Korça drejt gazifikimit, nisin studimet në terren/ Projekti pilot, alternativë e re për ngrohjen dhe energjinë
Korça pritet të konkretizojë modernizimin e infrastrukturës së saj energjetike. Në terren, kanë nisur investigimet gjeoteknike dhe gjeofizike për projektin e gazifikimit të qytetit, proces që shënon fazën e parë konkrete të këtij investimi strategjik.
Kryetari i Bashkisë Korçë, Sotiraq Filo, e konsideron gazifikimin një projekt me rëndësi të veçantë zhvillimi, veçanërisht për përmirësimin e mënyrës së furnizimit me energji dhe ngrohjes së banesave.
Projekti me një kosto të parashikuar rreth 21 milionë euro, parashikon krijimin e një rrjeti modern për shpërndarjen e gazit natyror, duke u ofruar familjeve dhe bizneseve, alternativë të re energjetike. Për një qytet si Korça, ku stina e dimrit është më e ftohtë krahasimisht me zona të tjera në vend, një sistem më eficient ngrohjeje, mund të ketë ndikim të drejtpërdrejtë në jetën e përditshme të banorëve.
Ndërkohë, përfitimet nuk lidhen vetëm me familjet. Gazifikimi mund t'u krijojë bizneseve mundësi për të ulur shpenzimet energjetike dhe për ta përdorur gazin në procese të ndryshme teknologjike, duke ndikuar në rritjen e eficiencës dhe konkurrueshmërisë së tyre.
Investigimet që po zhvillohen aktualisht, kanë rol të rëndësishëm për vijimin e këtij projekti. Përmes studimit të karakteristikave të terrenit, do të përcaktohen kushtet teknike dhe mënyra më e përshtatshme për shtrirjen e infrastrukturës së re energjetike.
Në një perspektivë më të gjerë, projekti synon ta afrojë Korçën me një model më modern e të qëndrueshëm të zhvillimit urban. Përdorimi më eficient i energjisë, reduktimi i kostove dhe ndikimi më i ulët në mjedis, janë disa prej objektivave që lidhen me këtë investim. Gazifikimi me rrjetin e ri, shihet ndërhyrje që mund të ndikojë në mënyrën se si qyteti i Korçës do të furnizohet dhe ngrohet në vitet e ardhshme.
Nga studimet në terren te ndërtimi i infrastrukturës, ka nisur hapi i parë dhe synimi është që Korça, të ketë një sistem energjetik më modern, më eficient dhe më të përshtatshëm. Financimi për këtë projekt lidhet me bashkëpunimin Shqipëri - Azerbajxhan. Memorandumi u nënshkrua në Nëntor 2024, ndërsa në Prill 2025, ai u prezantua zyrtarisht si projekt pilot, ku Korça u zgjodh si qyteti ku do të testohet modeli përpara shtrirjes së gazifikimit edhe në qytete të tjera.
Kush paguhet më shumë? Hendeku i fortë i pagave sipas profesioneve, 82 mijë lekë diferencë
Paga mesatare mujore bruto në Shqipëri arriti në 92,150 lekë në tremujorin e dytë të vitit 2026, duke u rritur me 9.8% krahasuar me të njëjtën periudhë të një......
Diaspora4Innovation, përvojë akademike nga diaspora për universitetet shqiptare
Akademikë nga diaspora dhe Shqipëria, drejtues universitetesh, profesionistë, sipërmarrës, studentë, institucione publike dhe partnerë ndërkombëtarë janë bërë......
Kolektor i ri për ujërat në Vlorë, synohet kullimi i ujërave të shiut në 100 hektarë
Një investim i ri synon të përmirësojë sistemin e kullimit të ujërave të shiut në Vlorë dhe të reduktojë problemet nga përmbytjet sezonale. Fondi Shqiptar i......
BE premton 6.1 miliardë euro për Ukrainën, përfshirë ndihmën për interceptorët Patriot
Brukseli po përpiqet të bindë vendet e BE-së që ende kanë raketa interceptuese Patriot në rezervat e tyre kombëtare, që t’ia dhurojnë ato Ukrainës dhe t’i......
Energjia diellore, nismë 682 miliardë euro për ta bërë Mesdheun fuqi të rinovueshme
Më shumë se 552 GW projekte diellore dhe të erës në shkallë të gjerë janë njoftuar, ose janë tashmë në zhvillim, në të gjithë Mesdheun. Një analizë e re, duke......
Ministri Salla: Siguria ushqimore e fëmijëve, pa kompromis. AKU intensifikon kontrollet me nisjen e vitit shkollor
Ministri i Bujqësisë dhe Zhvillimit Rural, Andis Salla, bëri të ditur se me nisjen e vitit të ri shkollor, Autoriteti Kombëtar i Ushqimit ka intensifikuar......
BE shtrëngon sigurinë kibernetike - Kompanitë duhet të raportojnë sulmet brenda 24 orësh
Bashkimi Europian ka nisur zbatimin e rregullave të reja për sigurinë kibernetike të pajisjeve dhe programeve digjitale. Nga 11 shtatori 2026, prodhuesit......
Siguria kibernetike në shkolla - Kazia: Do të jetë lëndë me zgjedhje për klasat I, VI, X. Trajnime për mësuesit dhe prindërit
Duke nisur nga ky vit shkollor, nxënësit e klasës së parë, të gjashtë dhe të dhjetë, do të kenë një lëndë me zgjedhje për sigurinë kibernetike, ndërsa......
