Kush punon më shumë? Stafi i bareve dhe hoteleve! 438 orë më shumë në vit se ata në arsim
Orët mesatare të punës për një të punësuar me kohë të plotë përgjatë vitit 2020 llogariten në 2,118 tregojnë shifrat e “Anketës së Kostos së Punës” e publikuar së fundmi nga “Instituti i Statistikave”. Anketa ndjek një periodicitet 4 vjeçar dhe kryhet pranë ndërmarrjeve duke matur nivelin e kostove të punës të cilat përfshijnë pagesat për punonjësit, kontributet për sigurimet shoqërore, kostot e trajnimit profesional, shpenzime të tjera të kryera nga ndërmarrja si dhe orët sipas aktiviteteve. “Scan Intel” ka analizuar orët mesatare vjetore të punës për një të punësuar me kohë të plotë për të kuptuar se si varion koha sipas aktiviteteve të ndryshme ekonomike. Nga të dhënat del se aktiviteti i akomodimit dhe shërbimit regjistron orët më të larta të punës për një të punësuar me kohë të plotë, me 2,197 orë në vit. Ndjekin në renditje “Ndërtimi” dhe “Informacioni e Komunikacioni” me 2,193 orë secili për një të punësuar. Shifrat referuar vitit 2020 gjithashtu tregojnë se aktiviteti i pasurive të patundshme renditet ndër aktivitetet me më shumë orë vjetore për njësi pune me kohë të plotë, me 2,188 orë. Por cilat janë aktivitet të cilat kanë punuar më pak? Siç e tregon edhe paraqitja grafike “Arsimi” dhe “Aktivitetet Profesionale” regjistrojnë orët më të shkurtra për një të punësuar gjatë një viti. Për arsimin janë 1,759 orë në vit, ndërsa për aktivitetet profesionale janë 2,121 orë.
Nëse do të bënim një vështrim të të dhënave krahasuar me vitin 2016-të rezulton se pasuritë e patundshme kryesonin në vend të parë si aktiviteti me më shumë ore pune në vit për një të punësuar me kohë të plotë, me 2,180 orë. “Industria nxjerrëse” dhe “Industria përpunuse” vijojnë si aktivitet me më shumë orë pune përgjatë vitit 2016-të. Nga ana tjetër, aktivitetet me më pak orë janë ato administrative me 1,953 dhe ato të akomodimit me 2,065 orë.
“Scan Intel” ka analizuar ndryshimet e orëve të punës për këto aktivitete nga viti 2016-të në vitin 2020. Ajo që bie në sy nga shifrat e përpunuara është se pothuaj për të gjitha aktivitetet janë rritur orët mesatare të punës, me përjashtim të disa prej tyre. Rënie të orëve mesatare të punës për një të punësuar ka pësuar “Arsimi” me 327 orë ose e shprehur në përqindje me rreth 15.7% më pak se në 2016-ën. Kjo rënie e ndjeshme e orëve të punës në këtë sektor gjatë vitit 2020 duket se është pasojë e situatës së shkaktuar nga Covid-19 dhe zhvillimit të mësimit online. Një aktivitet tjetër i cili paraqitet me rënie të orëve të punës është “ Industria nxjerrëse” me 24 orë ose 1.1%, ndjekur nga aktiviteti i furnizimit me ujë me 0.2%. Nga ana tjetër, rritjen më të lartë të orëve të punës nga vitit 2016-të në vitin 2020 e kanë regjistruar aktivitetet administrative si dhe akomodimi me 9.6% dhe 6.4% përkatësisht.
Sondazh
Rekord investimesh të huaja, por “mister” origjina/ IHD pranë 337 mln euro në T2, si asnjëherë më parë, 64% e tyre rezultojnë konfidencialë
Të dhënat më të fundit zyrtare nga Banka e Shqipërisë tregojnë se në tremujorin e dytë të këtij viti, fluksi i investimeve të huaja direkte në vendin tonë ka......
Arsimi dhe shëndetësia, sektorët me më pak trajnime/ Shifrat e INSTAT: Shpenzojnë vetëm 691 lekë në vit për punonjës
Kostoja mesatare vjetore për një të punësuar me kohë të plotë në Shqipëri regjistrohet në 827,534 lekë. Këtë thonë shifrat më të fundit të publikuara nga......
Menaxhimi i mbetjeve në rënie për 2021-shin/ INSTAT: Vetëm 2% e mbetjeve janë trajtuar më incenerim, 79% e tyre në landfille
"Instituti i Statistikave" në të dhënat e publikuara së fundmi mbi mbetjet e ngurta urbane tregon se përgjatë vitit 2021 ka rënë sasia vjetore e mbetjeve......
“Tregu” i OJF-ve në Shqipëri/ Në 6 vitet e fundit janë hapur më shumë se në 23 vitet paraardhëse, 80% janë përqëndruar në vetëm 3 qarqe
Organizatat Jo-Fitimprurëse (OJF) gjatë viteve të fundit kanë njohur një rritje të ndjeshme, duke e kthyer fushën e veprimtarisë së tyre në një treg të......
Shqipëria, rekord për eksportin e naftës/ Gushti, 8.1 mld lekë në një muaj, vlera e dytë më e lartë që nga viti 2005
Kriza e çmimeve si dhe ngjarjet e fundit në arenën politike ndërkombëtare që lidhen me pushtimin e Ukrainës nga Rusia nuk kanë ndryshuar vetëm gjeografinë e......
Dyfishohen azilkërkuesit në qershor/ Rreth 6 mijë persona aplikuan për azil në 6 muaj, por mbeten më pak se në 2019-ën
Numri i shqiptarëve azilkërkues vijon me rritje edhe përgjatë muajit qershor të këtij vitit. Të dhënat nga “Agjencia për Azil e Bashkimit Europian” (EUAA)......
Sa na kushton një "Iphone 14"? Sa 21.5% e pagës vjetore, jemi të fundit në rajon. Na duhen 444 orë pune, një zviceriani, vetëm 33 orë
Iphone është padiskutim një ndër markat më të njohura në botë sa i përket tregut të smartphone. Çdo vit, “Apple” me fillimin e vjeshtës prezanton modelin e ri......
Eurostat: Inflacioni arrin 7.7% në gusht/ Nën mesataren e BE-së, por më lart se Zvicra. Transporti dhe ushqimet kryesojnë rritjen
Ndërkohë që gjatë muajit gusht inflacioni në Shqipëri arriti në 8% duke thyer kështu një rekord të ri, të dhënat nga "Instituti i Statistikave" sa i përket......
