Nis ndarja e re territoriale - Presidenti i Republikës dekreton ligjin. Numri i bashkive reduktohet nga 61 në 46
Presidenti i Republikës, Bajram Begaj ka dekretuar ligjin për ndarjen e re administrativo-territoriale të njësive të qeverisjes vendore në Shqipëri, i cili parashikon reduktimin e numrit të bashkive nga 61, në 46.
Ndryshimet e reja pritet të zbatohen në zgjedhjet vendore të 9 majit 2027, kur qytetarët do të votojnë për kryetarët dhe këshillat e 46 bashkive. Ndërkohë, 12 qarqet ekzistuese do të mbeten të pandryshuara.
Në dekretin e Presidentit, në mbështetje të nenit 84, pika 1, dhe nenit 93 të Kushtetutës, shpallet ligji nr. 100/2026, “Për ndarjen administrativo-territoriale të njësive të qeverisjes vendore në Republikën e Shqipërisë”.
Sipas ndarjes së re, 33 bashki do të mbeten të pandryshuara, ndërsa 28 të tjera do të përfshihen në procesin e riorganizimit territorial. Në këtë kuadër, 15 bashki do të humbasin statusin e tyre dhe do të përfshihen në njësi më të mëdha vendore.
Bashkitë që parashikohet të bashkohen janë Fushë-Arrëzi, Klosi, Rrogozhina, Dimali, Poliçani, Patosi, Divjaka, Selenica, Maliqi, Këlcyra, Memaliaj, Libohova, Cërriku, Belshi dhe Përrenjasi.
Konkretisht, Fushë-Arrëzi do t’i bashkohet Pukës, Klosi Matit dhe Rrogozhina Kavajës. Në qarkun e Beratit, Dimal dhe Poliçan do të bashkohen me Beratin.
Në qarkun e Elbasanit, Cërriku dhe Belshi do t’i bashkohen bashkisë Elbasan, ndërsa Përrenjasi do të bashkohet me Librazhdin. Në qarkun e Fierit, Patosi do të përfshihet në bashkinë Fier dhe Divjaka në bashkinë Lushnjë.
Me organizimin e ri, territori do të ndahet në 46 bashki, 71 qytete përbërëse dhe 387 njësi administrative. Çdo bashki do të ketë një kryetar, një këshill bashkiak, një administratë dhe një buxhet të vetëm, ndërsa qytetet do të kenë rol në koordinimin administrativ dhe organizimin e shërbimeve.
Reforma synon përmirësimin e administrimit të territorit, menaxhimin e financave dhe ofrimin e shërbimeve publike për qytetarët, si dhe forcimin e autonomisë financiare të pushtetit vendor dhe rritjen e kapaciteteve administrative.
Sipas argumentimit të reformës, riorganizimi synon gjithashtu përshtatjen e ndarjes territoriale me ndryshimet demografike dhe kërkesat e procesit të integrimit.
20,649 persona të punësuar - AKPA: 9-mujori, mbi 7 mijë janë të rinj deri në moshën 29 vjeç
Agjencia Kombëtare e Punësimit dhe Aftësive bën me dije se 20.649 qytetarë të regjistruar si punëkërkues të papunë kanë arritur të integrohen në tregun e......
Familjet, nën presion - Strehimi dhe ushqimi përthithin gati gjysmën e shpenzimeve në SHBA
Familjet amerikane po shpenzojnë gjithnjë e më shumë për nevojat bazë, me strehimin dhe ushqimin që përbëjnë gati gjysmën e buxhetit të tyre. Sipas të dhënave......
Shtrenjtohen kreditë - Rriten interesat për bizneset dhe familjet në Maqedoninë e Veriut
Kreditë e reja në Maqedoninë e Veriut po bëhen më të shtrenjta, ndërsa normat e interesit për depozitat vijojnë të ulen. Rritja prek si bizneset, ashtu edhe......
Gara për Kongresin në SHBA - Demokratët synojnë shumicën, ndërsa Teksasi kthehet në një test vendimtar
Më 3 nëntor, amerikanët votojnë në zgjedhjet e mesmandatit, të cilat do të përcaktojnë balancat e pushtetit në Kongres dhe ndikimin e presidentit Donald Trump......
Alarm për pensionet - FMN paralajmëron rritje të kostove dhe rrezik për borxhin publik
Sistemet e pensioneve në mbarë botën po përballen me presion në rritje, ndërsa plakja e popullsisë dhe kostot publike kërcënojnë qëndrueshmërinë e financave......
Greva kushton shtrenjtë - Italia mund të ketë humbur deri në 1 miliard euro nga protesta e së premtes
Greva kombëtare e 30 tetorit në Itali mund t’i ketë kushtuar ekonomisë së vendit rreth 1 miliard euro. Sipas vlerësimeve të zyrës së studimeve të Cgia di......
Sa para’ “merr” Tiranë-Durrës? - Pesë faza të tjera në projektbuxhet, fondet e para parashikohen në 2028-ën
Zgjerimi i autostradës Tiranë – Durrës parashikohet të vijojë me faza të tjera, përtej ndërhyrjeve të përfunduara dhe atyre ku aktualisht po punohet. Në......
“Pasqyrë Albania”, një dritare e vetme digjitale për qytetarët
Një platformë e vetme digjitale, ku qytetarët mund të informohen mbi investimet publike, të ndjekin aplikimet dhe ankesat e tyre, por edhe të kontribuojnë në......
