Fondi i Ndërhyrjes së Jashtëzakonshme shtohet me 982 mln lekë - Që prej vitit 2018 u arkëtuan nga bankat tregtare rreth 5.5 mld lekë
Që prej krijimit të tij në vitin 2018, Fondi i Ndërhyrjes së Jashtëzakonshme ka arritur në vlerën 5.5 miliardë lekë si rezultat i kontributeve vjetore të bankave të mbledhura në shtatë vite. Sipas të dhënave nga Banka e Shqipërisë, Fondi i Ndërhyrjes së Jashtëzakonshme u shtua me 982 milionë lekë nga arkëtimi i kontributit vjetor të bankave në 30 prill 2024.
Ky fond u krijua para 7 vitesh, për qëllime të zbatimit të instrumenteve të ndërhyrjes së jashtëzakonshme nga Banka e Shqipërisë. Brenda 10 viteve nga hyrja në fuqi e ligjit për rimëkëmbjen dhe ndërhyrjen e jashtëzakonshme në bankat e Shqipërisë, fondi duhet të arrijë nivelin e synuar prej 0.5% të totalit të detyrimeve të sistemit bankar, të llogaritura si diferencë midis aktiveve totale dhe kapitalit rregullator të të gjitha bankave të licencuara në vendin tonë.
Me qëllim shmangien e përdorimit të parave publike në rast krizash financiare të sektorit bankar, përdoret ky fond i dedikuar për të ndihmuar, rimëkëmbur dhe ristrukturuar bankat në vështirësi.
Sipas afatit të përcaktuar në ligj, Fondi i Ndërhyrjes së Jashtëzakonshme duhet të arrijë vlerën 8,5 miliardë lekë brenda datës 11 korrik të vitit 2027. Për të përmbushur nivelin e synuar të fondit, sektori bankar paguan çdo vit një kontribut vjetor, në përpjesëtim me vitet që mbeten deri në 2027.
Ky fond mund të përdoret nga Banka e Shqipërisë për disa qëllime, të tilla si: garantimi i aktiveve ose pasiveve të bankës në ndërhyrje të jashtëzakonshme, bankës urë apo shoqërisë për administrimin e aktiveve; kompensimi i humbjeve të pambuluara që lindin për shkak të përjashtimit të detyrimeve të pranuara të kreditorëve të bankës në ndërhyrje të jashtëzakonshme; mbulimi i shpenzimeve për administrimin e Fondit të Ndërhyrjes së Jashtëzakonshme etj.
Ledina Elezi/SCAN
Sondazh
Ndërtimi i rrugës Elbasan- Qafë Thanë - Balluku: Punimet, me ritme të shpejta. Anashkalohet kalimi brenda Librazhdit
Punimet për ndërtimin e aksit rrugor Elbasan – Qafë Thanë, pjesë e korridorit VIII po ecin sipas parashikimeve kontraktuale, duke garantuar përfundimin e tyre......
Kafeja në Shqipëri, më e lirë se në rajon - Eurostat: Norma e rritjes së çmimit për këtë produkt në mars regjistrohet në 1.2%
Në mars të vitit 2024, norma vjetore e ndryshimit të çmimit të kafesë në vendet e Bashkimit Europian ishte 1.0%, krahasuar me 13.5% që ishtë në marsin e vitit......
ENI, shpime për naftë në Dumre - Shtyhen me 1 vit operacionet për vlerësimin e rezervuarit naftëmbajtës
Kompania ENI ka shtyrë me një vit planet për nisjen e shpimit të një pusi për kërkimin e naftës në Dumre. Në gusht të vitit që shkoi kompania italiane, që......
Identifikim elektronik për leje pune në Rajon - Nxitja e tregut të përbashkët të punës në Ballkanin Perëndimor
Për të punuar në Serbi dhe Maqedoninë e Veriut, shtetasit shqiptarë duhet të aplikojnë në mënyrë elektronike për leje pune në një nga këto vende. Ka hyrë në......
Kreditë me probleme vijojnë tendencat rënëse - Në mars arritën në 4.64%, niveli më i ulët në 10 vite
Portofoli i huave me probleme është përmirësuar edhe në muajin mars të këtij viti. Huatë me probleme ndaj totalit arritën në 4.64%, niveli më i ulët ky në 10......
Sektori i bimëve mjekësore në "ditë të këqija"/Denaj: Gati garancia sovrane.
Fermerë, grumbullues dhe eksportues të bimëve aromatiko- mjekësore kanë zhvilluar një takim të jashtëzakonshëm për shkak të situatës në të cilën ndodhet......
Tenderët për zgjerimin e autostradës Tiranë-Durrës - Mbyllet pa ankesa faza e dorëzimit të ofertave për punimet në 5 km e parë
Procedurat tenderuese për zgjerimin e autostradës Tiranë – Durrës janë mbyllur pa ankesa nga operatorët ekonomikë, duke i hapur rrugë shqyrtimit të ofertave.......
Doganat trefishojnë gjobat për bizneset në shkelje - 1.4 milionë euro penalitete për shmangie të detyrimeve
Drejtoria e Përgjithshme e Doganave ka rritur vlerën e sanksioneve administrative të vendosura ndaj bizneseve gjatë vitit 2023. Referuar të dhënave zyrtare të......
