Autobusë elektrikë për bashkitë/ Projekti i FSHZH, 54 stacione SMART e 20 pika karikimi
Shqipëria synon të modernizojë transportin publik përmes autobusëve elektrikë dhe hibridë, stacioneve inteligjente dhe një sistemi digjital që do të monitorojë në kohë reale lëvizjen e mjeteve dhe fluksin e pasagjerëve.
Projekti i hartuar nga Fondi Shqiptar i Zhvillimit parashikon blerjen e 23 autobusëve të rinj, ndërtimin e 54 stacioneve SMART dhe instalimin e 20 karikuesve elektrikë, si pjesë e një ndërhyrjeje për përmirësimin e mobilitetit urban, ndërqytetas dhe turistik.
Sipas dokumenteve të projektit, flota e re do të përbëhet nga 12 autobusë urbanë plotësisht elektrikë, 7 minibusë elektrikë për linja turistike dhe zona me akses të kufizuar, si dhe 4 autobusë hibridë për transportin ndërqytetas.
Autobusët elektrikë standardë, me gjatësi rreth 12 metra, duhet të transportojnë të paktën 80 pasagjerë dhe të përshkojnë minimumi 250 kilometra me një karikim. Minibusët turistikë duhet të sigurojnë autonomi minimale prej 150 kilometrash, ndërsa autobusët hibridë parashikohet të përshkojnë të paktën 500 kilometra me një furnizim karburanti.
Por investimi nuk kufizohet vetëm te rinovimi i flotës.
Një nga risitë kryesore është krijimi i një sistemi inteligjent të administrimit të transportit publik. Autobusët do të pajisen me teknologji GPS që mundëson raportimin e vendndodhjes maksimumi çdo 5 sekonda, ndërsa sistemi duhet të parashikojë mbërritjen në stacione me një gabim mesatar jo më shumë se dy minuta.
Platforma do të mundësojë gjithashtu numërimin automatik të pasagjerëve, integrimin e biletimit elektronik, monitorimin e konsumit të energjisë dhe planifikimin e orareve sipas kërkesës për transport. Parashikohet edhe përdorimi i algoritmeve inteligjente për analizimin e flukseve dhe optimizimin e shërbimit.
Një tjetër komponent është ndërtimi i 54 stacioneve SMART, të ndara në tri kategori sipas rëndësisë dhe fluksit të pasagjerëve. Stacionet kryesore do të pajisen me sisteme informacioni në kohë reale, kamera sigurie, komunikim emergjent dhe panele fotovoltaike. Për këto struktura parashikohet një jetëgjatësi e projektuar deri në të paktën 25 vjet.
Megjithatë, dokumentacioni e konsideron këtë një paketë fillestare të propozuar. Shpërndarja përfundimtare e autobusëve dhe stacioneve ndërmjet bashkive do të përcaktohet në bazë të nevojave të transportit, flukseve të pasagjerëve dhe kapaciteteve infrastrukturore. Investimi i ri synon të zgjerojë përdorimin e autobusëve elektrikë dhe të avancojë modernizimin e transportit publik në Shqipëri, duke e shoqëruar rinovimin e flotës me stacione inteligjente, infrastrukturë karikimi dhe sisteme digjitale të administrimit. Projekti vjen pas iniciativave të mëparshme të elektrifikimit, por synon një qasje më të integruar ndaj mobilitetit urban dhe ndërqytetas.
“Investimet, në rrezik”! - Dhoma Amerikane e Tregtisë, apel për mbrojtjen e pronës
Siguria e bizneseve dhe e vendeve të punës është vënë në rrezik nga protestat e ditëve të fundit. Në një deklaratë mbi situatën në vend, Dhoma Amerikane e......
Energjia, krahasim çmimeve - Rregullat e reja, ERE propozon përditësim të ofertave nga furnizuesit brenda 72 orëve
Furnizuesit e energjisë elektrike do të duhet të korrigjojnë ose përditësojnë informacionin në Platformën e Krahasimit të Çmimeve brenda 72 orëve nga......
Sigurimi i jetës mbetet “luks” - Niveli i primeve i rendit shqiptarët të fundit në rajon. Ndërgjegjësim tepër i ulët
Shqiptarët janë ata që e sigurojnë më pak jetën në krahasim me shtetasit e tjerë të Evropës Qendrore dhe Lindore. Raporti më i fundit i Xprimm tregon se......
Doganat në rritje - 186 miliardë lekë të ardhura në 9 muaj, 7.2 miliardë më shumë se një vit më parë
Administrata Doganore Shqiptare ka arkëtuar rreth 185.9 miliardë lekë të ardhura gjatë periudhës janar-shtator 2026, duke shënuar një rritje prej rreth 7.2......
“Dhuna, jo rruga e duhur”! - Nga Budva, kancelari gjerman kërkon reforma, bashkëpunim dhe integrim europian
Kancelari gjerman Friedrich Merz u bëri thirrje gjashtë vendeve të Ballkanit Perëndimor të thellojnë bashkëpunimin rajonal dhe të vijojnë reformat për......
7 kërkesat kryesore të bizneseve - Paketa fiskale 2027/ Nga tatimi i pagave, tek ulja e TVSH për ushqimet
Situata ekonomike e vendit, zhvlerësimi i euros në raport me monedhën kombëtare, detyrimi bizneseve për t’u përgatitur për integrimin në tregun e BE, ka......
Bizneset, detyrime të reja - Vendimi për QKB, certifikim vjetor. Vendndodhja identifikohet me GPS
Regjistrimi i bizneseve dhe përditësimi i të dhënave të tyre pritet t’i nënshtrohen rregullave të reja. Qeveria propozon ndryshime në ligjin për regjistrimin......
Italia “paralizohet” - Protestat e transportuesve boshatisin supermarketet dhe lënë aeroportet pa karburant
Protestat e shoferëve të kamionëve në jug të Italisë, të nxitura nga rritja e çmimeve të naftës dhe kostove të transportit, kanë shkaktuar ndërprerje të......
