Si do të blihen nga pronarët objektet pa leje të konfiskuara? - Rregullat e reja/ Përcaktohet çmim minimal i shitjes, pagesa brenda 30 ditëve
Elisabeta Dosku/ SCAN
Qeveria ka përcaktuar rregullat e detajuara për shitjen me të drejtë parablerjeje të objekteve pa leje të konfiskuara me vendim të Këshillit Kombëtar të Territorit.
Referuar vendimit i cili është botuar në Fletoren Zyrtare, procedura e shitjes së objekteve të konfiskuara fillon pas miratimit nga Komisioni i Objekteve të Konfiskuara të programit të shitjes, i cili, së bashku me dokumentacionin shoqërues, përcillet pranë ministrisë përgjegjëse për administrimin e pronës.
Vlera e objektit përcaktohet me ekspertë vlerësues të licencuar të pasurisë së paluajtshme, të caktuar nga ministri përgjegjës për administrimin e pronës shtetërore në urdhrin e vlerësimit të objektit të konfiskuar.
Brenda një afati 30 ditor, ekspertët vlerësues, hartojnë raportin përfundimtar të vlerësimit, i cili përmban vlerën minimale të shitjes, dhe ia përcjellin ministrisë përgjegjëse për administrimin e pronës shtetërore. Shitja e objekteve të konfiskuara fillimisht u ofrohet subjekteve, që kanë të drejtën e parablerjes, pronari i truallit ose personat e tretë. Nëse subjektet nuk shprehin interes, të drejtën e parablerjes e ka zhvilluesi/ndërtuesi.
Struktura përgjegjëse për shitjen e pronës pranë ministrisë përgjegjëse për administrimin e pronës shtetërore njofton me shkrim, për të drejtën e parablerjes, subjektet në lidhje me ushtrimin e kësaj të drejte. Në rastin e pronarit të truallit dhe të personave të tretë, e drejta e parablerjes realizohet sipas marrëveshjes juridiko-civile të hartuar para noterit, të regjistruar në regjistrat përkatës në Agjencinë Shtetërore të Kadastrës, përpara datës së konstatimit të paligjshmërisë së ndërtimit, të vërtetuar me faturë të bankave të nivelit të dytë.
Nëse personat e tretë nuk shfaqin interes për parablerjen, ata kompensohen për vlerën e paguar.Kompensimi paguhet nga fondi i veçantë i objekteve të konfiskuara.
Pagesa e vlerës së objektit kryhet brenda 30 ditëve nga konfirmimi me shkrim për ushtrimin e së drejtës së parablerjes, në të kundërt subjekti humbet të drejtën e blerjes së objektit të konfiskuar. Në rast se pronarët e truallit, personat e tretë apo zhvilluesi/ndërtuesi nuk ushtron të drejtën e parablerjes, shitja e objekteve të konfiskuara në tejkalim të lejes së ndërtimit do të kryhet në zbatim të kuadrit ligjor për ankandin publik.
Kontrata e kalimit të pronësisë nënshkruhet para noterit, ku për pronarët e truallit dhe personat e tretë, nënshkruhet kontratë për transferimin e të drejtave dhe të detyrimeve; për zhvilluesin/ndërtuesin dhe ndaj blerësve sipas procedurës së ankandit, nënshkruhet kontratë e shitjes.
Sondazh
Kroacia do të rrisë pagën minimale me 15% - Masat e qeverisë përfshijnë pensionet, mbështetje për familjet me fëmijë
Kristi Ceta/SCAN Kroacia planifikon të rrisë pagën minimale me 130 euro, duke e çuar në 970 euro që nga 1 janari i 2025, tha kryeministri Andrej......
“Derregullimi, thjeshtim dhe përmirësim shërbimesh’’ - Ministrja Ibrahimaj: Do të evitohen procedurat burokratike
Ernilda Luzi/ Scan Miratimi i disa Vendimeve në Këshillit e Ministrave (VKM) nga Ministria e Arsimit dhe Sporteve, si pjesë e procesit të......
“BE, gati për t’u shkëputur nga gazi rus” - Komisionerja e Energjisë njofton diversifikimin e burimeve të furnizimit
Kristi Ceta/SCAN Komisionerja e Bashkimit Evropian (BE) për Energjinë Kadri Simson njoftoi se blloku është i gatshëm për mundësinë e shkëputjes nga gazi rus......
Gjermania, masa për të përforcuar industrinë e erës - Synohet siguria kibernetike, reduktimi i varësisë nga përbërësit kritikë
Kristi Ceta/SCAN Gjermania planifikon të prezantojë masa që synojnë të nxisë industrinë vendase të erës, tha Ministria e Ekonomisë, mes shqetësimeve......
“Rritja e përdorimit të kondicionerëve rrezikon rrjetet globale” - IEA, e shqetësuar për ndikimin e madh që do të prekë sektorin e energjisë
Kristi Ceta/SCAN Agjencia Ndërkombëtare e Energjisë (IEA) ka paralajmëruar se rritja e madhe e përdorimit të kondicionerëve do të ketë një nga ndikimet......
Sektori call center humbet “shkëlqimin” - Ulet numri me 50%, tkurrje edhe numri i punonjësve
Hamit Yzeiraj / SCAN Numri i të punësuarve në kompanitë që ofrojnë shërbime telefonike po vazhdon të bjerë. Sipas të dhënave, gjatë vitit të kaluar,......
Rritja ekonomike 3.9% për Kosovën - Bellaqa: Pozitive, por duhet të zgjerohet tregu
Alida Lula / SCAN Banka Botërore ka parashikuar se rritja ekonomike për Kosovën për vitin 2024 do të jetë 3.8%, ndërkaq tredi i rritjes do të vazhdojë......
Gati projektligji për njohjen e punësimit në ish-kooperativa/ Çfarë është parashikuar për efektet e pensioneve në ish-ndërmarrjet shtetërore?
Diamila Leka/ SCAN Në konsultime publike është publikuar projektligji i cili ka për qëllim njohjen si periudhë sigurimi, për efekt pensioni në sistemin e......
