BERZH rifreskon projeksionet për Shqipërinë/ Ekonomia po "mbahet" falë kreditimit, turizmit dhe remitancave
Banka Europiane për Rindërtim dhe Zhvillim (BERZH) ka mbajtur të pandryshuar projeksionet për rritjen ekonomike të Shqipërisë këtë vit, pranë 3%, por ka shkurtuar projeksionet për vitin e ardhshëm, thuhet në raportin më të fundit të institucionit mbi perspektivën ekonomike të vendeve që mbulon. Kështu, për vitin e ardhshëm projeksionet për rritjen ekonomike janë shkurtuar me 0.3 pikë përqindje, dhe tashmë parashikohet një rritje e njëjtë me vitin aktual, pranë 3%.
“Rritja e fortë e kreditimit për sektorin privat, dhe qëndrueshmëria e remitancave vijojnë të mbështesin investimet dhe konsumin familjar. Sektori i turizmit është drejt një viti rekord, me hyrjet e turistëve të huaj dhe netë-qëndrimet që janë mbi nivelet e para-pandemisë në gjysmën e parë të vitit 2022”-thuhet mes reshtave në raport.
Krahasuar me vendet e Ballkanit Perëndimor, Shqipëria bashkë me Kosovën figurojnë si vendet ku kriza pritet të ketë impaktin më të vogël, pasi rezultojnë si dy shtetet me shkurtimin më të vogël të projeksioneve. Sa i përket normave të rritjes ekonomike ndërkohë, Shqipërisë këtë vit por edhe vitin e ardhshëm projektohet t`ia kalojë Serbia, Kosova dhe Mali i Zi. Këtë vit, rritja ekonomike në vendin tonë parashikohet të jetë 0.7 pikë përqindje mbi mesataren e vendeve që mbulon BERZH, ndërsa vitin e ardhshëm parashikohet të jetë në linjë me mesataren, pranë 3%. Asnjë prej vendeve të Ballkanit Perëndimor nuk parashikohet në recesion këtë vit apo vitin e ardhshëm.
Një prej arsyeve që ka ndikuar më së shumti në mos shkurtimin e ndjeshëm të projeksioneve për ekonominë shqiptare, sidomos krahasuar me disa prej vendeve të rajonit, duket të jetë pikërisht norma e inflacionit. Kjo e fundit në vendin tonë aktualisht fiksohet pranë 8%, dhe pavarësisht faktit se përbën një rekord prej më shumë se 2 dekadash, mbetet ndër më të ultat në rajon.
Parashikimet e institucioneve ndërkombëtare për Shqipërinë dhe vendet e tjera bazohen mbi statistikat kombëtare që vetë këto vende prodhojnë, pa vënë në pikëpyetje cilësinë e tyre. Norma e inflacionit në vendin tonë këtë vit ka ngritur jo pak pikëpyetje.
Raporti i BERZH merr në analizë 36 shtete, kryesisht ish-republika sovjetike, vende ish jugosllave, apo vende të cilat kanë pasur një të shkuar nën diktaturë. Ndër to gjejmë edhe Ukrainën dhe Rusinë, dy shtete të cilat sot janë në luftë, dhe që si rrjedhojë e kësaj lufte kanë sjellë një ngadalësim të përgjishshëm të ekonomisë globale. Sa i përket projeksioneve ekonomike për Ukrainën, raporti flet për një recesion pranë -30% këtë vit, si dhe për një rritje ekonomike pranë 8% vitin e ardhshëm. Për Rusinë ndërkohë, projeksionet flasin për rënie të ekonomisë prej 5% këtë vit dhe 3% vitin e ardhshëm.
Sondazh
Çmimet "godasin" shifrat e transportit/ INSTAT: Deri në 40% më pak mallra gjatë gushtit, por më shumë pasagjerë dhe fluturime
Muaji gusht i këtij viti vijon të reflektojë rritjen e çmimeve në shifrat e transportit të mallrave. Të dhënat nga Instituti i Statistikave mbi shifrat e......
Shifrat thonë se ky sezon ka qenë rekord për turizmin/ Regjistrohen rreth 689 mijë hyrje më shumë se në vitin 2019-të
Muaji gusht i këtij viti thyen periudhën e para pandemisë sa i përket numrit të vizitorëve, sinjalizojnë të dhënat e publikuara nga “Instituti i Statistikave”......
Të huajt, 931 mln euro prona në Shqipëri/ Rekord i ri këtë vit, në 8 vite investimet janë 10-fishuar, 856 milionë euro rritje
Të huajt kanë investuar rreth 83 milionë euro në prona në tremujorin e dytë të këtij viti, duke regjistruar kështu një rekord të ri historik. Në vetëm 6 muajt......
Kush punon më shumë? Stafi i bareve dhe hoteleve! 438 orë më shumë në vit se ata në arsim
Orët mesatare të punës për një të punësuar me kohë të plotë përgjatë vitit 2020 llogariten në 2,118 tregojnë shifrat e “Anketës së Kostos së Punës” e publikuar......
Rekord investimesh të huaja, por “mister” origjina/ IHD pranë 337 mln euro në T2, si asnjëherë më parë, 64% e tyre rezultojnë konfidencialë
Të dhënat më të fundit zyrtare nga Banka e Shqipërisë tregojnë se në tremujorin e dytë të këtij viti, fluksi i investimeve të huaja direkte në vendin tonë ka......
Arsimi dhe shëndetësia, sektorët me më pak trajnime/ Shifrat e INSTAT: Shpenzojnë vetëm 691 lekë në vit për punonjës
Kostoja mesatare vjetore për një të punësuar me kohë të plotë në Shqipëri regjistrohet në 827,534 lekë. Këtë thonë shifrat më të fundit të publikuara nga......
Menaxhimi i mbetjeve në rënie për 2021-shin/ INSTAT: Vetëm 2% e mbetjeve janë trajtuar më incenerim, 79% e tyre në landfille
"Instituti i Statistikave" në të dhënat e publikuara së fundmi mbi mbetjet e ngurta urbane tregon se përgjatë vitit 2021 ka rënë sasia vjetore e mbetjeve......
“Tregu” i OJF-ve në Shqipëri/ Në 6 vitet e fundit janë hapur më shumë se në 23 vitet paraardhëse, 80% janë përqëndruar në vetëm 3 qarqe
Organizatat Jo-Fitimprurëse (OJF) gjatë viteve të fundit kanë njohur një rritje të ndjeshme, duke e kthyer fushën e veprimtarisë së tyre në një treg të......
