Të huajt, 931 mln euro prona në Shqipëri/ Rekord i ri këtë vit, në 8 vite investimet janë 10-fishuar, 856 milionë euro rritje
Të huajt kanë investuar rreth 83 milionë euro në prona në tremujorin e dytë të këtij viti, duke regjistruar kështu një rekord të ri historik. Në vetëm 6 muajt e parë të këtij viti, shifra totale e investimit të të huajve në pasuri të paluajtshme në Shqipëri fiksohet pranë 142 milionë eurove. Rritja është e konsiderueshme. Krahasuar me 6 muajt e parë të vitit të kaluar, rritja fiksohet kështu pranë 79.7%, sinjalizojnë shifrat zyrtare, ndërkohë që nëse krahasimin e bëjmë me vitin 2019-të, para pandemisë, të huajt kanë investuar për prona në Shqipëri rreth 181% më shumë.
“Scan Intel” i ka analizuar shifrat zyrtare edhe në kuadrin historik, për të kuptuar se sa është pesha e investimeve të të huajve në prona në vendin tonë. Kështu, deri në 6-mujorin e parë të këtij viti, stoku total i investimeve të të huajve në pasuri të paluajtshme në vendin tonë fiksohet pranë 931 milionë eurove. Në tremujorin e parë të vitit 2014 kjo shumë fiksohet pranë vetëm 75 milionë eurove. Pra, në harkun e 8 viteve e gjysëm, stoku i investimeve në prona nga të huajt është rritur me plot 856 milionë euro, ose mbi 1100%. Në nivel fluksesh, në harkun e këtyre 8 viteve e gjysëm, investimet fiksohen pranë 786 milionë eurove. Gjithsesi, në total bëhet fjalë për 931 milionë euro prona që të huajt kanë në vendin tonë.
Kjo shifër përkthehet në rreth 5% të Prodhimit të Brendshëm Bruto të vendit. Ndërkohë, nëse do ta krahasonim me totalin e tregut (shiko këtu), pronat e të huajve në Shqipëri, përfaqësojnë rreth 1.6% të tij. Aktorë të tregut shprehet se tendenca për blerje nga të huajt, sidomos në zonat bregdetare, dhe veçanërisht nga vendet e Europës lindore ka qenë në rritje të ndjeshme gjatë 2 viteve të fundit. Kjo tendencë ka nxitur së tepërmi sektorin e ndërtimit dhe të real estate, duke shtyrë gjithashtu për një rritje të çmimeve, duke qenë se kërkesa është e lartë dhe e qendrueshme.
Rritja e ndjeshme e investimeve në prona në Shqipëri nga të huajt në tremujorin e dytë të vitit ka nxitur gjithashtu një rritje domethënëse të peshës së këtij tregu në “tortën” e investimeve të huaja direkte në vendin tonë sipas sektorit. “Aktivitetet në pasuri të paluajtshme” tashmë zënë rreth 9% të totalit të IHD-ve si stok në vendin tonë, nga rreth 8.5% që ishte kjo peshë në tremujorin e parë të vitit. Sa i përket vetëm flukseve të IHD-ve në tremujorin e dytë të vitit ndërkohë, shifrat sinjalizojnë se për investime në prona është kanalizuar thuajse ¼-ta, ose 24.6% e totalit.
Po sa i përket sektorëve të tjerë? Në vend të parë në nivel stoku vijon të qëndrojë energjia elektrike, që përfaqëson rreth 27% të totalit dhe ndiqet nga industria nxjerrëse me rreth 14.9% të totalit. Në vend të tretë ndërkohë pozicionohen aktivitetet financiare, që përfaqësojnë rreth 12% të totalit të stokut të investimneve të huaja direkte në vendin tonë. Në vend të 4-tët, siç e përmendëm edhe më lart, pozicionohen pikërisht “aktivitetet në pasuri të paluajtshme”.
Sondazh
Kush punon më shumë? Stafi i bareve dhe hoteleve! 438 orë më shumë në vit se ata në arsim
Orët mesatare të punës për një të punësuar me kohë të plotë përgjatë vitit 2020 llogariten në 2,118 tregojnë shifrat e “Anketës së Kostos së Punës” e publikuar......
Rekord investimesh të huaja, por “mister” origjina/ IHD pranë 337 mln euro në T2, si asnjëherë më parë, 64% e tyre rezultojnë konfidencialë
Të dhënat më të fundit zyrtare nga Banka e Shqipërisë tregojnë se në tremujorin e dytë të këtij viti, fluksi i investimeve të huaja direkte në vendin tonë ka......
Arsimi dhe shëndetësia, sektorët me më pak trajnime/ Shifrat e INSTAT: Shpenzojnë vetëm 691 lekë në vit për punonjës
Kostoja mesatare vjetore për një të punësuar me kohë të plotë në Shqipëri regjistrohet në 827,534 lekë. Këtë thonë shifrat më të fundit të publikuara nga......
Menaxhimi i mbetjeve në rënie për 2021-shin/ INSTAT: Vetëm 2% e mbetjeve janë trajtuar më incenerim, 79% e tyre në landfille
"Instituti i Statistikave" në të dhënat e publikuara së fundmi mbi mbetjet e ngurta urbane tregon se përgjatë vitit 2021 ka rënë sasia vjetore e mbetjeve......
“Tregu” i OJF-ve në Shqipëri/ Në 6 vitet e fundit janë hapur më shumë se në 23 vitet paraardhëse, 80% janë përqëndruar në vetëm 3 qarqe
Organizatat Jo-Fitimprurëse (OJF) gjatë viteve të fundit kanë njohur një rritje të ndjeshme, duke e kthyer fushën e veprimtarisë së tyre në një treg të......
Shqipëria, rekord për eksportin e naftës/ Gushti, 8.1 mld lekë në një muaj, vlera e dytë më e lartë që nga viti 2005
Kriza e çmimeve si dhe ngjarjet e fundit në arenën politike ndërkombëtare që lidhen me pushtimin e Ukrainës nga Rusia nuk kanë ndryshuar vetëm gjeografinë e......
Dyfishohen azilkërkuesit në qershor/ Rreth 6 mijë persona aplikuan për azil në 6 muaj, por mbeten më pak se në 2019-ën
Numri i shqiptarëve azilkërkues vijon me rritje edhe përgjatë muajit qershor të këtij vitit. Të dhënat nga “Agjencia për Azil e Bashkimit Europian” (EUAA)......
Sa na kushton një "Iphone 14"? Sa 21.5% e pagës vjetore, jemi të fundit në rajon. Na duhen 444 orë pune, një zviceriani, vetëm 33 orë
Iphone është padiskutim një ndër markat më të njohura në botë sa i përket tregut të smartphone. Çdo vit, “Apple” me fillimin e vjeshtës prezanton modelin e ri......
