Armatimi, me gjurmim elektronik - Regjistër dhe lehtësi tatimore e doganore për subjektet e licencuara për prodhim ushtarak
Ministria e Mbrojtjes synon të përmirësojë procesin e gjurmimit të armatimit ushtarak, administrimin elektronik të të dhënave, kontrollin e zinxhirit të furnizimit, si dhe monitorimin e përdorimit të lehtësive fiskale dhe doganore për subjektet që investojnë në industrinë e mbrojtjes.
Pavarësisht se ligji parashikonte markimin dhe gjurmimin e armatimit ushtarak, deri më tani nuk ishte përcaktuar qartë autoriteti përgjegjës për krijimin, administrimin dhe mirëmbajtjen e regjistrit elektronik. Me projektligjin e ri të publikuar për konsultim publik, Agjencia e Industrisë së Mbrojtjes ngarkohet me administrimin e këtij regjistri, ndërsa subjektet e licencuara duhet të ndërlidhin sistemet e tyre të gjurmimit me të.
Një tjetër ndryshim lidhet me sigurinë dhe qëndrueshmërinë e zinxhirit të furnizimit në industrinë e mbrojtjes. Operatorët ekonomikë do të duhet të dokumentojnë origjinën e lëndëve të para, komponentëve, pajisjeve dhe teknologjive të përdorura në prodhimin e mallrave ushtarake. Synimi është rritja e sigurisë së furnizimit, besueshmërisë së operatorëve ekonomikë dhe mbrojtja e interesave të sigurisë kombëtare.
Projektligji zgjeron edhe kategorinë e subjekteve që përfitojnë nga lehtësitë fiskale dhe doganore, duke përfshirë subjektet që krijojnë shoqëri të përbashkëta me shoqërinë shtetërore të prodhimit të armatimit ushtarak. Lehtësitë do të zbatohen vetëm për aktivitetet dhe investimet që lidhen drejtpërdrejt me veprimtarinë e miratuar.
Mbahet norma zero e tatimit mbi të ardhurat korporative për dhjetë vitet e para pas fillimit të aktivitetit. Ndërkohë, parashikohet përjashtim nga TVSH-ja për importimin e mallrave, makinerive dhe pajisjeve që shërbejnë për prodhimin e produkteve të subjekteve të licencuara, kur përdoren në mënyrë të dedikuar në veprimtarinë e licencuar.
Projektligji parashikon gjithashtu normë zero të TVSH-së për shitjen e produkteve përfundimtare të prodhuara nga subjektet e licencuara.
Përjashtimi nga taksat doganore do të zbatohet për mallrat që shërbejnë drejtpërdrejt për prodhimin e produkteve përfundimtare, ndërsa subjektet përfitojnë edhe përjashtim nga taksat vendore për veprimtaritë dhe pasuritë e paluajtshme që shërbejnë drejtpërdrejt për ushtrimin e veprimtarive të licencuara.
Partneritet për inovacionin - Italia dhe Shqipëria forcojnë bashkëpunimin për startup-et
Një inkubator italo-shqiptar për startup-et synohet të ngrihet në Shqipëri, për të mbështetur zhvillimin e sipërmarrjeve inovative dhe lidhjen e tyre me......
Greqi-SHBA, aleancë në zgjerim - Rubio dhe Gerapetritis forcojnë partneritetin strategjik
Greqia dhe Shtetet e Bashkuara synojnë të thellojnë më tej partneritetin strategjik, me mbrojtjen, energjinë, investimet dhe sigurinë rajonale në qendër të......
Sánchez rikthen masat - 21 nisma urgjente pas protestave masive dhe presionit para zgjedhjeve
Qeveria spanjolle miratoi të martën 21 masa urgjente për të përballuar krizën e strehimit, pas protestave masive në të gjithë vendin dhe përplasjeve në......
BE në alarm për rafineritë - Von der Leyen kërkon plan për sigurinë energjetike, kapacitetet kanë rënë 20%
Bashkimi Europian po përballet me një dobësi në sigurinë energjetike, teksa kapacitetet e rafinimit të naftës në Europë janë tkurrur ndjeshëm vitet e fundit.......
Kosova zgjedh presidenten - Parlamenti voton Justina Shiroka Pula në prag të afatit kushtetues
Parlamenti i Kosovës ka zgjedhur ekonomisten Justina Shiroka Pulën presidente të vendit, duke shmangur zhvillimin e zgjedhjeve të parakohshme parlamentare.......
“Rritja globale nën presion” - FMN: Energjia e shtrenjtë, borxhi dhe bumi i IA kërcënojnë ekonominë
Ekonomia globale po përballet me rreziqe të reja që mund të frenojnë rritjen, për shkak të çmimeve të larta të energjisë, borxhit rekord publik dhe pasigurive......
Ndihma shtetërore në “lupë”? - Autoriteti i Konkurrencës merr kontrollin e plotë, ngrihet regjistri
Kontrolli i instrumentit të ndihmës shtetërore do të kalojë nën përgjegjësinë e Autoriteti i Konkurrencës, si institucion ekzistues, duke përcaktuar......
Sa kushton një muaj jetesë? Familjet me fëmijë përballen me 27 mijë lekë më shumë
Sa kushton një muaj jetese për një familje në Shqipëri? Përgjigjja ndryshon ndjeshëm në varësi të numrit të anëtarëve dhe pranisë së fëmijëve. Sipas Anketës......
