Shërbimet dhe të mirat vijojnë rritjen edhe në T2-2022/ Hotelet dhe agjencitë, "bum" shitjesh, informacioni dhe komunikacioni me rënie
Të dhënat nga “Instituti i Statistikave” në publikimin mbi statistikat afatshkurtra tregojnë se shërbimet gjatë tremujorit të dytë të vitit paraqiten me rritje pothuaj në të gjithë indekset. Rritjen më të madhe e regjistrojnë hotelet dhe agjencitë e udhëtimit, si në shitje ashtu edhe në numër të punësuarish dhe paga. Kjo rritje në këtë sektor është kryesisht rezultat i sezonit turistik, duke qenë se tremujori i dytë përkon edhe me nisjen e sezonit. Kështu agjencitë e udhëtimit paraqesin një rritje të lartë të shitjeve neto me 94%, e cila është dhe shifra më e lartë për këtë indeks nga të gjitha aktivitetet e marra në analizë. Rritje paraqesin dhe indeksi i numrit të të punësuarve me 43.6% dhe fondi i pagave me 64.9%. Hotelet po ashtu regjistrojnë rritje gjatë tremujorit të dytë të këtij viti. Indeksi i shitjeve në volum për aktivitetin hotele është rritur me 60.1%, ndërsa nga ana tjetër indeksi i numrit të të punësuarve ëshët rrtiur me 29.7%, ndërsa ai i fondit të pagave është rritur me 52.7%. Nga të dhënat vihet re se indeksi i fondit të pagave gjatë tremujorit të dytë të vitit 2022 është rritur për të gjitha aktivitetet, krahasuar me të njejtën periudhë të një viti më parë.
Bar-Restorantet po ashtu paraqiten me rritje në të gjithë indekset, ku rritjen më të lartë e ka pësuar në indeksin e pagave me 32.5%. Të vetmit tregues me rënie, sipas shifrave të INSTAT, është indeksi i shitjeve neto në volum për aktivitetin “ Informacion dhe Komunikacion” me 6.2%, krahasuar me tremujorin e dytë të vitit 2021 dhe aktivitetet arkitekturore dhe inxhinierike me 25%.
Instituti i Statistikave ndër të tjera ka publikuar gjithashtu treguesit tremujorë mbi prodhuesit e të mirave për tremujorin e dytë të vitit. Këta tregues sinjalizojnë rritje të indekseve të shitjeve dhe të prodhimit në sektorë të ekonomisë siç janë Industria, Energjia elektrike, Furnizimi me ujë apo Trajtimi dhe menaxhimi i mbetjeve. I vetmi sektor i cili regjistron rënie të indeksit të shitjeve në volum është “Ndërtimi” me 7.3%. Ky sektor ka pësuar rënie edhe në prodhim me 5.1%. Sektori i industrisë, ku përfshihet industria nxjerrëse dhe përpunuese, regjistron rritje të shitjeve në volum me 3.7% dhe rritje të prodhimit në volum me 5%. Sa i përket indeksit të numrit të të punësuarve dhe të fondit të pagave, aktiviteti i industrisë ka pësuar rritje me 3.5% dhe 18.8%.
Nëse do të analizonim aktivitetin “Energji elektrike, gaz dhe avull”, shifrat tregojnë se paraqitet me rritje në të gjtiha indekset ku rritjen më të madhe e regjistron në indeksin e prodhimit në volum me 28.5%. Për sektorin e furnizimit me ujë, dhe trajtimit e menaxhimit të mbetjeve, indeksi i shitjeve neto ka pësuar rritje, me 31.3%, krahasimisht me tremujorin dytë të vitit 2021. Nga ana tjetër, indeksi i prodhimit në volum ka shënuar rritje, me 28.5%. Për këtë aktivitet, indeksi i numrit të të punësuarve është rritur me 3.4% dhe po ashtu indeksi i fondit të pagave, me 9.5%.
Sondazh
"Kush e mban" shtetin? Pesha e zëravë në të ardhurat buxhetore, TVSH zë 1/3-tën
Arka e shtetit gjatë vitit të kaluar ka mbledhur rreth 510 miliardë lekë të ardhura, ose rreth 4.4 miliardë euro në total. Gjatë këtij viti ndërkohë, të paktën......
Sa kanë shpenzuar shqiptarët për covid-19? Rreth 280 euro për frymë vetëm për testime, pa përfshirë barnat, kurat dhe shpenzimet ekstra
Analizat e tregjeve të ndryshme të kryera nga “Scan Intel” në shumë raste nxjerrin në pah jo vetëm shifra interesante, por ilustrojnë edhe fenomene të......
Instat thotë se konsumi është rritur/ Shitjet me pakicë, 6.4% më të larta se vjet, edhe karburantet me rritje
Të dhënat e “Institutit të Statistikave” flasin për rritje të shitjeve në tregtinë me pakicë përgjatë tremujorit të dytë të vitit 2022. Indeksi i volumit të......
Emigrantët sjellin një pagë shtesë në muaj/ Rekord këtë vit me remitancat, 320 euro mesatarisht për çdo familje, 376 mln euro në 6 muaj
Emigrantët kanë dërguar rreth 192 milionë euro ndaj të afërmve të tyre në Shqipëri gjatë tremujorit të dytë të këtij viti, tregojnë shifrat zyrtare nga Banka e......
Laboratoret private, fitime kolosale në pandemi/ Rrisin xhiron me 400% dhe fitimet me 849%. "Genius" kalon "Intermedica"
“Scan Intel” vijon me analizën e tregjeve duke u rikthyer këtë herë në një industri shumë interesante, sidomos gjatë pandemisë, atë të laboratoreve mjeksore......
Turistët, rekord shpenzimesh në Shqipëri/ 1.1 mld euro 6 muajt e parë të vitit, dy herë mbi mesataren historike, 442 euro për frymë
Të dhënat më të fundit zyrtare nga Banka e Shqipërisë tregojnë se të huajt në Shqipëri kanë shpenzuar një shifër rekord prej 1.13 miliardë eurosh në 6 muajt e......
Bie papunësia, por vetëm për burrat/ Pranë 11.1%. Rritet për të rinjtë dhe për gratë dhe vajzat
Treguesit e punësimit duket se vijojnë me përmirësime edhe përgjatë tremujorit të dytë të vitit 2022, në krahasim me të njejtën periudhë të një viti më parë,......
Paga mesatare arrin në 60,666 lekë në muaj/ Rreth 1100 lekë rritje në tremujorin e dytë të vitit, krahasuar me tremujorin e parë
Paga mesatare bruto në Shqipëri për një të punësuar me pagë, gjatë tremujorit të dytë të vitit 2022, llogaritet në 60,666 lekë. Kështu, shifrat e publikimit të......
