Garanci për dëmet në mjedis - Operatorët duhet të sigurojnë fondet për parandalimin dhe rehabilitimin
Bizneset që kryejnë veprimtari të klasifikuara si të rrezikshme për mjedisin do të duhet të sigurojnë paraprakisht garanci financiare për mbulimin e kostove të dëmeve të mundshme. Qeveria ka miratuar metodat dhe procedurat për vendosjen e këtyre garancive, që parashikon sigurimin e fondeve për parandalimin e dëmit, rehabilitimin dhe kompensimin e tij.
Operatorët mund ta përmbushin këtë detyrim përmes një garancie bankare ose një kontrate sigurimi që mbulon përgjegjësinë për dëmin në mjedis. Vendimi lejon edhe kombinimin e të dyja formave, me kusht që vlera dhe mbulimi i tyre të plotësojnë kërkesat e përcaktuara. Shpenzimet për sigurimin dhe mbajtjen e garancisë përballohen nga vetë operatori.
Vlera nuk do të jetë e njëjtë për të gjitha bizneset. Ajo përcaktohet nga Agjencia Kombëtare e Mjedisit për çdo operator, veprimtari dhe vendndodhje, bazuar në vlerësimin e rrezikut dhe kostot e masave të nevojshme. Në përllogaritje merren parasysh natyra dhe shkalla e aktivitetit, teknologjia, substancat dhe mbetjet, ndjeshmëria e mjedisit, si edhe historiku i incidenteve.
Sipas vendimit, shuma e garancisë nuk mund të jetë më e ulët se kostoja e plotë e vlerësuar e masave dhe kompensimit për skenarin më të rëndë të parashikueshëm në mënyrë të arsyeshme. Madhësia e biznesit apo gjendja e tij financiare nuk përbëjnë arsye për uljen e kësaj vlere.
Garancia rishikohet kur ndryshon aktiviteti, teknologjia apo rreziku mjedisor. Ajo lirohet vetëm pas mbylljes së veprimtarisë, pasi AKM-ja të ketë verifikuar përmbushjen e detyrimeve dhe mungesën e një kërcënimi të drejtpërdrejtë për mjedisin. Ndërkohë, kjo garanci nuk mbulon gjobat, ndëshkimet administrative apo kërkesat private për dëme ndaj personave dhe pronës. Po ashtu, operatori mbetet përgjegjës për çdo kosto që tejkalon shumën e garantuar.
Financimi i doktoraturave 2026 - Kumbaro: Mbi 600 mijë euro mbështetje për studiuesit e rinj
Ministria e Arsimit dhe Agjenica Kombëtare e Kërkimit Shkencor dhe Inovacionit kanë hapur thirrjen për Financimin e Studimeve të Doktoraturës 2026. Në......
Nga emigracioni, te biznesi/ Shqipëria kryeson Ballkanin, 1 në 3 themelues ka punuar jashtë
Përvoja e punës jashtë vendit po rezulton një element dallues i sipërmarrjes shqiptare në Ballkanin Perëndimor. Shqipëria kryeson rajonin për përqindjen e......
Shqipëri-Izrael/ Ferit Hoxha pret homologun e tij Gideon Sa’ar
Ministri për Evropën dhe Punët e Jashtme, Ferit Hoxha, priti paraditen e sotme në një vizitë zyrtare në Tiranë homologun e tij, Ministrin e Punëve të Jashtme......
Shkodër, investim në energji - 294 milionë lekë për rrjetin elektrik
Drejtoria Rajonale e OSSH-së në Shkodër ka shpallur dy procedura prokurimi për zhvillimin dhe rikonstruksionin e rrjetit elektrik në disa zona. Investimet......
“IA mban rritjen globale” - FMN: Investimet mbështesin ekonominë, por transformojnë tregun e punës
Investimet e fuqishme në infrastrukturën e inteligjencës artificiale po ndihmojnë në ruajtjen e rritjes ekonomike globale në rreth 3%, pavarësisht presionit......
Familjet amerikane, nën presion - Fed: Të ardhurat rriten, por borxhet dhe pabarazia e pasurisë thellohen
Familjet amerikane kanë përjetuar rritje të të ardhurave dhe të pasurisë gjatë periudhës 2022–2025, por përfitimet janë shpërndarë në mënyrë të pabarabartë,......
BB përgatit ndihmën/ 30-40 vende në bisedime për financime përballë krizës energjetike dhe inflacionit
Banka Botërore është në bisedime me 30 deri në 40 vende për ofrimin e mundshëm të ndihmës financiare, për t’i ndihmuar të përballojnë goditjet në tregjet e......
Superfitimet e energjisë - BE kërkon taksën e përbashkët që të mbështesë konsumatorët përpara dimrit
Komisioni Evropian po shqyrton mundësinë e vendosjes së një takse të përbashkët mbi fitimet e tepërta të kompanive të energjisë, në një kohë kur çmimet mbeten......
