Më shumë borxh nga jashtë/ Bankat dhe bizneset shtojnë financimin e huaj, raporti ndaj PBB-së mbetet i pandryshuar
Rritja e borxhit të jashtëm të Shqipërisë gjatë muajve të verës nuk ka ardhur si pasojë e shpenzimeve të pafrenuara të shtetit, por nga gjallërimi i aktivitetit financues të sektorit privat dhe bankave tregtare. Sipas të dhënave zyrtare të Bankës së Shqipërisë për tremujorin e dytë të vitit, detyrimet që ekonomia shqiptare u ka huadhënësve të huaj arritën në 10 miliardë e 734 milionë euro, duke shënuar një rritje prej 357 milionë eurosh ose 3.4% krahasuar me fillimin e vitit.
Ky zgjerim i stokut të borxhit është udhëhequr kryesisht nga transaksionet e reja financiare. Kompanitë private dhe bankat tregtare kanë tërhequr më shumë kredi e detyrime të tjera nga jashtë, duke shtuar rreth 317 milionë euro neto në totalin e detyrimeve të vendit. Ndërkohë, një pjesë më e vogël e rritjes ka ardhur thjesht si pasojë e lëvizjeve kontabël dhe forcimit të lehtë të monedhave të huaja kundrejt lekut.
Për sa i përket financave publike, qeveria vijon të mbajë peshën kryesore të huamarrjes, me rreth 42% të totalit të borxhit të jashtëm, ndërsa pjesa tjetër ndahet mes bankave, bizneseve dhe investimeve të huaja. Edhe pse shifra absolute e borxhit është rritur, treguesi më i rëndësishëm i qëndrueshmërisë, raporti i borxhit të jashtëm ndaj Prodhimit të Brendshëm Bruto, ka mbetur i paprekur në nivelin 38%. Kjo tregon se borxhi po rritet me të njëjtin ritëm me rritjen e përgjithshme ekonomike të vendit.
Në anën tjetër, Euro mbetet monedha dominuese e detyrimeve tona me jashtë, duke përfaqësuar 73% të të gjithë borxhit. Gjatë këtij tremujori, ekonomia shqiptare ka derdhur rreth 173 milionë euro për shlyerjen e kësteve dhe interesave të borxheve të mëparshme, ku mbi 100 milionë euro janë paguar drejtpërdrejt nga shteti.
Në tërësi, struktura e borxhit të jashtëm konsiderohet e mbrojtur nga goditjet e papritura. Rreth 86% e detyrimeve janë afatgjata, kryesisht me afat maturimi mbi 5 vjet, që u jep financave shqiptare një hapësirë të mjaftueshme manovrimi dhe ruan stabilitetin përballë luhatjeve të mundshme në tregjet ndërkombëtare.
Bashkëpunimi Shqipëri-Francë/ Guvernatori Gent Sejko, takim zyrtar me Pierre Sentenac
Guvernatori i Bankës së Shqipërisë, Gent Sejko, priti në një takim zyrtar, drejtuesin e ri të Departamentit Ekonomik Rajonal të Ambasadës së Francës, Pierre......
Progres në sektorin financiar/ BQK: Reformat vijojnë për integrimin evropian
Banka Qendrore e Republikës së Kosovës ka mirëpritur vlerësimin pozitiv të Independent Evaluation Group, strukturë e pavarur e Grupit të Bankës Botërore, për......
BQE rrit normat e interesit/ Inflacioni dhe energjia mbajnë presionin mbi ekonominë
Banka Qendrore Evropiane (BQE) ka rritur sërish normat e interesit, duke vijuar politikën e saj monetare shtrënguese në një kohë kur rritja e çmimeve të......
Fushata për zgjedhjet e 25 Tetorit/ Vuçiç lë presidencën, por jo politikën: Do të jap dorëheqjen në Shtator
Presidenti i Serbisë, Aleksandar Vuçiç, paralajmëron një zhvillim të ri politik në Beograd. Ai ka bërë të ditur se do të largohet nga posti presidencial në......
Check Up falas mbi 35 vjeç/ ISHP: Analizat do të pasqyrojnë faktorët e rrezikut në popullatë
Instituti i Shëndetit Publik njofton se, duke nisur nga muaji shtator, kontrolli bazë shëndetësor do të ofrohet falas për të gjithë qytetarët mbi 35 vjeç.......
Fondet për fermerët/ Nis shpërndaja e pagesave, gati kontratat për investimet
Agjencia për Zhvillimin Bujqësor dhe Rural ka nisur pagesat e para nga Skema Kombëtare e Mbështetjes në Bujqësi 2026, për të gjithë fermerët që kanë......
Çfarë po ndodh me euron në Shtator? Këmbehet me 91,94 lekë, Meka: Inerci nga sezoni turistik
Euro ka zbritur në 91,94 lekë, duke shënuar për herë të parë një nivel nën 92 lekë dhe një tjetër minimum historik në kursin e këmbimit me lekun. Eksperti I......
Shqiptarët largohen, popullsia tkurret/ 68.6 mijë leje qëndrimi në BE gjatë 2025, emigrimi rritet me 4%
Emigracioni i shqiptarëve drejt Bashkimit Evropian po merr sërish ritëm. Të dhënat më të fundit të EUROSTAT, tregojnë se gjatë vitit 2025, vendet e BE-së u......
