Nisin pagesat për fermerët - Skemat/ Autorizohen mbi 6.600 transaksione, kalojnë në llogaritë bankare
Fermerët përfitues nga Skema Kombëtare e Mbështetjes në Bujqësi 2026, së shpejti do të marrin pagesat në llogaritë e tyre bankare.
Agjencia për Zhvillimin Bujqësor dhe Rural bën me dije se deri më tani janë autorizuar mbi 6.609 pagesa, të cilat janë kaluar në Thesarin e Shtetit dhe pritet të depozitohen së shpejti në llogaritë bankare të përfituesve, ndërsa puna vazhdon për përmbylljen e plotë të këtij procesi.
Skema Kombëtare e Mbështetjes në Bujqësi 2026 ka shënuar një interes të lartë nga fermerët në të gjithë vendin, duke regjistruar gjithsej 42.728 aplikime, ndërsa vlera e kërkesave ka arritur në 7,2 miliardë lekë, nga 5,2 miliardë lekë që është fondi i vënë në dispozicion.
Qarku i Fierit kryeson me numrin më të lartë të fermerëve aplikues, i ndjekur nga Korça, Elbasani dhe Vlora — qarqe që vijojnë të mbajnë peshën kryesore të prodhimit në vend.
Rreth 21 mijë blegtorë dhe bletarë u kualifikuan në fazën e parë, ndërsa fermerëve u la kohë për të plotësuar dokumentacionin shtesë të kërkuar. Numri më i lartë i përfituesve është te tufat e të imtave dhe te mbarështimi i bletarisë. Më konkretisht, janë 7.234 aplikime të kualifikuara për bagëti të imta, ndjekur nga 7 mijë fitues në bletari, më pas 6.661 aplikime të kualifikuara për tufat e lopëve dhe 269 aplikime të kualifikuara për mbarështimin e dosave.
Këtë vit, Skema Kombëtare u organizua në 12 masa mbështetëse të ndara në 9 masa direkte dhe 3 masa investimesh, duke ofruar mundësi financimi në sektorë të ndryshëm. Masat direkte përfshijnë: Tufën bazë të gjedhit;Tufën bazë të të imtave; Bletarinë; Dosat dhe paradosat; Kontrollin biologjik; Fermat organike; Certifikimin Global G.A.P.; Mbështetjen për sipërfaqet e mbjella; Ripopullimin e ujërave të brendshme
Ndërsa 3 masat e investimeve përfshijnë: Mbështetjen e fermerëve të rinj deri në 40 vjeç: Ndërtimin dhe rikonstruksionin e staneve: Mekanizimin e bujqësisë.
Këto masa synojnë të mbështesin fermerët në uljen e kostove të prodhimit, rritjen e cilësisë së produkteve, përmirësimin e standardeve të prodhimit dhe nxitjen e praktikave të qëndrueshme bujqësore.
Nafta nuk ndalet - Kalon 106 Usd. Tensionet në Lindjen e Mesme mbajnë çmimet në rritje
Çmimet e naftës u rritën për të dytën ditë radhazi, ndërsa shqetësimet për furnizimet nga Lindja e Mesme vazhdojnë të dominojnë tregjet. Rritja e çmimeve......
Qendrat e të dhënave në alarm - S&P paralajmëron: Një sulm i vetëm mund të shkaktojë kaos në shumë shërbime
Qendrat e të dhënave, baza e shërbimeve cloud, inteligjencës artificiale dhe sistemeve kritike, po përballen me rreziqe kibernetike që mund të jenë më të......
OpenAI frenon modelin e ri - Shqetësimet për sigurinë shtyjnë kompaninë të pezullojë publikimin
OpenAI ka shtyrë publikimin e modelit të saj më të ri të inteligjencës artificiale, pas shqetësimeve të ngritura nga studiuesit për sigurinë dhe sjelljen e......
Ekonomia rritet me 3.61%/ Zgjerimi u mbështet nga administrata. Bujqësia vijon të jetë pika negative
Ekonomia shqiptare vijoi të zgjerohet gjatë tremujorit të dytë të vitit, e mbështetur kryesisht nga administrata publike, tregtia dhe aktivitetet e lidhura me......
BE ndryshon rregullat e zgjerimit - Komisioni propozon më pak veto dhe më shumë vendimmarrje me shumicë
Komisioni Evropian po përgatit një qasje të re për zgjerimin, ku anëtarësimi i vendeve të reja nuk do të shoqërohej domosdoshmërisht me të gjitha të drejtat......
Murriqan-Lezhë merr formë/ Projekti 40 km, pjesë e Korridorit Adriatiko-Jonian. Nisin konsultimet për ndikimet mjedisore
Ministria e Infrastrukturës dhe Energjisë do të nisë konsultimet publike për autostradën Murriqan–Lezhë, pjesë e Korridorit Adriatiko - Jonian. Projekti do të......
Sa ulet çmimi i një banese? Negocimi mbetet pjesë e rëndësishme e tregut shqiptar
Tregu i pasurive të paluajtshme në Shqipëri po tregon se çmimi i vendosur në njoftim nuk është domosdoshmërisht çmimi final që paguan blerësi. Në vitin 2026,......
Jashtë arsimit dhe punës - Shaqiri: Të rinjtë preferojnë ta marrin zanatin në biznese
Të përfundojnë shkollën, të gjejnë një punë apo të mësojnë një profesion. Një pjesë e madhe e të rinjve shqiptarë nuk po ndjekin asnjë prej këtyre......
