarja do të llogaritet mbi muajt për të cilët disponohen të dhëna.
Ndërsa klientët pa asnjë muaj me të dhëna faktike matjeje propozohet të faturohen me vlerë referuese zero kilovatorë, për jo më shumë se tre muaj radhazi. Kjo nuk përbën përjashtim nga pagesa e konsumit real, pasi faturimi do të korrigjohet kur të dhënat të bëhen të disponueshme.
Nëse konsumi faktik rezulton më i lartë se ai i faturuar, diferenca do t’i ngarkohet klientit në faturën pasardhëse. Në rastin e kundërt, shuma përkatëse do t’i zbritet nga detyrimi. Fatura duhet të pasqyrojë qartë konsumin e përllogaritur më parë, konsumin faktik dhe diferencën e korrigjuar.
Furnizuesit do të raportojnë në ERE çdo katër muaj për faturimet me vlerë referuese dhe korrigjimet e kryera. Dokumenti thekson se ky mekanizëm është i përkohshëm dhe nuk mund të zëvendësojë përgjithmonë faturimin mbi konsumin e matur.
Rama me drejtuesit e bankave - Rama: BSH nuk u sulmua as në 1997. Sejko: Llogaritë dhe kursimet janë të sigurta
Kryeministri Edi Rama, zhvilloi një takim me përfaqësuesit e sektorit bankar, pas dëmtimit të dhjetra ATM-ve dhe filialeve të bankave nga protestat e dhunshme......
Rritet fatura e dëmeve? - Preken 90 biznese shifrat paraprake
Fatura e dëmeve tek bizneset nga protestat e ditëve të fundit ka ardhur në rritje. Humbjet materiale kanë prekur rreth 90 subjekte, ndërsa fatura e plotë......
Humbje rekord për Anthropic - Kompania regjistroi humbje prej 80.7 mld Usd në gjysmën e parë të vitit
Kompania amerikane e inteligjencës artificiale Anthropic regjistroi një humbje neto prej 80.7 miliardë dollarësh në gjysmën e parë të vitit 2026, nga 13......
Greqia rrit turizmin - Mbërritjet turistike rriten 2.6% në gusht, të huajt dhe apartamentet me qira në krye
Greqia regjistroi rritje të aktivitetit turistik gjatë gushtit 2026, me numrin e mbërritjeve që arriti në 7.43 milionë, ose 2.6% më shumë krahasuar me të......
46 milionë euro nga pronat - Regjistrimi i pasurive dhe legalizimet, kontribut kryesor
Agjencia Shtetërore e Kadastrës (ASHK) realizoi 4.2 miliardë lekë të ardhura apo rreth 46 milionë euro nga pronat gjatë vitit 2025. Sipas të dhënave zyrtare......
Kush i mbron kursimet tona? - Bica: Me projektligjin e ri për sigurimin e depozitave, më tepër se 100% rritje në kuotën e mbulimit
Prej vitesh tashmë, shqiptarët i kanë zhvendosur kursimet e tyre në depozita bankare, me besimin se paratë e tyre do të jenë më të sigurta krahasuar me......
BE ‘josh’, konkurrenca sfidon/ Bizneset duan Europën, por ndihen më konkurruese në Ballkan
Bizneset shqiptare e shohin me optimizëm anëtarësimin në Bashkimin Europian, por kur bëhet fjalë për konkurrencën me kompanitë europiane, besimi i tyre është......
Kredi më të shtrenjta - Normat e hipotekave në Gjermani arrijnë nivelin më të lartë që nga viti 2009
Kreditë hipotekare në Gjermani janë shtrenjtuar në nivelin më të lartë që nga kriza financiare e vitit 2009, me normat mesatare për kreditë 10-vjeçare që po i......
