Aktivitetet në fondin pyjor - Nga energjia, te agropylltaria. 198 ha në Kolonjë e Pogradec, për përdorime ekonomike
Rreth 198 hektarë fond pyjor në bashkitë Kolonjë dhe Pogradec janë dhënë në përdorim ose janë përfshirë në procedura për aktivitete ekonomike gjatë viteve 2023–2025. Pjesa më e madhe e kësaj sipërfaqeje ndodhet në Kolonjë, ku projektet për prodhimin e energjisë nga dielli dhe era dominojnë përdorimet e evidentuara. Të dhënat vijnë nga raporti i organizatës All Green Centre për përdorimin dhe qeverisjen e fondit pyjor, që përfshin monitorimin e tri bashkive: Kolonjë, Pogradec dhe Korçë.
Në Kolonjë janë evidentuar mbi 183 hektarë fond pyjor të përfshirë në procedura për përdorime ekonomike. Prej tyre, rreth 136 hektarë lidhen me energjinë e rinovueshme. Gjatë tre viteve të monitoruara janë identifikuar pesë procedura për centrale fotovoltaike dhe një për ndërtimin e një centrali eolik me infrastrukturën mbështetëse.
Raporti evidenton një lidhje të dobët ndërmjet këtyre zhvillimeve dhe planifikimit të territorit. Sipas analizës, dokumentet vendore të Kolonjës e orientojnë ekonominë drejt bujqësisë, blegtorisë dhe turizmit, ndërsa në materialet e shqyrtuara nuk identifikohen zona të dedikuara posaçërisht për projekte energjetike brenda sistemit natyror.
Në Pogradec, monitorimi ka identifikuar tri raste që përfshijnë gjithsej 14,84 hektarë, për agropylltari, ngritjen e një fidanishteje dhe veprimtari kërkim-zbulimi. Në Korçë, gjatë periudhës së shqyrtuar, nuk janë identifikuar procedura konkurruese për dhënien në përdorim të fondit pyjor.
Krahas procedurave dhe planifikimit, raporti trajton edhe ndikimet e mundshme mjedisore. Heqja e vegjetacionit, hapja e rrugëve dhe instalimi i infrastrukturës mund të sjellin humbje ose fragmentim të habitateve, ndryshime në peizazh dhe rritje të ekspozimit të tokës ndaj erozionit. Në zonat ku përqendrohen disa investime, si Kolonja, analiza kërkon që efektet e tyre të vlerësohen së bashku.
All Green Centre rekomandon qartësimin e rregullave për përdorimin e fondit pyjor dhe shqyrtimin e alternativave të vendndodhjes përpara se sipërfaqet të vihen në dispozicion të investimeve. Sipas raportit, planifikimi paraprak është vendimtar për të harmonizuar zhvillimin energjetik me ruajtjen e pyjeve dhe aktivitetet ekonomike të komuniteteve lokale.
Kosova shtrëngon pagesat CASH - Kufiri mes bizneseve zbret nga 500 në 300 euro
Kosova do të ulë nga 500 në 300 euro kufirin e pagesave me para të gatshme ndërmjet bizneseve, në kuadër të masave për luftimin e financimit të paligjshëm dhe......
Boom i bizneseve të huaja - QKB: Regjistrimet u rriten me 35.2% në tetë muaj
Regjistrimet e bizneseve me 100% pronësi të huaj në Shqipëri janë rritur me 35.2% gjatë periudhës janar–gusht 2026, në raport me të njëjtën periudhë të vitit......
Integrimi në BE, Rama: Shqipëria mbyll një kapitull nga negociatat, nis numërimi mbrapsht drejt objektivit historik
Shqipëria mbyll të parin kapitull (kapitulli 20) të negociatave me Bashkimin Europian. Njoftimin e ka bërë kryeministri Edi Rama me një postim në rrjetet......
Partneriteti strategjik Shqipëri-SHBA, Presidenti Begaj dekoron dy senatorët amerikanë
Presidenti i Republikës Bajram Begaj, priti në Pallatin e Brigadave Senatorët e Shteteve të Bashkuara të Amerikës, znj. Jeanne Shaheen dhe z. Dick Durbin, të......
Paketa Fiskale 2027, kërkesa nga biznesi: ulje taksash për agropërpunimin, ndërtimin dhe akcizat
Dhoma e Tregtisë dhe Industrisë Tiranë ka depozituar pranë Ministrisë së Financave dhe Ekonomisë, propozimet lidhur me paketën fiskale 2027. Organizata më e......
Zgjerimi i Elbasan-Qafë Thanë, Karakaçi: Mbrojtja lumore, komponent i rëndësishëm i projektit
Ministri i Infrastrukturës dhe Energjisë, Enea Karakaçi, ka inspektuar punimet që po kryhen për zgjerimin e rrugës Elbasan-Qafë Thanë. Sipas tij, mbrojtja......
Ministri e re për Administratën, Rama prezanton “Shkalla e Meritës”për punësimin në shtet
Qeverisë do t’i shtohet Ministria e Administratës Publike si një institucion që do të sigurohet për të arritur standarde sa më të larta performance të......
Synohen më shumë investime - Ibrahimaj: Bashkëpunimi rajonal dhe investimet turke, mundësi për rritjen e tregtisë shqiptare
Ministrja e Ekonomisë dhe Inovacionit, Delina Ibrahimaj, kërkon forcimin e bashkëpunimit ekonomik në Ballkanin Perëndimor dhe rritjen e investimeve të huaja,......
