Licencat e energjisë elektrike - ERE, rregulla të reja. Kërkon të dhëna për pronësinë e tokës ku ndërtohen centralet
Deklarim i vendndodhjes së saktë të impiantit gjenerues dhe mënyrës së disponimit të pronës ku parashikohet ndërtimi apo funksionimi i centralit”. Këto janë 2 prej kërkesave të reja për licencim në sektorin e energjisë elektrike, teksa Enti Rregullator i Energjisë ka nisur procedurën për rishikimin e rregullores që përcakton procedurat dhe afatet për dhënien, modifikimin, transferimin, rinovimin dhe heqjen e tyre. Enti specifikon se ndryshimet synojnë rritjen e qartësisë, unifikimin e praktikave administrative dhe përmirësimin e zbatueshmërisë së kuadrit rregullator.
Sipas ndryshimeve të propozuara, çdo subjekt që aplikon për licencë do të duhet të specifikojë nëse prona ku ndodhet ose do të ndërtohet impianti është në pronësi, me qira, me huapërdorje apo në një formë tjetër ligjore disponimi. Gjithashtu, kërkohet përshkrimi i vendndodhjes së saktë të impiantit gjenerues, si pjesë e detyrueshme e dokumentacionit të aplikimit.
Drafti i ndryshimeve parashikon edhe një sërë rregullimesh të tjera. Ato përfshijnë saktësime mbi dokumentacionin që duhet të paraqitet nga aplikuesit, afatet e shqyrtimit të aplikimeve, mënyrën e publikimit të njoftimeve dhe procedurat për paraqitjen e kundërshtimeve nga palët e interesuara.
Ndryshime janë propozuar edhe në kriteret financiare për licencim, duke kërkuar që aplikuesit të dokumentojnë mbështetjen financiare për ushtrimin e aktivitetit, si dhe në dokumentacionin juridik dhe mjedisor që duhet të shoqërojë aplikimet, përfshirë lejet mjedisore dhe autorizimet përkatëse.
Rregullorja e rishikuar parashikon gjithashtu lehtësim të procedurave administrative për subjektet që zotërojnë licenca të lëshuara nga autoritete rregullatore të vendeve të Bashkimit Evropian apo të Komunitetit të Energjisë, duke parashikuar njohjen reciproke të tyre në bazë të parimit të reciprocitetit.
Rreth 766 mijë pasagjerë në muajin nëntor - Aeroporti Ndërkombëtar i Tiranës, pikë e rëndësishme e udhëtimit në rajon
Gjatë muajit nëntor, 765,890 pasagjerë kanë përdorur Aeroportin Ndërkombëtar të Tiranës. Sipas të dhënave zyrtare, në muajin e njëmbëdhjetë të vitit u......
Zhvillimi i sektorit minerar - Strategjia e re: Fokusi te përpunimi i mineraleve në vend, parashikohet rritje me 30%
Transformimi i Shqipërisë nga një eksportues i lëndëve të papërpunuara në një aktor të integruar në zinxhirin evropian të furnizimit me lëndë të para......
Porti i Durrësit, rritje në mallra e pasagjerë/ Janar–Nëntor, 3.5 milionë ton mallra të përpunuara
Porti i Durrësit vijon të konsolidojë pozicionin e tij si nyja kryesore e transportit detar në Shqipëri, duke shënuar rezultate pozitive gjatë 11 muajve të......
Shqiptarët “ndanë” 759 milionë euro nga pagat - 11-mujori/ Mbushet arka e shtetit, nga 1 Janari rritet paga minimale
Të punësuarit në vend kanë paguar afro 759 milionë euro deri në muajin Nëntor si tatim mbi të ardhurat personale, ku peshën më të madhe e zë tatimi i pagave......
Bizneseve u kthehen 253 milionë euro - Rimbursimi i TVSH-së në 2025-ën, 80% e kërkesave u miratuan pa kontroll
1622 subjekte të në të gjithë vendin kanë përfituar rimbursim të Tatimit mbi Vlerën e Shtuar gjatë vitit 2025. Referuar të dhënave zyrtare nga Drejtoria e......
Një tjetër vit i vështirë për tregtinë globale? - Sipas ekspertëve, 2026 do të jetë viti i pasojave të tarifave
Sistemi global tregtar, që po përfundon një nga vitet e tij më transformuese të shekullit të kaluar, po shkon drejt një tjetri duke u përballur me më shumë......
FMN paralajmëron Serbinë - “Rrezikon goditjen fiskale nga zgjidhja e zgjatur e NIS”
Serbia përballet me një ndikim fiskal prej 1-2% të PBB-së nëse negociatat për çështjen e rafinerisë së saj të vetme të kontrolluar nga Rusia, NIS, të......
Greqia, 2.5% të turizmit global këtë vit - Të ardhurat nga sektori për dhjetë muaj arritën 22.4 miliardë euro
Pjesa e Greqisë në tregun global të turizmit vlerësohet në 2.5%, sipas një studimi nga Banka Kombëtare e Greqisë (NBG). Greqia pozicionohet në pesë vendet e......
