Durana drejt ndërtimit - Parku teknologjik prezantohet në Francë. Nis procesi për zhvillimin fizik në Xhafzotaj
Durana Tech Park po kalon nga modeli virtual i funksionimit drejt zhvillimit të infrastrukturës fizike në Xhafzotaj, Bashkia Shijak. Projekti ka aktualisht 88 kompani rezidente, pesë të tjera në proces vlerësimi, ndërsa 52 për qind e kompanive kanë kapital të huaj dhe ekosistemi numëron rreth 750 të punësuar.
Modeli i Duranës është përzgjedhur nga Shoqata Ndërkombëtare e Parqeve Shkencore dhe Zonave të Inovacionit (IASP) si një nga përvojat që do të prezantohen në Konferencën e 43-të Botërore të Parqeve Shkencore dhe Zonave të Inovacionit, që zhvillohet nga 27 deri më 30 tetor në Cannes të Francës.
Ndërkohë, më 26 tetor u mbajt dëgjesa e parë publike për Vlerësimin Strategjik Mjedisor të Planit të Detajuar të Zhvillimit të parkut, një hap i rëndësishëm në procesin e planifikimit të infrastrukturës së re. Në takim u prezantuan fazat e projektit dhe çështjet mjedisore që do të analizohen përpara vijimit të zhvillimit.
Drejtoresha Ekzekutive e Durana Tech Park, Florensa Haxhi, prezantoi detajet e projektit, ndërsa i pranishëm ishte edhe zëvendësministri i Infrastrukturës dhe Energjisë, Erlind Sulo. Konsultimi përfshiu përfaqësues të institucioneve qendrore e vendore, Bankës Botërore, bizneseve, institucioneve akademike dhe komunitetit.
Plani aktual përfshin rreth 14 hektarë dhe parashikon krijimin e një hapësire të integruar për teknologjinë, kërkimin shkencor, inovacionin dhe sipërmarrjen. Në perspektivë, po shqyrtohen edhe mundësitë për zgjerimin e projektit në prona shtetërore, me synimin për të krijuar një distrikt më të gjerë inovacioni.
Vlerësimi mjedisor do të trajtojë ndikimet e mundshme në biodiversitet, përdorimin e tokës, cilësinë e ajrit dhe ujërave, menaxhimin e mbetjeve dhe ndotjen akustike. Procesi synon të marrë në konsideratë edhe ndikimin e projektit te komuniteti dhe bizneset në zonën përreth.
Procesi do të vijojë me një dëgjesë të dytë publike, përpara përgatitjes së raportit përfundimtar dhe pajisjes me Deklaratën Mjedisore nga Ministria e Mjedisit. Afati për dorëzimin e komenteve dhe rekomandimeve nga institucionet, komuniteti dhe grupet e interesit është 5 nëntor 2026, në adresën [email protected].
Zhvillimi i parkut mbështetet nga ekspertiza e Grupit të Bankës Botërore. Durana është përzgjedhur si projekt pilot i Korporatës Financiare Ndërkombëtare (IFC) në nismën për zhvillimin e parqeve eko-industriale në Ballkanin Perëndimor, e mbështetur nga Bashkimi Evropian përmes Kornizës së Investimeve për Ballkanin Perëndimor.
Mbështetje për studentët - Rama: Bursa 25 mijë lekë për ata në nevojë, përfitojnë edhe në master
Kryeministri Edi Rama njoftoi rritjen e bursave për studentët nga familjet në vështirësi ekonomike në 25 mijë lekë në muaj dhe shtrirjen e kësaj mbështetjeje......
Paketa fiskale, biznesi kundër - Reagimi i grupeve të interesit: Do të vështirësohet sipërmarrja
Paketa Fiskale 2027 ka ngritur shqetësime te përfaqësuesit e biznesit, të cilët paralajmërojnë se ndryshimet e propozuara mund të rrisin kostot për......
Mëngjesi në Scan
Çdo ditë, 07:00
Insider
E martë, e enjte, 20:00
Ekopol
E hënë, e mërkurë 20:00
Dy uljet e mëdha/ Rama prezanton paketën fiskale me 10 pika, hiqet taksa e qarkullimit
Një paketë fiskale për vitin 2027 e listuar në 10 pika kryesore, është prezantuar nga Kryeministri Edi Rama. Nga ulja e TVSH-së për ushqimet në 6%, tek......
Rrugë “e re” Tiranë - Durrës/ Aksi dytësor në rikonstruksion, afati i punimeve është 5 muaj
Bashkia e Tiranës ka shpallur kompaninë fituese për rikonstruksionin e rrugës dytësore Tiranë – Durrës, në segmentin Hygea – Megatek. Bashkimi i kompanive......
Shëndetësia, rritet financimi - Nga kujdesi shëndetësor te mbështetja sociale, 88,18 miliardë lekë për 2027-ën
Ministria e Shëndetësisë dhe Mirëqenies Sociale parashikohet të ketë një buxhet prej 88,18 miliardë lekësh në vitin 2027. Sipas programimit buxhetor afatmesëm......
