Pronat në bashkëpronësi - Si do bëhet kompensimi i subjekteve private për pjesët takuese
Projektligji i ri për pasuritë e paluajtshme përcakton se si mund të zhvillohen pronat shtetërore në bashkëpronësi dhe çfarë përfitojnë subjektet private.
Referuar nenit 44 të projektligjit, pronat e paluajtshme shtetërore mund të përdoren në përputhje me këtë ligj dhe legjislacionin për zhvillimin e territorit, me qëllim realizimin e objektivave ekonomike, sociale ose funksioneve publike që justifikojnë ndërhyrjen shtetërore.
Kur mbi një pronë të paluajtshme shtetërore parashikohet vënia në përdorim, ekzistojnë tituj pronësie ose të drejta reale të subjekteve private, organi publik kompetent për vënien në përdorim të pronës, realizon konsolidimin e saj, nëpërmjet individualizimit në terren të pjesëve takuese për secilin bashkëpronar, në funksion të projektit të zhvillimit të pasurisë.
Konsolidimi dhe individualizimi kryhen mbi bazën e aktit teknik-vlerësues, të hartuar nga një ekspert të licencuar në fushën e vlerësimit të pasurive të paluajtshme, i emëruar nga organi publik kompetent në përputhje me rregullat e emërimit të parashikuara me vendim të Këshillit të Ministrave.
Pjesa e individualizuar në terren e subjektit privat në funksion të konsolidimit të pronës shtetërore, nuk mund të jetë më pak se pjesa ideale e subjektit privat sipas titullit të pronësisë dhe/ose të drejtës reale.
Për çdo diferencë negative të përcaktuar, organi publik përgjegjës për vënien në përdorim të pronës, kompenson në vlerë financiare subjektin privat. Kompensimi financiar duhet të përcaktohet para fillimit të përdorimit të pronës dhe të depozitohet në një llogari të posaçme bankare.
Akti teknik-vlerësues, së bashku me vendimin për miratimin e vënies në përdorim të pronës dhe akti administrativ i organit publik kompetent, përbëjnë dokumentacionin e nevojshëm për regjistrim pranë Agjencisë Shtetërore të Pronës.
Rregullat e përgjithshme dhe procedurat për mënyrën se si kryhet individualizimi i pronave të paluajtshme në zbatim të kësaj dispozite, emërimi i ekspertëve, formati i aktit teknik-vlerësues, kriteret e vlerësimit dhe procedura e kompensimit financiar, do të përcaktohen me Vendim të Këshillit të Ministrave.
1,197 biznese të reja në gusht - Shërbimet online, mbi 9 mijë aplikime
Muaji gusht ka sjellë një aktivitet të konsiderueshëm në shërbimet administrative për bizneset, me mijëra aplikime dhe procedura të kryera përmes kanaleve......
SHBA, marrëveshje 24 mld USD me Arabinë - Do t’i shesë 50 avionë luftarakë F-35, Kongresi ka rezerva
Shtetet e Bashkuara kanë siguruar një marrëveshje me Arabinë Saudite, prej rreth 24 miliardë dollarë, për shitjen e 48 avionëve të teknologjisë së fundit,......
Mali i Zi bën pagën minimale 1,400 euro/ Nga janari 2027 nis “Euro Model”
Mali i Zi synon një rritje të fortë të pagave duke nisur nga janari i vitit 2027. Qeveria ka miratuar paketën e ligjeve që i hap rrugën modelit të ri të......
Tapi falas për pronat pa letra/ Privatizohen oborret në përdorim, deri në 300 m
Qytetarët që kanë prej vitesh një shtëpi apo oborr në përdorim, por nuk kanë dokumente të plota pronësie, do ta kenë më të lehtë marrjen e tapisë. Në disa......
Prodhimi i energjisë, Karakaçi: Fotovoltaikët prodhuan 30% të energjisë në qershor
Energjia diellore po merr një rol gjithnjë e më të rëndësishëm në prodhimin vendas, veçanërisht gjatë muajve të verës. Ministri i Infrastrukturës dhe......
Dielli mbulon 30% të energjisë - Karakaçi: Fotovoltaikët po ndihmojnë sistemin shqiptar gjatë muajve të thatë të verës
Rreth 30% e energjisë elektrike të konsumuar në Shqipëri gjatë muajit qershor është prodhuar nga impiantet fotovoltaike. Sipas ministrit Karakaçi, kjo peshë......
Rama: Transparencë me çmimet - Kryeministri kërkon nga supermarketet të bëhen pjesë e platformës për krahasimin e produkteve
Kryeministri Edi Rama u ka kërkuar rrjeteve të supermarketeve dhe furnitorëve më shumë transparencë në përcaktimin e çmimeve, duke paralajmëruar se fitimet......
Malaj: Po analizojmë marzhet e çmimeve - MF kërkon të identifikojë hapësirat për ndërhyrje fiskale në lehtësim të konsumatorëve
Ministria e Financave po analizon marzhet e fitimit në të gjithë zinxhirin e formimit të çmimeve, nga prodhuesi ose importuesi deri te konsumatori final.......
