Familjet amerikane, nën presion - Fed: Të ardhurat rriten, por borxhet dhe pabarazia e pasurisë thellohen
Familjet amerikane kanë përjetuar rritje të të ardhurave dhe të pasurisë gjatë periudhës 2022–2025, por përfitimet janë shpërndarë në mënyrë të pabarabartë, ndërsa presioni financiar dhe vështirësitë me shlyerjen e borxheve janë shtuar. Këto janë gjetjet e anketës së fundit të Rezervës Federale amerikane, e cila analizon gjendjen financiare të familjeve në të gjithë vendin.
Sipas raportit, të ardhurat mediane të familjeve, të përshtatura me inflacionin, u rritën me 7% gjatë tre viteve, duke arritur në 82,200 dollarë. Edhe pasuria neto mediane u rrit me 2%, në 215,900 dollarë. Megjithatë, rritja e pasurisë ishte më e përqendruar te familjet që zotëronin tashmë më shumë asete, ndërsa një pjesë e familjeve me të ardhura të ulëta mbetën në vështirësi.
Familjet në 25% e poshtme të shpërndarjes së pasurisë panë vlerën e tyre neto të binte me më shumë se gjysmën, nga 3,800 dollarë në vitin 2022, në vetëm 1,700 dollarë në vitin 2025. Ndërkohë, pasuria mediane e familjeve me kryefamiljarë me ngjyrë ra me 25%, pas rritjes së fortë prej 60% në periudhën 2019–2022. Në të kundërt, familjet ku anëtari kryesor ishte mbi 75 vjeç regjistruan rritje të pasurisë me 37%.
Anketa evidenton gjithashtu shtimin e vështirësive për përballimin e detyrimeve financiare. Pagesat mediane të borxhit si pjesë e të ardhurave u rritën me 2 pikë përqindjeje, në 15.4%, ndërsa raporti i borxhit ndaj të ardhurave arriti në 94.9%, nga 89.4% në vitin 2022.
Përqindja e familjeve që shpenzojnë më shumë se 40% të të ardhurave për pagesat e borxheve u rrit nga 6.5% në 8.6%, niveli më i lartë që nga viti 2013. Po ashtu, pjesa e familjeve që raportuan vonesa në shlyerjen e kredive u rrit nga rreth 12% në pothuajse 20%. Përdorimi i skemave “bli tani, paguaj më vonë” u zgjerua nga 7% në 12%.
Të dhënat tregojnë se, ndonëse tregu i punës pas pandemisë ndihmoi në rritjen e pagave, veçanërisht për punonjësit me të ardhura më të ulëta, inflacioni dhe normat e larta të interesit vazhduan të rëndonin buxhetet familjare. Të ardhurat reale të 60% të familjeve në pjesën e poshtme të shpërndarjes u rritën me 4% deri në 7%, ndërsa 10% e familjeve me të ardhurat më të larta regjistruan një rënie reale prej 6%.
Ndërkohë, niveli i pronësisë së banesave mbeti i qëndrueshëm, në rreth 66%, ndërsa pjesëmarrja në tregun e aksioneve ra lehtë, nga 58% në vitin 2022, në 56% në vitin 2025. Sipas Rezervës Federale, rezultatet pasqyrojnë një ekonomi ku rritja e përgjithshme e të ardhurave dhe pasurisë nuk është shoqëruar me përmirësim të njëjtë të sigurisë financiare për të gjitha familjet.
BB përgatit ndihmën/ 30-40 vende në bisedime për financime përballë krizës energjetike dhe inflacionit
Banka Botërore është në bisedime me 30 deri në 40 vende për ofrimin e mundshëm të ndihmës financiare, për t’i ndihmuar të përballojnë goditjet në tregjet e......
Superfitimet e energjisë - BE kërkon taksën e përbashkët që të mbështesë konsumatorët përpara dimrit
Komisioni Evropian po shqyrton mundësinë e vendosjes së një takse të përbashkët mbi fitimet e tepërta të kompanive të energjisë, në një kohë kur çmimet mbeten......
Malësia e Madhe dhe Përmeti, Rama: Nga zona pa shpresë në destinacione të Shqipërisë së re
Kryeministri Edi Rama e nisi episodin e sotëm të podcast-it “Flasim” me një reflektim mbi transformimin e Malësisë së Madhe dhe Përmetit gjatë dekadës së......
Shqipëria përparon drejt BE - Mbyll negociatat për kapitullin 20. Cilat janë sfidat në vijim?
Shqipëria ka mbyllur negociatat për një tjetër kapitull të acquis së BE, atë për ndërmarrjet dhe politikën industriale. Vendi ynë rezulton të ketë përafruar......
Më pak makina kineze në BE - Arrihet marrëveshja. Përgjysmohen eksportet e automjeteve hibride
Kina dhe Bashkimi Europian kanë arritur një marrëveshje që mund t'i përgjysmojë edhe më tej eksportet kineze të makinave hibride drejt bllokut, deklaroi......
Nafta, marrëveshje Trump-Putin - Presidenti i SHBA akuzohet se vendimi bie ndesh me sanksionet ndaj Rusisë
Njoftimi i presidentit amerikan, Donald Trump, se Rusia do të furnizojë tregun global me nafte, shënon një ndryshim rrënjësor, krahasuar me përpjekjet e......
Varësia nga gazi rus - Importet evropiane arrijnë rekord, ndërsa embargoja e plotë pritet në vitin 2027
Bashkimi Evropian ka paguar rreth 7,88 miliardë euro për gazin natyror të lëngshëm rus nga projekti energjetik Yamal, në Arktik, gjatë nëntë muajve të parë të......
4,879 mamografi deri në shtator - ISHP: Shtohen kontrollet për kancerin e gjirit
Në nëntë muajt e parë të vitit 2026, në Shqipëri janë kryer 4,879 ekzaminime falas të gjirit përmes dy njësive të lëvizshme të mamografisë, duke tejkaluar......
