“Fabula” e buxhetit 2027/ Për çdo 100 lekë të ardhura shtesë, qeveria planifikon rreth 107 lekë shpenzime shtesë
Buxheti i vitit 2027 parashikon zgjerimin e të ardhurave dhe shpenzimeve publike, me një rritje më të shpejtë të investimeve dhe një deficit lehtësisht më të lartë. Por sa nga paratë shtesë që qeveria synon të mbledhë do të përkthehen në përfitime konkrete për qytetarët?
“Scan Intel” ka analizuar treguesit kryesorë të projektbuxhetit për vitin 2027, duke i krahasuar me planifikimin e rishikuar të vitit 2026, sipas Aktit Normativ.
Të ardhurat totale parashikohen të arrijnë në 907.9 miliardë lekë, nga 843.1 miliardë lekë në vitin 2026. Kjo përkthehet në një rritje prej 7.7%, ose rreth 64.8 miliardë lekësh më shumë.
Një pjesë e konsiderueshme e kësaj shtese pritet të vijë nga tatimet dhe doganat. Arkëtimet e administratës tatimore dhe doganore parashikohen të rriten me 8.4%, duke arritur në 583.5 miliardë lekë, ose 45.3 miliardë më shumë se në vitin 2026.
Kontributin më të madh në këtë rritje pritet ta japë Tatimi mbi Vlerën e Shtuar (TVSH). Nga ky tatim qeveria synon të mbledhë 275.4 miliardë lekë, rreth 27.4 miliardë më shumë se një vit më parë. Sipas përllogaritjeve të “Scan Intel”, bazuar në krahasimin me Aktin Normativ 2026, afërsisht 61% e shtesës së parashikuar të arkëtimeve nga tatimet dhe doganat pritet të vijë nga TVSH-ja. Por, rritja e parashikuar e arkëtimeve nga TVSH-ja lidhet me ecurinë e ekonomisë, ndryshimet e çmimeve, politikat e reja fiskale dhe përmirësimin e administrimit tatimor
Ndërkohë, tatimi mbi të ardhurat personale pritet të sjellë rreth 11 miliardë lekë shtesë, me një rritje prej 11.5%.
Por krahas të ardhurave, zgjerohet edhe fatura e shpenzimeve. Për vitin 2027, qeveria planifikon të shpenzojë 976.1 miliardë lekë, ose 69.2 miliardë më shumë se në vitin 2026. Rritja prej 7.6% është pothuajse e njëjtë me ritmin e rritjes së të ardhurave, megjithëse në vlerë absolute shpenzimet shtohen më shumë.
Ajo që bie në sy është ritmi i ndryshëm i rritjes së kategorive të shpenzimeve. Shpenzimet korrente, ku përfshihen pagat, pensionet dhe kostot e funksionimit të shtetit, parashikohen të rriten me 5.8%. Ndërsa shpenzimet kapitale, kryesisht investimet publike, pritet të rriten me 13.7%, duke arritur në 200.3 miliardë lekë. Pjesa më e madhe e shtesës së parashikuar për investimet kapitale lidhet me zgjerimin e financimit të huaj.
Për shkak se shpenzimet mbeten më të larta se të ardhurat, deficiti buxhetor parashikohet të arrijë në 68.2 miliardë lekë, nga 63.7 miliardë lekë në vitin 2026. Megjithatë, në raport me Prodhimin e Brendshëm Bruto, ndryshimi është i vogël, nga rreth 2.28% në 2.32%.
Në thelb, projektbuxheti i vitit 2027 parashikon një shtet që mbledh dhe shpenzon më shumë, duke i dhënë përparësi rritjes së investimeve. Megjithatë, rritja e buxhetit nuk nënkupton automatikisht përmirësim të mirëqenies. Për qytetarët, rëndësi nuk ka vetëm sa para mbledh dhe shpenzon qeveria, por sa prej tyre përkthehen në shërbime më cilësore, investime produktive dhe përfitime të prekshme në jetën e përditshme.
Buxheti financon 3 hekurudha - Pjesa më e madhe janë fonde të huaja, 2.4 mld lekë nga financimi i brendshëm
Buxheti për sektorin hekurudhor parashikohet të rritet gjatë vitit 2027, ndërsa pjesa dërrmuese e fondeve mbetet financim i huaj, përfshirë grantet dhe......
Transporti ajror shënon rekord/ Rreth 28 mijë fluturime në tremujorin e tretë, rritet edhe numri i pasagjerëve
Hapësira ajrore shqiptare regjistroi një aktivitet të shtuar gjatë tremujorit të tretë të vitit 2026. Sipas të dhënave të INSTAT, në periudhën korrik-shtator......
Zgjerim i rrjetit elektrik - OST hap garën për ndërtimin e nënstacionit të ri Traktora, në Tiranë
Operatori i Sistemit të Transmetimit ka shpallur hapjen e tenderit për ndërtimin e fazës së dytë të nënstacionit të ri elektrik Traktora, në Tiranë. Projekti......
Gara globale hekurudhore - Kina shpenzon më shumë se 4 fuqi të mëdha evropiane dhe Japonia së bashku
Kina po investon shuma marramendëse në hekurudha, duke shpenzuar më shumë se Japonia, Britania e Madhe, Franca dhe Gjermania së bashku. Megjithatë, pas......
Serbia, në test - Fitch sheh paqartësi për politikat ekonomike të qeverisë së re
Fitorja e lëvizjes studentore në zgjedhjet e parakohshme parlamentare në Serbi ka ulur pasigurinë lidhur me rezultatin elektoral, por drejtimi ekonomik dhe......
Investime për Kosovën - Reformat mund të sjellin 1,5 miliardë dollarë dhe 87 mijë vende pune
Kosova mund të tërheqë deri në 1,5 miliardë dollarë investime private dhe të krijojë deri në 87 mijë vende të reja pune gjatë 5 deri në 10 viteve të ardhshme.......
Grabitje rekord në kripto - Vjedhja e 6,3 miliardë Usd trondit tregun, ngrijnë 3 miliardë Usd
Platforma më e madhe në botë e këmbimit të kriptomonedhave, Binance, po përballet me një nga sulmet kibernetike më të mëdha në historinë e industrisë. Sipas......
250 mln euro për pensionet - Ministri Malaj prezanton buxhetin dhe paketën fiskale 2027
Një nga shtyllat kryesore të projektbuxhetit 2027 ëhstë mbështetja e pensionistëve, me një vlerë totale prej 250 milionë eurosh, ku përfshihet indeksimi dhe......
