Çfarë produktesh blen Britania nga Shqipëria? Kryesisht tekstile, fruta dhe këpucë. Na shet makineri dhe automjete
Sipas të dhënave zyrtare të publikuara nga Departamenti i Biznesit dhe Tregtisë në Mbretërinë e Bashkuar, janë bërë të ditura statistikat mbi shkëmbimet tregtare mes Britanisë dhe Shqipërisë. Nga këto të dhëna rezulton se, gjatë katër tremujorëve të përfunduar në fund të tremujorit të parë të vitit 2025, Shqipëria është renditur si partneri i 117-të më i madh tregtar i Mbretërisë së Bashkuar.
Nëse marrin në referencë produktet të cilat janë importuar dhe eksportuar më së shumti gjatë kësaj periudhe rezulton se eksportet britanike drejt Shqipërisë kanë qenë të përqendruara kryesisht te makineritë dhe produktet e përpunuara. Në krye të listës qëndrojnë gjeneratorët mekanikë (përdorim ndërmjetës) me një vlerë prej 4.7 milionë paundësh, të pasuar nga pijet dhe duhani me 3.8 milionë paund. Po ashtu, në listën e pesë produkteve kryesore renditen ushqimet e ndryshme me 2.3 milionë paund, makineritë e specializuara me 1.9 milionë paund, si dhe automjetet me 1.9 milionë paund. Këto tregues nxjerrin në pah rolin e madh të produkteve industriale dhe teknologjike britanike në tregun shqiptar.
Nga ana tjetër, importet kryesore të Britanisë së Madhe nga Shqipëria gjatë të njëjtës periudhë lidhen më tepër me prodhime bujqësore dhe mallra të konsumit. Vendi i parë mbahet nga veshjet me vlerë 2 milionë paund, ndjekur nga frutat dhe perimet me 1.5 milionë paund.
Produktet e hekurit e çelikut arrijnë në 1.3 milionë paund, ndërsa pijet dhe duhani kapin 1.1 milionë paund. Në fund të pesëshes kryesore renditen këpucët me 1 milion paund. Të dhënat tregojnë një shkëmbim të qartë ekonomik ku Britania furnizon Shqipërinë me makineri dhe produkte teknologjike, ndërsa Shqipëria shquhet për eksportin e produkteve bujqësore, tekstileve dhe mallrave të konsumit.
Live TV
“35% energji të rinovueshme në transport” - Objektivi më i lartë në rajon, Komuniteti i Energjisë: Politikat që nevojiten
Shqipëria ka vendosur objektivin më ambicioz mes 9 vendeve të Komunitetit të Energjisë për përdorimin e burimeve të rinovueshme në transport. Deri në vitin......
Sa e lehtë është për të huajt të blejnë pronë në Durrës? Procesi është relativisht i arritshëm, por dokumentet mbeten sfida kryesore
Durrësi vijon të jetë një nga qytetet shqiptare më tërheqëse për blerësit e huaj që kërkojnë të investojnë në prona, veçanërisht në apartamente pranë zonave......
'Firmat e energjisë nuk duhet të shfrytëzojnë konsumatorët' – 6 vende europiane kërkojnë taksë mbi fitimet e kompanive të naftës
Gjashtë vende të Bashkimit Evropian kanë intensifikuar thirrjet për vendosjen e një takse mbi fitimet e papritura të kompanive të naftës, duke argumentuar se......
Pensionet, si kanë ndryshuar ndër vite? - Në 5 vjet, 28 euro më shumë për qytetin dhe 25 euro për fshatin
Skema e pensioneve po përballet me një presion më të lartë si për nga numri i pensionistëve por edhe nga nevoja e vazhdueshme për rritjen e masës së......
