Situata e reshjeve, Rama mbledh nesër ‘Emergjencat Kombëtare’, Balluku: Strukturat po punojnë me kapacitet të plotë
Nesër paradite kryeministri Edi Rama do të mbledhë komitetin kombëtar të emergjencave pas situtës së krijuar nga reshjet në gjithë vendin. Lajmin e bëri të ditur zv kryeministrja Belinda Balluku e cila tha se ndërkohë po punohet edhe për evidentimin e dëmeve.
Përmirësimi relativ i motit, tha zonja Balluku krijon mundësinë për të kordinuar më mirë punën në bazë të planit të masave që është ndërmarrë.
Prononcimi për media i Zv.Kryeministres, njëherësh Ministër i Infrastrukturës dhe Energjisë, Belinda Balluku pas mbledhjes së Shtabit të Emergjencave për qarkun Gjirokastër:
Sapo kemi përfunduar një mbledhje të Komitetit të Emergjencave për Qarkun e Gjirokastrës.
Kemi diskutuar gjithë problematikën e cila ndodh në këto momente në terren. Një lajm mirë që desha të ndaja, që nuk ka të bëjë vetëm me qarkun e Gjirokastrës, po me të gjithë jugun dhe gjithë zonat nga ku kalon lumi i Vjosës është që krahasuar me nivelin që kemi pasur sot në pikën e matjes, që është ajo në Memaliaj që ka qenë 8 metra tani ka rënë në 6.5, pra kemi një ulje me 1.5 metra, e cila do të reflektohet gjithashtu edhe në zonën e Novoselës në grykëderdhje pra, zonë që e kemi inspektuar sot gjatë ditës, ka qenë ministri i Mbrojtjes atje, ministri i Bujqësisë, kemi komunikuar me të gjithë popullatën e zonës edhe për evakuimin, por duke qenë se kemi këtë rënie me 1.5 metra të pikës së matjes në Memaliaj me të vërtetë ky është një lajm i mirë që tregon përmirësimin e situatës.
Këtu në Gjirokastër temperaturat janë ulur, ka filluar edhe një reshje dëbore e lehtë. Megjithatë, rrugët janë kryesisht të hapura. Ka disa rrugë fshatrash të cilat komunikojnë me njëra-tjetrën që janë për momentin të bllokuara.
Batalioni i dislokuar këtu, që është një batalion i ri, ka bërë një punë të shkëlqyer gjatë periudhës së zjarreve në verën e kaluar, por është duke bërë të njëjtën punë edhe gjatë kësaj situate me reshjet e shtuara në të gjithë Shqipërinë, por sidomos edhe këtu në qarkun e Gjirokastrës.
Vetëm në zonën e Memaliaj Fshat ka disa banesa të cilat do të inspektohen në këtë moment nga forcat e Emergjencave Civile dhe nga Forcat e Armatosura, ndërkohë që nga ana tjetër e gjithë situata është nën kontroll.
Kemi diskutuar me kryetarët e bashkisë që janë prezentë, me drejtuesen e qarkut, me prefekten dhe gjithë të tjerët që kanë qenë gjatë kësaj mbledhje për disa pika kryesore që duhet të vihen tani në zbatim përsa i përket një plani evakuimi, pak rëndësi nëse do të ketë përkeqësim të motit apo jo, plani i evakuimit duhet të jetë për të gjitha bashkitë prezent. Ato bashki të cilat kanë njësi hotelerie apo konvikte e kanë shumë më lehtë zbatueshëm. Të gjitha bashkitë e tjera do të marrin masat, bashkë me Emergjencat Civile për të pasur palestra apo njësi të tjera, të cilat mund të akomodojnë në rastin e kërkesës së evakuimit.
Megjithatë, ashtu siç thashë situata e motit është duke u përmirësuar. Sigurisht, të shtunën ne do të kemi një përkeqësim tjetër të motit, i cili do sjellë reshje të reja, megjithatë do të kemi 48 orë për ta menaxhuar situatën. Temperaturat po ulen. Në ndërkohë kemi diskutuar edhe për situatën energjetike në këtë qark, duke qenë se këtu e kemi pasur sfidën më të madhe. Është menaxhuar shumë mirë pjesa tjetër e Shqipërisë, ndërkohë që në Gjirokastër kemi pasur ndërprerje në disa fshatra apo kemi pasur dhe ndërprerje të një linje transmetimi që është ajo e Lunxhërisë, që në një bashkëpunim të jashtëzakonshëm, Forcat e Armatosura, elektricistët dhe inxhinierët e OSHEE-së edhe forcat e Emergjencave Civile kanë rikthyer energjinë në zonën e Lunxhërisë, duke kryer këtë aksion për rilidhjen e transmetimit.
