46 milionë euro nga pronat - Regjistrimi i pasurive dhe legalizimet, kontribut kryesor
Agjencia Shtetërore e Kadastrës (ASHK) realizoi 4.2 miliardë lekë të ardhura apo rreth 46 milionë euro nga pronat gjatë vitit 2025.
Sipas të dhënave zyrtare nga ky institucion, rezulton një tejkalim i planit vjetor me rreth 1.46 miliardë lekë, duke realizuar 152% të planit, ndërsa krahasuar me vitin 2024, të ardhurat u rritën me rreth 1.1 miliardë lekë, ose afërsisht 35% më shumë në terma vjetorë.
Të dhënat tregojnë se regjistrimi i pronave është burimi kryesor i të ardhurave të Agjencisë Shtetërore të Kadastrës.
Konkretisht, nga regjistrimi i pronave ku përfshihen tarifat e shërbimeve kadastrale, kamatëvonesat dhe taksa 3% për kalimin e pronësisë, u realizuan në një vlerë prej rreth 3.6 miliardë lekësh, kundrejt një plani prej 2.2 miliardë lekësh.
Edhe të ardhurat nga procesi i legalizimit rezultuan mbi planin. Për këtë kategori, ku përfshihen të ardhurat nga parcela ndërtimore, tarifat e shërbimit dhe penalitetet, u arkëtuan 675 milionë lekë, kundrejt planit prej 550 milionë lekësh. Niveli i realizimit arriti në rreth 123%.
Në strukturën e përgjithshme të të ardhurave, krahas shërbimeve kadastrale, një kontribut të rëndësishëm dhanë edhe të ardhurat nga transferimi i parcelave ndërtimore, të cilat arritën në rreth 422 milionë lekë.
Ndërkohë, të ardhurat e tjera u regjistruan në vlerën 253 milionë lekë.
Ndër Drejtoritë me rritjen më të lartë relative në raport me vitin 2024, dallohen Lushnje, me një rritje prej 222%, duke shënuar performancën më të lartë në rang kombëtar, Lezhë, me 191%, ndjekur nga Dibra, Berati dhe Shkodra.
Një grup i dytë drejtorish me rritje të konsiderushme përfshin Tiranë Rurale 1, me 155%, Pogradec me 159%, ndjekur nga Kamëz–Vorë, Durrës–Kavajë–Krujë, Sarandë, Vlorë dhe Tiranë Rurale 2.
Sipas Agjencisë Shtetërorë të Kadastrës, edhe pse gjatë vitit 2025 janë miratuar ndryshime në tarifat e shërbimeve kadastrale, rritja e të ardhurave nuk lidhet vetëm me efektin e rritjes së tarifave, por edhe me faktorë të tjerë si rritja e volumit të shërbimeve, përmirësimi i eficiencës operacionale dhe rritja e kërkesës.
Kush i mbron kursimet tona? - Bica: Me projektligjin e ri për sigurimin e depozitave, më tepër se 100% rritje në kuotën e mbulimit
Prej vitesh tashmë, shqiptarët i kanë zhvendosur kursimet e tyre në depozita bankare, me besimin se paratë e tyre do të jenë më të sigurta krahasuar me......
BE ‘josh’, konkurrenca sfidon/ Bizneset duan Europën, por ndihen më konkurruese në Ballkan
Bizneset shqiptare e shohin me optimizëm anëtarësimin në Bashkimin Europian, por kur bëhet fjalë për konkurrencën me kompanitë europiane, besimi i tyre është......
Kredi më të shtrenjta - Normat e hipotekave në Gjermani arrijnë nivelin më të lartë që nga viti 2009
Kreditë hipotekare në Gjermani janë shtrenjtuar në nivelin më të lartë që nga kriza financiare e vitit 2009, me normat mesatare për kreditë 10-vjeçare që po i......
Nafta rekord të ri - Tensionet në Lindjen e Mesme dhe rënia e rezervave amerikane shtyjnë çmimet e naftës në rritje
Çmimet e naftës u rritën me mbi 1 dollar për fuçi të mërkurën, mes frikës për ndërprerje të furnizimit nga Lindja e Mesme dhe rënies së rezervave të naftës......
Mungesë globale e bakrit- Nevojiten 332 mld Usd investime për të shmangur deficitin deri në vitin 2050
Minierat e bakrit kanë nevojë për rreth 332 miliardë dollarë investime të reja për të shmangur një mungesë të konsiderueshme të këtij metali në tregun global.......
Musk bashkon perandorinë - SpaceX dhe Tesla nisin diskutimet, ndërsa fitimet nga inteligjenca artificiale rriten
Elon Musk e konsideron një ide të mirë bashkimin e dy kompanive të tij, SpaceX dhe Tesla. Të dyja kanë ngritur komitete të posaçme për të shqyrtuar mundësinë......
Evropa “kundër” dronëve - Kompanitë energjetike mund të autorizohen t’i zbulojnë, bllokojnë dhe rrëzojnë ata
Evropa po shqyrton zgjerimin e kompetencave të kompanive të energjisë dhe operatorëve të infrastrukturës kritike, duke u lejuar të zbulojnë, bllokojnë dhe......
A rrezikohen depozitat në banka? - Protesta/ Ekspertja: Paratë janë më shumë se të garantuara
Sulmet fizike ndaj bankave në zonat ku zhvillohen protestat studentore, duke sjellë dhe kufizuar shërbimeve në disa degë, nuk rrezikojnë depozitat e......
