Janari i 2023-shit, nivel rekord turistësh/ 833 mijë hyrje në një muaj, 20% më shumë se periudha e para pandemisë
Statistikat e lëvizjes së shtetasve për muajin e parë të këtij viti, të publikuar nga "Instituti i Statistikave", paraqesin një rritje të konsiderueshme të këtij treguesi, krahasuar me të njëjtën periudhë të një viti më parë. Konkretisht, në janar të vitit 2023, numri i shtetasve gjithsej që kanë hyrë në territorin shqiptar regjistrohet në 833,450, duke pësuar një rritje me 83.6% krahasuar me janarin e një viti më parë, i cili regjistronte 454,072 hyrje. Krahasuar me shtatë vitet e fundit, janari i këtij viti shënon numrin më të lartë të hyrjeve gjithsej në territorin e Shqipërisë. Numri i hyrjeve të janarit 2023 kalon edhe nivelin më të lartë të periudhës para pandemisë, kur regjistroheshin në 693,956, ose 20% më pak se janari i këtij viti.
Numri i shtetasve shqiptarë që kanë hyrë në Shqipëri është 456,239 ose 55% të hyrjeve në total, ndërsa shtetasit e huaj përbëjnë 45% ose 377,211 të huaj gjithsej. Krahasuar me një vit më parë, numri i shtetasve të huaj që kanë hyrë në territorin shqiptarë është rritur me 94.2%, nga 194,237 të huaj në janar të 2022-shit.
Nga ana tjetër, po të flasim për daljet e shtetasve shqiptarë dhe të huaj nga territori i Shqipërisë, gjatë muajit janar të vitit 2023, janë shënuar gjithsej 954,933 dalje duke pësuar kështu një rritje me 57.2 %, po ta krahasojmë me të njëjtën periudhë të një viti më parë. Referuar INSTAT mbi numrin e shtetasve shqiptarë të dalë nga territori i vendit tonë, shifrat tregojnë se janë 542,113 shtetas që kanë dalë, nga 371,920 që ishte kjo shifër gjatë janarit të 2022-shit. Daljet e shtetasve të huaj nga territori i Shqipërisë gjatë muajit Janar 2023, janë 412,820. Krahasuar me janarin e 2022-shit, ky numër është rritur me 75.3 %.
Gjatë janarit, rajoni me numrin më të lartë të hyrjeve të shtetasve të huaj në Shqipëri është ai i Europës, me 366,257 shtetas, ndjekur nga Amerika me 7,051, ndërsa me numrin më të vogël të hyrjeve e regjistron Lindja e Mesme me vetëm 445 shtetas.
Ajo që bie në sy prej muajsh në publikimet e Instat mbi lëvizjet e shtatasve është se, ndryshe nga më parë, nuk figurojnë më shtetet e origjinës, por janë përmbledhur vetëm me rajone. Prej muajve të verës së vitit të kaluar, kjo ka ndryshuar, dhe turistët e huaj nuk rezultojnë më të specifikuar sipas vendit të origjinës.
Përsa i takon qëllimit të hyrjeve të shtetasve të huaj në territorin e Shqipërisë, dominohet nga kategoria e qëllimeve “personale” dhe është regjistruar në 369,606, duke u rritur me 96.6% krahasuar me të njëjtën periudhë të një viti më parë. Nga ana tjetë, shtetasit e huaj që kanë hyrë në Shqipëri për qëllime profesionale apo për biznes janë vetëm 7,605, duke u rritur me 22.5% krhasuar me janarin e vitit të kaluar.
Sondazh
Inflacioni zbret në 7.1% sipas Eurostat/ Edhe në janar mbetemi mes vendeve me rritjen më të ulët në rajon dhe Europë
Instituti i Statistikave ka publikuar Indeksin e Harmonizuar të Çmimeve të Konsumit për muajin Janar të vitit 2023, që mat rritjen e çmimeve sipas metodës së......
1 në 5 shqiptarë banojnë mes lagështirës/ Eurostat: Shqipëria, ndër vendet me normën më të lartë në Europë dhe në rajon
Shqiptarët, në krahasim me familjet europiane, renditen ndër vendet e para sa i përket pronësisë së shtëpive të tyre, por renditen ndër të fundit sa i përket......
Vizitorët dhe netë qëndrimet prekin rekord/ Gjatë vitit që lamë pas, 1.5 milionë vizitorë nëpër hotele, "thyhet" edhe periudha para pandemisë
Të dhënat e “Strukturave Akomoduese” sa i përket numrit të vizitorëve nuk paraqiten pozitive vetëm për muajin dhjetor të vitit që lamë pas, por kanë thyer edhe......
Nëntoka shqiptare eksporton €1.82 mld në vit/ Sa 11% e PBB së vendit. Eksportet përfaqësojnë 74% të prodhimit mineral. Nafta, peshën më të madhe
“Scan Intel” ka analizuar vlerën e asaj që prodhon nëntoka shqiptare në një vit, të paktën në eksport. Për këtë arsye janë marrë në filtër eksportet e 14......
Investimet në biznes, niveli më i ulët që nga 2013-ta/ Ndërtimi, sektori me më shumë investime, zë 21% të totalit
Të dhënat e fundit nga “Anketa Strukturore pranë Ndërmarrjeve” na sigurojnë informacione të vlefshme mbi nivelin e investimeve të ndërmarrjeve të regjistruara......
Tregtia e jashtme e nis vitin mbarë/ Defiçiti zbret në vetëm 16 mld lekë, rekordi më pozitiv në 10 vite
Të dhënat e përditësuara mbi tregtinë e jashtme nga Instituti i Statistikave për muajin e parë të këtij viti tregojnë se, eksportet kapën vlerën e 42 miliardë......
Bizneset, €2.3 mld fitime në 2021-shin/ €670 milionë më shumë se 5 vite më parë, por pesha e sektorëve në "tortën" e fitimeve nuk ka ndryshuar
Të dhënat e fundit nga “Anketa Strukturore pranë Ndërmarrjeve” na sigurojnë një panoramë interesante mbi strukturën ekonomike, financiare dhe karakteristikat......
Pushimet, shqiptarët të parët në Europë për pamundësi/ 67% e të rinjve deklarojnë se nuk kanë bërë dot as një javë pushime
Disa ditë pushime mund të sjellin efekte psikologjike e fizike mjaft pozitive duke u përkthyer më vonë në energji për të realizuar synimet tona, por jo të......