Nga ana tjetër, të gjitha njësitë, si ato vendore, si ato të pushtetit qendror janë në koordinim të plotë, përsa i përket edhe pjesës së rrjetit të akseve rrugore kombëtare, edhe për to janë marrë masa. Kemi një zonë të aksit nga Tepelena në Gjirokastër, kemi pasur një rrëshqitje, rrëshqitje që nuk vjen nga skarpatet e rrugës, por vjen nga shumë më lart, duke pasur parasysh se kemi një erozion të vazhdueshëm që vjen edhe për shkak të zjarreve. Është një bisedë që e kemi bërë edhe në tryezën e këtij Bordi Emergjencash, por edhe është një plan i Qeverisë Shqiptare për të gjithë ato zona të cilat kanë qenë të goditura nga zjarret gjatë verës të fundit të ketë një nisje të një pyllëzimi, i cili do të jetë në bazë të një plani të mirë hartuar për të ndaluar kështu erozionin, i cili ne e kemi parë edhe gjatë reshjeve të 48 orëve të fundit që me të vërtetë është ndjerë impakti i asaj që ka ndodhur.
***
Shumë faleminderit të gjithëve. Unë do ta nënvizoja edhe një herë atë çka ministrja tha. Është shumë e rëndësishme që të kuptohet që menjëherë pas kalimit të kësaj situate, ne në bashkëpunim me pushtetin vendor, pasi do të jetë një nga detyrat që duhet ta performojë pushteti vendor do të ketë një identifikim të dëmeve që kanë ardhur për shkak të kësaj situate dhe padyshim kompensimi i tyre.
Buxheti i Shtetit parashikon fondin rezervë, i cili është një fond që vihet në dispozicion në raste të tilla. Gjatë ditës së nesërme në orën 08:30 do të ketë një mbledhje të Komitetit të Emergjencave, një komitet ku marrin pjesë të gjithë aktorët, si ministrat, ashtu deputetët edhe kryetarët e bashkive, prefektët, do të drejtohet nga kryeministri Rama dhe do të ketë një adresim të qartë edhe të planit të masave që do të kemi për 48 orët e ardhshme, por edhe të kompensimit.
Shumë faleminderit të gjithëve!
Reshjet, Koçiu: Në disa zona vijon evakuimi parandalues i banorëve
Komunikimi me mediat i Ministres së Punëve të Brendshme, Albana Koçiu, pas mbledhjes së Shtabit të Emergjencave Civile në Qarkun Durrës. Të gjitha strukturat......
Reshjet përkeqësojnë situatën/ Ambasada e SHBA apelon për kujdes në zonat e rrezikuara
Ambasada e Shteteve të Bashkuara në Tiranë ka bërë të ditur se po monitoron nga afër situatën e përmbytjeve në të gjithë territorin e Shqipërisë, duke u bërë......
Balluku zbret në terren për përmbytjet: Jemi angazhuar maksimalisht
Ministrja e Energjisë dhe Infrastrukturës, Belinda Balluku, së bashku me Ministrin e Mbrojtjes, Pirro Vengu dhe atë të Bujqësisë, Andis Salla, kanë dalë......
Banka e Shqipërisë “përthith” 595 mln euro nga tregu - Shton blerjet e valutës për forcimin e rezervës valutore dhe stabilitetin financiar
Gjatë tremujorit të tretë të vitit 2025, Banka e Shqipërisë ka vijuar ndërhyrjet në tregun e brendshëm valutor, duke blerë euro, me synimin për të forcuar......
2-fishim gjobash për gazet serrë - Aktivitetet industriale e transporti, ashpërsohen masat administrative për shkelësit
Dyfishimi i gjobave për subjektet që shkelin detyrimet ligjore mbi monitorimin dhe raportimin e gazeve serrë. Gjithçka parashikohet në ligjin e ri “Për......
2.5 milionë prona, në Kadastër Fiskale - Në vitin 2028 nis aplikimi i plotë i taksës së pasurisë me vlerë tregu
Rreth 2.5 milionë pasuri të paluajtshme të qytetarëve shqiptarë, do të nisin gradualisht që të regjistrohen në Kadastrën Fiskale, e cila tashmë është......
MIE: Raport mbi situatën e krijuar në vend nga moti i keq!
Mbrëmjen e djeshme dhe gjatë orëve të para të ditës së sotme, krahas reshjeve të shiut, në shumë prej zonave të vendit ka pasur edhe reshje dëbore. Grupet e......
Evakuim i menjëhershëm i banorëve - Ministri Vengu nxjerr urdhërat për Novoselën, Ferrasin. Probleme edhe në Durrës
Ministri i Mbrojtjes, Pirro Vengu, ka urdhëruar evakuimin e menjëhershëm të banorëve të Novoselës, njësisë administrative Ferras në bashkinë e Fierit, si dhe......
