Transporti "vulos" rënien e tregtisë në 2022-shin/ Rritja e çmimeve ka nxitur një tkurrje prej rreth 20%. "Shpëton" vetëm transporti ajror, "falë" turizmit
Të dhënat e INSTAT përmes publikimit “Statistikat e Transportit” përgjatë muajit dhjetor tregojnë për një rënie të volumit të mallrave të transportuara në rrugët detare dhe ajrore dhe një rritje të lehtë të volumit të tyre të transportuara në rrugë hekurudhore.
Transporti i mallrave në rrugë detare, i cili zë edhe peshën më të madhe të tregtisë ka pësuar rënie deri në 17.4%, krahasuar me të njejtën periudhë të një viti më parë. Sa i përket volumit të mallrave të transportuara në rrugë ajrore rënia e tyre regjistrohet në 11.7%, ndërkohë që volumi i mallrave të transportuara në rrugë hekurudhore është rritur me 6.2 %, krahasuar me Dhjetorin e 2021-shit. Përsa i takon transportit të mallrave përgjatë gjithë vitit që lamë pas, vihet re se volumi i mallrave si në rrugë detare po ashtu edhe në rrugë hekurudhore ka pësuar rënie, përkatësisht me 20.6% dhe 20.4%. Nga ana tjetër, volumi i mallrave të transportuara me ajër është i vetmi që ka pësuar një rritje të lehtë, ku përgjatë vitit 2022 rritja shënohet vetëm me 1.4%. Këto shifra konfirmojnë rënien e tregtisë në vendin tonë, si pasojë e krizës së çmimeve që ka shoqëruar vitin 2022.
Nëse do të shohim transportin e pasagjerëve, numri i pasagjerëve në dhjetor të këtij viti ka shënuar rritje, si në linja detare po ashtu edhe në linja ajrore. Të dhënat tregojnë se rritjen më të madhe e kanë regjistruar pasagjerët të cilët kanë udhëtuar në linja ajrore, me 50.4%, krahasuar me dhjetorin e një viti më parë. Pasagjerët në linja detare po ashtu kanë shënuar rritje me 27.3% gjatë dhjetorit, ndërkohë që me rënie paraqiten pasagjerët e linjave hekurudhore, me 83.9%. Le të ndalemi në interpretimin e shifrave përgjatë gjithë vitit që kaluam. Të dhënat nga “Instituti i Statistikave” tregojnë se rritjen më të madhe gjatë kësaj periudhe e kanë pasagjerët të cilët kanë udhëtuar në linja ajrore, me 78.9%, ndërsa pasagjerët në linja detare janë rritur me rreth 58.4%, kurse pasagjerët e linjave hekurudhore kanë pësuar një rënie me 55.5%, krahasuar me të dhënat e vitit 2021.
Numri i fluturimeve gjithashtu paraqitet pozititv edhe përgjatë dhjetorit të këtij viti. Fluturimet e kryera janë 3,018, duke pësuar rritje me 25.3%, krahasuar me të njejtën periudhë të vitit të kaluar. Edhe i gjithë viti 2022 ndërkohë regjistrohet në rritje, me plot 48.3% krahasuar me vitin 2021.
Sondazh
2022 konfirmohet vit rekord për turizmin/ Rreth 30% më shumë të huaj. Tejkalohet edhe viti 2019-të
Janë regjistruar gjithsej 13 milion hyrje në territorin e Shqipërisë gjatë vitit 2022, nga të cilat 7.5 milion janë shtetas të huaj, sipas të dhënave më të......
Cila pikë kufitare ka më shumë kalime? Morina, zë 43.1% të peshës së lëvizjeve gjithsej, rreth 3.2 milion hyrje gjatë vitit 2021
“Scan Intel” ka analizuar të dhënat e “Institutit të Statistikave” mbi numrin e pasagjerëve që kanë udhëtuar nëpërmjet transportit rrugor duke përfshirë hyrjet......
Koncesioni që po ikën me 110 mln euro fitime neto/ "Aleat" i pasaportave, 404 mln euro xhiro dhe marzhe fitimi prej 32%, në më shumë se një dekadë
Prej më shumë se një dekade në vendin tonë, shërbimi i prodhimit dhe ofrimit të dokumentave biometrikë si pasaporta dhe karta e identitetit është ofruar nga......
Hoteleria me rënie në nëntor/ Më shumë vizitorë, por bien netë qëndrimet me 2.7%
Strukturat akomoduese duket se me nëntorin e vitit 2022 morën një kthesë ndryshe nga ajo që kishim parë gjatë muajve të verës apo edhe gjatë shtatorit e......
Bilanci i tregtisë së jashtme për 2022-shin/ "Made in Albania" bie me 10%. Eksportuam 278 mln euro më shumë naftë, importuam 14% më pak
“Scan Intel” ka kryer një analizë të detajuar të tregtisë së jashtme përgjatë vitit 2022, referuar të dhënave të “Institutit të Statistikave”, për të kuptuar......
2022 u mbyll me tregtinë nën ndikimin e çmimeve/ Në dhjetor eksportet u rritën me 26%, importet me 7.7%, në vlerë
Rritja e ndjeshme e çmimeve, si për produktet e importit, ashtu edhe për ato të eksportit e ka mbyllur vitin 2022 me një `fryrje` të ndjeshme të tregtisë së......
Shqipëria përballë “gjigantëve”/ Krahasimi mes asaj që ekonomia jonë prodhon në vit me kompani si “Amazon”, “Apple”, “Google”
Një nga sfidat e ekonomisë botërore lidhet me fenomenin e thellimit të pabarazisë ekonomike. Çdo ngjarje sociale apo politike po ndikon në thellimin e......
"Dita e lirisë" për shqiptarët është 16 marsi/ Deri në këtë datë punojmë për taksat, më pas për veten
Taksat janë një element i qenësishëm në mbarëvajtjen dhe funksionimin e një shteti. Megjithatë, në vende të vogla dhe me ekonomi të brishtë si ajo e......
