Transparencë për biznesin - Musabelliu: Projektligji i QKB, një hap drejt mbylljes së negociatave për Kapitullin 6
Digjitalizimi i shërbimeve, rritja e transparencës dhe lidhja e regjistrit tregtar shqiptar me ato të vendeve anëtare të Bashkimit Europian. Këto janë disa nga ndryshimet që parashikon projektligji për Qendrën Kombëtare të Biznesit, i shqyrtuar në Komisioni për Evropën dhe Punët e Jashtme. Nisma synon përmirësimin e shërbimeve për bizneset dhe qytetarët, si dhe forcimin e bashkëpunimit ndërkufitar, në kuadër të procesit të integrimit europian.
“Është shumë e rëndësishme ndërlidhja e regjistrit tregtar shqiptar, me regjistrat tregtarë të vendeve anëtare të BE. Konsolidohen akoma dhe më tej dhe përmirësohen të gjitha shërbimet elektronike që i jep Qendra Kombëtare e Biznesit. Përmes këtij projektligji rritet transparenca dhe aksesi në informacion për të gjithë qytetarët dhe bizneset. Përmes këtij projektligji ne vendosim një nga tullat e fundit në procesin e gjatë të mbylljes së negociatave për kapitullin 6.”
Relatorja e projektligjit, Alma Selami, veçoi gjithashtu konsolidimin e përgjegjësive të QKB-së për regjistrin e pronarëve përfitues, si dhe bashkëpunimin me Dhomën Ekonomike dhe Tregtare për formimin dhe këshillimin e subjekteve tregtare.
“Nga risitë do të veçoj digjitalizimin e shërbimeve të QKB, rritjen e transparencës dhe aksesit në informacion, forcimin e bashkëpunimit ndërkufitar, konsolidimin e përgjegjësive të QKB për regjistrin e pronarëve përfitues, bashkëpunimin me Dhomën Ekonomike Tregtare për formimin dhe këshillimin e subjekteve tregtare. Nga pikëpamja financiare sipas relacionit shoqërues, nuk parashikohet krijimi i taksave apo tarifave të reja, kostot shtesë për përshtatjen e sistemeve teknologjike, trajnimin dhe informimin vlerësohen deri në 10 mln lekë për tre vitet e para dhe parashikohet të përballohet nga buxhetet ekzistuese.”
Sipas relacionit shoqërues, zbatimi i ndryshimeve nuk parashikon tarifa të reja për bizneset apo qytetarët. Kostot për përshtatjen teknologjike, trajnimin dhe informimin llogariten deri në 10 milionë lekë për tre vitet e para, ndërsa financimi parashikohet të mbulohet nga buxhetet ekzistuese. Ndryshimet synojnë përafrimin e mëtejshëm të shërbimeve të QKB-së me standardet europiane dhe lehtësimin e marrëdhënieve mes administratës dhe sipërmarrjes.
Optimistë për shëndetin? 95.8% e të rinjve e vlerësojnë pozitivisht, tejkalojnë BE
Në vitin 2025, 95.8% e të rinjve shqiptarë të moshës 16 deri në 29 vjeç e vlerësonin shëndetin e tyre si të mirë ose shumë të mirë, duke e renditur Shqipërinë......
Pensionet globale, në rrezik - Jetëgjatësia rrit kostot. Lindshmëria e ulët pakëson kontribuesit në skemat e së ardhmes
Sistemet e pensioneve në mbarë botën po përballen me një krizë demografike. Njerëzit po jetojnë më gjatë, ndërsa lindshmëria po bie, duke rritur presionin mbi......
Alarm për sigurinë ajrore - 75% e pilotëve europianë kanë përjetuar përgjumje në kabinë
Gati një e katërta e pilotëve të linjave ajrore në Evropë pranojnë se vazhdojnë të fluturojnë edhe kur janë tepër të lodhur për të kryer detyrën. Ndërkohë,......
Himara, risi në transport publik - Aplikacioni mobil për pasagjerët. Vendndodhja e autobusëve, në kohë reale
Bashkia e Himarës synon të nisë një risi përsa i përket transportit publik në vendin tonë. Nëpërmjet një tenderi me fond limit 11,6 milionë lekë synohet......
Krijohet “roja” e taksave - Yzeiraj: Këshilli Fiskal, institucion i pavarur që monitoron politikat e qeverisë
Politikat fiskale të qeverisë do të kalojnë në një “filtër” monitorimi dhe analizimi me qëllim rritjen e transparencës dhe përmirësimin e cilësisë dhe......
Sa ndikon roaming free? 44% e bizneseve shqiptare ndiejnë efektet në bashkëpunimin rajonal
44% e bizneseve në Shqipëri deklarojnë se regjimi i roaming-ut falas në Ballkanin Perëndimor ka ndikuar në aktivitetin e tyre në bashkëpunim me vendet e......
Furnizimi, në “pak duar”/ Nga sa shtete varen importet jetike të Shqipërisë?
Për disa produkte, Shqipëria mbështetet kryesisht te një vend i vetëm origjine, ndërsa për të tjera importet shpërndahen ndërmjet shumë tregjeve. Një analizë......
Kredi të buta për 1500 familje - Këshilli Bashkiak do ta miratojë listën e fituesve për strehim pas 5 ditësh
Rreth 1500 familje në Tiranë janë një hap më pranë përfitimit të kredisë së butë për blerjen e një banese. Bashkia e Tiranës ka shpallur listën e fituesve,......
