Optimistë për shëndetin? 95.8% e të rinjve e vlerësojnë pozitivisht, tejkalojnë BE
Në vitin 2025, 95.8% e të rinjve shqiptarë të moshës 16 deri në 29 vjeç e vlerësonin shëndetin e tyre si të mirë ose shumë të mirë, duke e renditur Shqipërinë ndër vendet me treguesit më të lartë në Europë. Sipas të dhënave të Eurostat, kjo përqindje është dukshëm mbi mesataren e Bashkimit Evropian, ku 89.7% e të rinjve të së njëjtës grupmoshë raportuan se gëzonin shëndet të mirë ose shumë të mirë.
Të dhënat tregojnë se të rinjtë shqiptarë e vlerësojnë pozitivisht gjendjen e tyre shëndetësore, me një diferencë prej 6.1 pikësh përqindjeje mbi mesataren e BE-së. Me këtë rezultat, Shqipëria renditet në vendin e pestë ndër vendet evropiane të përfshira në krahasim, duke u pozicionuar mes shteteve me përqindjen më të lartë të të rinjve që raportojnë shëndet të mirë.
Në nivel evropian, treguesit më të lartë u regjistruan në Rumani, ku 98.2% e të rinjve të moshës 16–29 vjeç e vlerësonin shëndetin e tyre si të mirë ose shumë të mirë. Pas saj renditet Greqia me 98.1%, ndërsa Kroacia shënoi 95.9%. Shqipëria, me 95.8%, ndodhet shumë pranë nivelit të Kroacisë, duke dëshmuar një vlerësim pozitiv të gjendjes shëndetësore nga pjesa më e madhe e të rinjve.
Në anën tjetër, përqindjet më të ulëta në Bashkimin Evropian u regjistruan në Suedi, me 74.4%, Holandë, me 79.8%, dhe Finlandë, me 81.4%. Këto diferenca tregojnë se perceptimi i gjendjes shëndetësore ndryshon ndjeshëm nga një vend në tjetrin, edhe brenda Bashkimit Evropian.
Diferenca lidhet edhe me faktin se grupmoshat e reja, në përgjithësi, raportojnë më shpesh një gjendje të mirë shëndetësore. Megjithatë, këto të dhëna pasqyrojnë mënyrën se si individët e vlerësojnë shëndetin e tyre dhe nuk përbëjnë një matje të drejtpërdrejtë të gjendjes klinike apo të të gjithë treguesve shëndetësorë. Të dhënat ndër vite tregojnë gjithashtu se vlerësimi pozitiv i shëndetit te të rinjtë në BE ka mbetur relativisht i qëndrueshëm.
Pensionet globale, në rrezik - Jetëgjatësia rrit kostot. Lindshmëria e ulët pakëson kontribuesit në skemat e së ardhmes
Sistemet e pensioneve në mbarë botën po përballen me një krizë demografike. Njerëzit po jetojnë më gjatë, ndërsa lindshmëria po bie, duke rritur presionin mbi......
Alarm për sigurinë ajrore - 75% e pilotëve europianë kanë përjetuar përgjumje në kabinë
Gati një e katërta e pilotëve të linjave ajrore në Evropë pranojnë se vazhdojnë të fluturojnë edhe kur janë tepër të lodhur për të kryer detyrën. Ndërkohë,......
Himara, risi në transport publik - Aplikacioni mobil për pasagjerët. Vendndodhja e autobusëve, në kohë reale
Bashkia e Himarës synon të nisë një risi përsa i përket transportit publik në vendin tonë. Nëpërmjet një tenderi me fond limit 11,6 milionë lekë synohet......
Krijohet “roja” e taksave - Yzeiraj: Këshilli Fiskal, institucion i pavarur që monitoron politikat e qeverisë
Politikat fiskale të qeverisë do të kalojnë në një “filtër” monitorimi dhe analizimi me qëllim rritjen e transparencës dhe përmirësimin e cilësisë dhe......
Sa ndikon roaming free? 44% e bizneseve shqiptare ndiejnë efektet në bashkëpunimin rajonal
44% e bizneseve në Shqipëri deklarojnë se regjimi i roaming-ut falas në Ballkanin Perëndimor ka ndikuar në aktivitetin e tyre në bashkëpunim me vendet e......
Furnizimi, në “pak duar”/ Nga sa shtete varen importet jetike të Shqipërisë?
Për disa produkte, Shqipëria mbështetet kryesisht te një vend i vetëm origjine, ndërsa për të tjera importet shpërndahen ndërmjet shumë tregjeve. Një analizë......
Kredi të buta për 1500 familje - Këshilli Bashkiak do ta miratojë listën e fituesve për strehim pas 5 ditësh
Rreth 1500 familje në Tiranë janë një hap më pranë përfitimit të kredisë së butë për blerjen e një banese. Bashkia e Tiranës ka shpallur listën e fituesve,......
Forcohet skema e pensioneve? - Mbi 800 mijë shqiptarë paguan 1.6 miliardë euro në 9 muaj
Pavarësisht deficitit të vazhdueshëm si pasojë e numrit të ulët të kontribuuesve dhe numrit të lartë të përfituesve, skema e pensioneve, po tregon shenja......
