Zgjerim i rrjetit elektrik - OST hap garën për ndërtimin e nënstacionit të ri Traktora, në Tiranë
Operatori i Sistemit të Transmetimit ka shpallur hapjen e tenderit për ndërtimin e fazës së dytë të nënstacionit të ri elektrik Traktora, në Tiranë. Projekti parashikon instalimin e një autotransformatori të dytë me kapacitet 150 MVA dhe zgjerimin e infrastrukturës së transmetimit të energjisë elektrike. Fondi limit i procedurës së prokurimit është rreth 744 milionë e 983 mijë lekë.
Sipas dokumentit në Agjencinë e Prokurimit Publik, projekti përfshin ndërtimin e pajisjeve dhe instalimeve të reja në nënstacion, si dhe blerjen dhe vendosjen e një autotransformatori të dytë 220/110/20 kilovolt, me kapacitet 150 megavolt-amper.
Nënstacioni i ri po ndërtohet në hapësirën ngjitur me nënstacionin ekzistues Traktora 110/20/6 kilovolt, në pjesën jugore të tij. Faza e parë e projektit ka parashikuar ndërtimin e godinës së re të kontrollit, si dhe instalimin e autotransformatorit të parë. Ndërsa faza e dytë, për të cilën tashmë është hapur procedura e prokurimit, do të mundësojë zgjerimin e mëtejshëm të këtij impianti.
Punimet parashikojnë ndërtimin e një trakti të ri linje 220 kilovolt, një trakti të dytë për autotransformatorin, instalimin e transformatorit të ri me kapacitet 150 MVA dhe pajisjen e tij me të gjitha sistemet përkatëse të kontrollit, komandimit dhe mbrojtjes. Gjithashtu, do të realizohen lidhjet e nevojshme me sistemin ekzistues 110 kilovolt dhe zgjerimi i sistemeve të furnizimit me energji për nevojat vetjake të nënstacionit.
Paralelisht, do të instalohen sisteme moderne të mbrojtjes rele, matjes së energjisë, monitorimit dhe komunikimit, me qëllim garantimin e funksionimit të sigurt dhe të qëndrueshëm të pajisjeve.
Sipas specifikimeve teknike, linja e re 220 kilovolt do të pajiset me dy sisteme të pavarura mbrojtjeje, ndërsa autotransformatori do të ketë sistemet përkatëse të kontrollit dhe monitorimit, me synimin për të garantuar funksionim të sigurt dhe për të shmangur ndërprerjet në rast defektesh.
Investimi synon të rrisë kapacitetet e këtij nyjimi të rëndësishëm të rrjetit dhe të përmirësojë sigurinë dhe besueshmërinë e funksionimit të sistemit të transmetimit, thuhet në dokumentin e Agjencisë së Prokurimit Publik.
Gara globale hekurudhore - Kina shpenzon më shumë se 4 fuqi të mëdha evropiane dhe Japonia së bashku
Kina po investon shuma marramendëse në hekurudha, duke shpenzuar më shumë se Japonia, Britania e Madhe, Franca dhe Gjermania së bashku. Megjithatë, pas......
Serbia, në test - Fitch sheh paqartësi për politikat ekonomike të qeverisë së re
Fitorja e lëvizjes studentore në zgjedhjet e parakohshme parlamentare në Serbi ka ulur pasigurinë lidhur me rezultatin elektoral, por drejtimi ekonomik dhe......
Investime për Kosovën - Reformat mund të sjellin 1,5 miliardë dollarë dhe 87 mijë vende pune
Kosova mund të tërheqë deri në 1,5 miliardë dollarë investime private dhe të krijojë deri në 87 mijë vende të reja pune gjatë 5 deri në 10 viteve të ardhshme.......
Grabitje rekord në kripto - Vjedhja e 6,3 miliardë Usd trondit tregun, ngrijnë 3 miliardë Usd
Platforma më e madhe në botë e këmbimit të kriptomonedhave, Binance, po përballet me një nga sulmet kibernetike më të mëdha në historinë e industrisë. Sipas......
250 mln euro për pensionet - Ministri Malaj prezanton buxhetin dhe paketën fiskale 2027
Një nga shtyllat kryesore të projektbuxhetit 2027 ëhstë mbështetja e pensionistëve, me një vlerë totale prej 250 milionë eurosh, ku përfshihet indeksimi dhe......
Regjistër unik për Airbnb - Projektligji ndryshon rregullat për akomodimin, agjencitë turistike dhe plazhet
Regjistrim i detyrueshëm për apartamentet që jepen me qira ditore, certifikim 8-vjeçar për strukturat akomoduese dhe rregulla të reja për administrimin e......
Sa para’ do marrin bashkitë? - Pr.buxheti 2027/ 321 milionë euro transfertë, fond i dedikuar për pagat
Buxheti vendor për vitin 2027 parashikohet të jetë në nivelin e 114.6 miliardë lekë, ose 2.4% më i lartë krahasuar me nivelin e pritshëm të vitit......
