Më shumë mallra nga Spanja në Shqipëri/ Partneriteti tregtar në rritje, përkundër rënies së përgjithshme të importeve
Shqipëria ka shtuar ndjeshëm importet nga Spanja gjatë gjysmës së parë të vitit 2025, duke arritur vlerën e 7.57 miliardë lekëve, me një rritje prej 9.9%, krahasuar me të njëjtën periudhë të një viti më parë. Të dhënat zyrtare të INSTAT tregojnë se Spanja ka qenë një nga pak vendet europiane që ka rritur furnizimet drejt tregut shqiptar, në një periudhë kur importet në total kanë rënë.
Në Janar–Qershor të këtij viti, importet e përgjithshme të Shqipërisë u vlerësuan me 431 miliardë lekë, duke shënuar një rënie prej 2.0% në raport me vitin 2024. Megjithatë, prirja nuk ka qenë e njëjtë për të gjithë partnerët tregtarë. Përveç Spanjës, rritje të forta u regjistruan edhe nga Kina me 25.2% dhe Greqia me 2.4%, ndërsa rënie të ndjeshme u shënuan nga Turqia me 18.3%, Kosova me 14.3%, Shtetet e Bashkuara me 15.1%, Gjermania me 4.7% dhe Italia me 2.5%.
Eksportet shqiptare arritën në 203 miliardë lekë, duke u rritur me 2.1% krahasuar me të njëjtën periudhë të vitit të kaluar, ndërsa deficiti tregtar zbriti në 228 miliardë lekë, me një ulje prej 5.4% në bazë vjetore.
Nëse i referohemi të dhënave të detajuara për produktet kryesore të importuara nga Spanja shohim se pjesën më të madhe e zënë produktet e qeramikës, makineritë elektrike, mjetet e transportit, produktet ushqimore të përpunuara, pijet, tekstilet dhe mallrat industriale. Kjo rritje interpretohet si rezultat i kërkesës më të lartë të tregut vendas për cilësi dhe larmi, por edhe si pasojë e marrëdhënieve gjithnjë e më të ngushta tregtare mes dy vendeve.
Rritja e furnizimeve nga Spanja vjen në një moment kur ekonomia shqiptare po përpiqet të balancojë deficitin tregtar dhe të diversifikojë burimet e importit, duke u hapur më shumë ndaj partnerëve që ofrojnë produkte me standarde europiane dhe çmime konkurruese.
Rreth 1.3 milionë aplikime për shërbime elektronike/ Taksat e mjeteve, ndër shërbimet më të përdorura në e-Albania gjatë korrikut
Platforma qeveritare e-Albania po njeh një rritje të vazhdueshme, si në numrin e përdoruesve, ashtu edhe në shërbimet që ofron për qytetarët. Gjatë muajit......
Më shumë kërkesa për punëtorë të pakualifikuar - Janë 953 vende të lira për gjysmën e pare të gushtit
Në dy javët e para të gushtit, në Agjencinë Kombëtare të Punësimit dhe Aftësive, janë regjistruar gjithsej 953 vende të lira pune. Sipas të dhënave të......
Bypass-i i Tiranës, dalin kostot për 8.5 km e parë - ARRSH shpall fituesit për segmentin Kashar-Nyja Vaqarr, do kushtojë 5.9 mld lekë
Ndërtimi i 8.5 kilometrave të parë të bypass-it të Tiranës do të kushtojë rreth 4.9 mld lekë, pa TVSH apo rreth 5.9 mld lekë, duke përfshirë Tatimin mbi......
Mallra të shtrenjta në valixhe? - Rastet kur duhet të deklaroni në kufi dhe kur jeni të përjashtuar
Qytetarët shqiptarë apo turistët që vijnë nga një vend tjetër dhe hyjnë në territorin e Shqipërisë si përmes aeroportit ashtu edhe në rrugë tokësore apo......
Përshkallëzohen protestat në Serbi - Sulmohen zyrat e partisë në pushtet dhe kërkohet dorëheqja e Vuçiç
Protestuesit kundër qeverisë sulmuan zyrat e Partisë Progresive Serbe (SNS) në qytetin verior të Novi Sadit, ndërsa të tjerë u përplasën me policinë dhe......
Reshjet e shiut ndihmuan në shuarjen e zjarreve - Gjatë 24 orëve të fundit u raportuan 28 vatra, 3 janë ende aktive
Në 24 orët e fundit ka pasur një përmirësim të dukshëm të situatës nga zjarret në vend. Sipas njoftimit nga Ministria e Mbrojtjes dhe Emergjencat Civile,......
Si është mbyllur kjo për valutat kryesore?
Dollari amerikan e ka mbyllur këtë javë në rënie duke humbur pikë nga dje teksa është blerë sot me 82.3 lekë dhe është shitur me 83.7 lekë sipas kursit të......
Serbia e Kroacia më të rëndësishme se Rusia për tregun gjerman - Tregtia gjermane me Rusinë në rënie, me vendet ballkanike po rritet.
Rusia dikur ishte një nga partnerët më të rëndësishëm tregtarë të Gjermanisë, por që nga pushtimi i Ukrainës dhe vendosja e sanksioneve të BE-së, tregtia ka......
