265 mln euro për pensionistët - Buxheti/ 10 miliardë euro për 2027-ën, rriten investimet
Buxheti i shtetit për vitin 2027 planifikohet të arrijë në shifrën e rreth 907.9 miliardë lekëve apo 10 miliardë eurove. Në raport me buxhetin e vitit 2026, rishikuar sipas aktit më të fundit normativ, planifikohet një rritje prej 64.7 miliardë lekësh apo rreth 715 milionë eurosh, e cila vjen nga rritja progresive e të ardhurave thuajse në të gjithë zërat që furnizojnë arkën e shtetit si dhe nga rritja ekonomike e të vendit, çka do të përkthehet në më shumë investime në sektorë të ndryshëm të ekonomisë dhe më shumë para për mbështetjen e shtresave në nevojë. Të ardhurat tatimore, paraprakisht planifikohen në 853 miliardë lekë vitin e ardhshëm dhe të ardhurat doganore në 583 miliardë lekë, në rritje të konsiderueshme në raport me këtë vit.
Referuar kuadrit ekonomik-fiskal afatmesëm 2027-2030, i miratuar së fundmi, projektohet që buxheti i shtetit të vijë në rritje progresive në 4 vitet në vijim, duke arritur rekordin në vitin 2030, në 11.4 miliardë euro.
Referuar të dhënave edhe shpenzimet për vitin 2027 planifikohen në 976 miliardë lekë dhe me rritje graduale nga viti në vit, duke arritur sërish vlerën më të lartë në 2030-ën.
Shpenzimet për fondet speciale, ku përfshihen sigurimet shoqërore, politika të reja pensionesh dhe bonusi i pensionistëve, parashikohen në rritje të ndjeshme gjatë vitit që vjen. Konkretisht në kuadrin fiskal afatmesëm, llogaritën 313.4 miliardë lekë për këtë zë, apo afro 24 miliardë lekë më shumë se sa u programuan për vitin 2026. Kjo shtesë e ndjeshme lidhet me bonusin e pensionistëve i cili dyfishohet nga 10 miliardë lekë që ishte në 2026 në 20 miliardë lekë në vitin 2027, si dhe me parashikimin e politikave të reja për pensionet në 4 miliardë lekë nga 1.6 miliardë lekë që u akorduan gjatë këtij viti. Pra në total për pensionistët planifikohen të shpërndahen 24 miliardë lekë apo 265 milionë euro vitin e ardhshëm. Ndërsa në vitet në vijim, bonusi i pensionistëve rritet me nga 10 miliardë lekë çdo vit ndërsa buxheti për politika të reja pensionesh që më së shumti lidhet me indeksimin, qëndron thuajse në të njëjtat nivele.
Ndërsa për politika të reja pagash parashikohen 3.6 miliardë lekë në vitin 2027 dhe në vijim.
Në kuadrin fiskal afatmesëm parashikohet gjithashtu një rritje e konsiderueshme e investimeve publike nga viti në vit. Për 2027-ën, shpenzimet kapitale planifikohen në 201.5 miliardë lekë, me rritje prej 25.3 miliardë lekë në raport me vitin 2026.
Deficiti buxhetor parashikohet në 68.1 miliardë lekë në 2027-ën, me rritje prej 4.4 miliardë lekë në raport me 2026-ën dhe ulje në vitet në vijim.
Megjithatë pritet që drafti i dedikuar i buxhetit për vitin 2027 i cili do të miratohet në qeveri, të saktësojë më tej shifrat dhe se si do të shpërndahet ai në sektorë të ndryshëm të ekonomisë.
Sa borxh ka Shqipëria? - Detyrimet në shtator, 24.6 miliardë lekë më të ulëta se në 2025. Përbëjnë 49.3% të PBB-së
Borxhi publik i Shqipërisë ka zbritur në rreth 1.377 trilionë lekë në fund të muajit shtator, duke shënuar një rënie krahasuar me fundin e vitit të kaluar.......
Sa para duhen të jetosh ‘rehat’/ Me €723 hyn në shtresën e mesme të lartë, por a mjaftojnë?
Për t'u përfshirë në shtresën me të ardhura të mesme të larta në Shqipëri, një person që jeton vetëm duhet të ketë të ardhura neto prej të paktën €723 në......
Hiqet taksa mbi karburantet? Kalon te taksat vjetore e makinave përfshirë edhe elektriket
Pas 15 vitesh, Shqipëria mund t'i japë fund taksës së qarkullimit prej 27 lekësh për litër karburant. Ky ndryshim mund të krijojë hapësirë për uljen e çmimit......
Rama reagon ndaj kritikëve: Miratojmë 10 miliardë euro buxhet dhe paketën fiskale më ambicioze
Kryeministri Edi Rama ka reaguar ndaj kritikave lidhur me Paketën Fiskale 2027 të propozuar nga qeveria. Përmes një statusi në rrjete sociale, ai ka bërë me......
Pagat, tatim me 3 fasha - Ulje për ato nën 300 mijë lekë, rritje për ato mbi 700
Tatimi mbi të ardhurat nga punësimi pritet të ndryshojë, duke kaluar nga dy në tri fasha tatimore. Paketa Fiskale 2027, e përgatitur nga qeveria, parashikon......
Dy gjimnaze të reja në Tiranë - Projektet/ Një godinë në Rrugën e Elbasanit, tjetra në Kopshtin Botanik
Një godinë e vjetër trekatëshe në Rrugën e Elbasanit, e destinuar fillimisht për përdorim spitalor, por që aktualisht është e braktisur dhe e amortizuar, do......
Karakaçi: Mbyllen 5 km e parë deri në Pezë, brenda nëntorit tenderi për pjesën e mbetur
Rikonstruksioni i 5 km të parë të rrugës Kombinat – Ndroq – Plepa ka përfunduar, teksa Autoriteti Rrrugor Shqiptar ka kontraktuar edhe rikonstruksionin për 9......
Ndryshime fiskale pa konsultim - Shoqatat e biznesit shprehin rezerva për paketën fiskale
Disa shoqata të biznesit kanë shprehur rezerva për paketën fiskale 2027, që parashikon rritje të barrës fiskale për sipërmarrjen. Shoqata “Pro-eksport......
