Ndihma shtetërore në “lupë”? - Autoriteti i Konkurrencës merr kontrollin e plotë, ngrihet regjistri
Kontrolli i instrumentit të ndihmës shtetërore do të kalojë nën përgjegjësinë e Autoriteti i Konkurrencës, si institucion ekzistues, duke përcaktuar Komisionin e Konkurrencës si organin vendimmarrës për çështjet e ndihmës shtetërore.
Projektligji i hedhur për konsultim publik për ndryshime në ligjin ekzistues “Për ndihmën shtetërore”, përcakton se funksionet administrative, teknike, hetimore, monitoruese dhe mbështetëse në këtë fushë do të ushtrohen nga struktura përgjegjëse për ndihmën shtetërore pranë Autoritetit të Konkurrencës.
Referuar relacionit që shoqëron projektligjin, zgjidhja e propozuar synon të garantojë ndarjen institucionale ndërmjet funksionit të kontrollit të ndihmës shtetërore dhe institucioneve publike që mund të veprojnë si dhënëse të ndihmës shtetërore, duke forcuar pavarësinë dhe paanshmërinë e shqyrtimit, hetimit, monitorimit dhe vendimmarrjes për çështjet e ndihmës shtetërore. Në këtë mënyrë Konkurrenca nuk do të ketë varësi nga Këshilli i Ministrave apo ministritë e linjës.
Drafti parashikon gjithashtu forcimin e garancive për parandalimin e konfliktit të interesit pasi vendos rregulla për mospjesëmarrjen e anëtarëve të Komisionit të Konkurrencës në shqyrtimin dhe vendimmarrjen e çështjeve në kushtet e konfliktit të interesit.
Projektligji parashikon që Autoritetit të Konkurrencës t'i sigurohen burimet njerëzore, financiare dhe teknike të nevojshme për ushtrimin efektiv dhe të pavarur të funksioneve të kontrollit të ndihmës shtetërore.
Struktura përgjegjëse pranë Autoritetit të Konkurrencës, do të grumbullojë, përpunojë dhe monitorojë të dhënat për ndihmën shtetërore, do të monitorojë zbatimin e vendimeve dhe do të krijojë, administrojë dhe përditësojë regjistrin e ndihmës shtetërore.
Projektligji parashikon kompetenca për vendosjen e gjobave nga Autoriteti i Konkurrencës si dhe një periudhë kalimtare 6- mujore për realizimin e transferimit të funksioneve, gjatë së cilës strukturat ekzistuese vijojnë të ushtrojnë funksionet e tyre, ndërsa Autoriteti i Konkurrencës dhe ministria përgjegjëse për ekonominë marrin masat organizative, administrative dhe buxhetore të nevojshme për realizimin e transferimit.
Zbatimi i këtij projektligji përbën një hap të rëndësishëm në drejtim të forcimit të kontrollit të ndihmës shtetërore dhe përmbushjes së angazhimeve të Republikës së Shqipërisë në kuadër të procesit të integrimit në Bashkimin Evropian dhe Marrëveshjes së Stabilizim-Asociimit.
Sa kushton një muaj jetesë? Familjet me fëmijë përballen me 27 mijë lekë më shumë
Sa kushton një muaj jetese për një familje në Shqipëri? Përgjigjja ndryshon ndjeshëm në varësi të numrit të anëtarëve dhe pranisë së fëmijëve. Sipas Anketës......
3,431 vendime legalizimi - Vetëm gjatë shtatorit, ASHK: Përfituesit i marrin vendimet në e-Albania
Agjencia Shtetërore e Kadastrës ka bërë të ditur se gjatë muajit shtator janë dhënë 3 mijë e 431 vendime legalizimi për qytetarët në të gjithë vendin. Sipas......
Bordi vendos çmimet e reja të karburanteve, ja sa do të shitet nafta dhe benzina
Bordi i Transparencës dhe Kufizimit të Përkohshëm të Çmimeve të Tregtimit me Shumicë dhe Pakicë të Nënprodukteve të Naftës dhe Gazit ka vendosur çmimet e reja......
Rishikimi i politikave të BE-së përpara zgjerimit. Qeveria: Shqipëria konfirmohet si lider në procesin e integrimit
“Rishikimi i politikave përbën një sinjal të fortë politik të mbështetjes së Bashkimit Europian për përparimin e Shqipërisë drejt objektivit strategjik......
Mbështetja për Trump në nivelin më të ulët historik, hispanikët më të pakënaqurit me republikanët
Mbështetja për Presidentin Donald Trump ka rënë në një nivel rekord të ulët ditët e fundit, pasi shumë votues hispanikë kritikuan performancën e tij në punë......
Korniza e re e mbikqyrjes, BQE: "Gërshërë" në burokracinë e bankave të vogla
Banka Qendrore Evropiane po krijon një mjedis mbikëqyrës dhe rregullator qartësisht më të favorshëm për bankat më të vogla të Evropës , duke vazhduar me një......
Plani i ri Europian për Zgjerimin, Kos: Integrim gradual, financime nga instrumenti "Global Europe"
Komisionerja europiane për Zgjerimin, Marta Kos, prezantoi këtë të martë në Strasburg paketën e re të Komisionit Europian për përgatitjen e Bashkimit Europian......
Zgjerimi i BE-së, Hoxha: Shqipëria është gati të anëtarësohet dhe të punojë për të ardhmen
Ministri për Evropën dhe Punët e Jashtme, Ferit Hoxha, mirëpriti Komunikimin e sotëm të Komisioneres Marta Kos mbi përgatitjen e Bashkimit Evropian për......
