Eurostat: Inflacioni arrin 7.7% në gusht/ Nën mesataren e BE-së, por më lart se Zvicra. Transporti dhe ushqimet kryesojnë rritjen
Ndërkohë që gjatë muajit gusht inflacioni në Shqipëri arriti në 8% duke thyer kështu një rekord të ri, të dhënat nga "Instituti i Statistikave" sa i përket ndryshimit vjetor të Indeksit të Çmimeve të Konsumit sipas metodologjisë së "EUROSTAT" tregojnë për një normë rritje deri në 7.7%. Ashtu siç e kemi theksuar edhe në publikimet e mëparshme të Indeksit të Harmonizuar të Çmimeve të Konsumit, kjo normë më e ulët vjen si pasojë e ndryshimeve metodologjike në matjen e rritjes vjetore të çmimeve dhe peshës që zë secili grup (shiko këtu). Gjithsesi, duhet të theksojmë se matja e Indeksit të Harmionizuar të Çmimeve të konsumit realizohet nga "Instituti i Statistikave", por referuar metodologjisë së Eurostat për matjen e ndryshimit të çmimeve. Të dhënat tregojnë se Shqipëria vijon të jetë vendi me rritjen më të ulët të çmimeve, krahasuar me vendet e Europës, duke u renditur e gjashta nga fundi. Shifrat flasin për një mesatare të rritjes vjetore të çmimeve në Bashkimin Europian përgjatë muajit gusht me 10.1%. Krahasuar me muajin korrik, mesatarja e rritjes vjetore të çmimeve është rritur me 0.3 pikë përqindje. Vendet Baltike, Estonia dhe Letonia, edhe për muajin gusht vazhdojnë të kryesojnë në listën e shteteve me rritjen më të lartë të çmimeve. Nga ana tjetër, në fund renditen vende si Zvicra, Islanda dhe Franca.
Rritja më e madhe e çmimeve prej 14,4% vërehet në grupin “Transporti”, pasuar nga grupet “Ushqime dhe pije joalkoolike” me 13,3%, “Pije alkoolike dhe duhan” me 5,5%, “Qira, ujë, lëndë djegëse dhe energji” me 4,9%, “Mobilim, pajisje shtëpie dhe mirëmbajtje” dhe “Argëtim dhe kulturë” me 4,7% secili. Gjithashtu me rritje paraqiten grupet si “Veshje dhe këpucë” me 2,8%, “Hotele, kafene dhe restorante” me 2,7%, “Mallra dhe shërbime të ndryshme” me 2,4%, “Shëndeti” me 1,3%, “Shërbimi arsimor” me 1,2% dhe “Komunikimi” me 0,8%.
Nga ana tjetër nëse do të flisnim për ndryshimin mujor të matur nga Indeksi i Harmonizuar i Çmimeve të Konsumit është 0,7%. Ky ndryshim është ndikuar kryesisht nga rritja e çmimeve të grupit “Argëtim dhe kulturë” me 4,4%, pasuar nga grupet “Ushqime dhe pije joalkoolike” me 1,3%, “Qira, ujë, lëndë djegëse dhe energji” me 0,6%, “Pije alkoolike dhe duhan” dhe “Mobilim, pajisje shtëpie dhe mirëmbajtje”, me 0,4% secili. Rritje kanë shënuar edhe “Mallra dhe shërbime të ndryshme” me 0,3%, “Komunikimi” dhe “Hotele, kafene dhe restorante” me 0,2% secili. Ndërkohë, çmimet e grupit “Veshje dhe këpucë” rezultojnë me ulje deri në 0,2%.
NDRYSHIMI VJETOR I IHÇK SIPAS SHTETEVE, GUSHT 2022
Sondazh
Liria ekonomike, Shqipëria e 26-ta në botë/ Ngjitemi në renditje, por përkeqësohemi në pikëzim. Qëndrueshmëria e monedhës na rendit të katërt
Shqipëria renditet në vend të 26-të mes 165 vendeve në total në “Indeksin e Lirisë Ekonomike” për vitin 2022, tregojnë të dhënat e publikuara nga “Fraser......
Korriku, rekord vizitorësh/ Rriten me 21.8% akomodimet krahasuar me 2019-ën, më shumë edhe netë qëndrimet
Shifrat e strukturave akomoduese vijojnë me rritje edhe për muajin korrik të këtij viti, tregojnë të dhënat në publikimin e Institutit të Statistikave. Numri i......
Ku i çon paratë qeveria? Ndër 100 lekë të shpenzuara, 25 lekë shkojnë për `pensionet`, 22 lekë për administratën, dhe vetëm 16.5 lekë për investime
Së fundmi, “Scan Intel” analizoi zërat kryesorë buxhetorë që mbajnë arkën e shtetit, pra të ardhurat, nga ku rezulton se thuajse 1/3-ta vjen nga TVSH (shiko......
Shërbimet dhe të mirat vijojnë rritjen edhe në T2-2022/ Hotelet dhe agjencitë, "bum" shitjesh, informacioni dhe komunikacioni me rënie
Të dhënat nga “Instituti i Statistikave” në publikimin mbi statistikat afatshkurtra tregojnë se shërbimet gjatë tremujorit të dytë të vitit paraqiten me rritje......
"Kush e mban" shtetin? Pesha e zëravë në të ardhurat buxhetore, TVSH zë 1/3-tën
Arka e shtetit gjatë vitit të kaluar ka mbledhur rreth 510 miliardë lekë të ardhura, ose rreth 4.4 miliardë euro në total. Gjatë këtij viti ndërkohë, të paktën......
Sa kanë shpenzuar shqiptarët për covid-19? Rreth 280 euro për frymë vetëm për testime, pa përfshirë barnat, kurat dhe shpenzimet ekstra
Analizat e tregjeve të ndryshme të kryera nga “Scan Intel” në shumë raste nxjerrin në pah jo vetëm shifra interesante, por ilustrojnë edhe fenomene të......
Instat thotë se konsumi është rritur/ Shitjet me pakicë, 6.4% më të larta se vjet, edhe karburantet me rritje
Të dhënat e “Institutit të Statistikave” flasin për rritje të shitjeve në tregtinë me pakicë përgjatë tremujorit të dytë të vitit 2022. Indeksi i volumit të......
Emigrantët sjellin një pagë shtesë në muaj/ Rekord këtë vit me remitancat, 320 euro mesatarisht për çdo familje, 376 mln euro në 6 muaj
Emigrantët kanë dërguar rreth 192 milionë euro ndaj të afërmve të tyre në Shqipëri gjatë tremujorit të dytë të këtij viti, tregojnë shifrat zyrtare nga Banka e......
