Fjala e Ramës në Kuvend: Revolucioni digjital do të shtrihet më tej edhe në fusha të tjera
Parlament, fjala e Kryeministrit Edi Rama
I nderuar Kuvend i Shqipërisë!
Të nderuar miq dhe të ftuar!
Lejomëni në fillim që si folës i parë i kësaj legjislature të re, në këtë pjesë vendimtare të rrugës së Shqipërisë europiane të përcjell urimin tim për një drejtim sa më të suksesshëm të punëve të Kuvendit, Kryetarit të ri të Kuvendit Niko Peleshi. Urime dhe suksese!
Unë nuk jam këtu sot për të kryer një formalitet votë besimi të qeverisë së re me mbështetjen aritmetike të një shumice të pazakonshme në këtë sallë dhe dua t’i them pikërisht shumicës, se jo një mandat, por vite të tëra politike nuk mjaftojnë për ta shpërblyer besimin e jashtëzakonshëm që shqiptarët na dhanë këtë herë. 83 mandate apo mbi 50% e zgjedhësve në mbështetjen tonë janë shifra të një borxhi të jashtëzakonshëm për mandatin e katërt radhazi. Është një borxh që duhet ta marrim përsipër çdo ditë, jo me fjalë, por me një vijë të re sjelljeje, me një qasje të re vetëkritike, me ide dhe risi në çdo drejtim, me durim, me vullnet, me përkushtim dhe me energji të reja në çdo hap për suksesin e këtij mandati të ri.
Ndërsa pakicës dua t’i them vetëm se nuk është puna jonë çfarë bëni dhe çfarë thoni jashtë kësaj salle, por në këtë sallë dhe në respekt të zgjedhësve tuaj, do të keni të gjithë vëmendjen tonë dhe të gjithë kohën që të dëshironi nëse do të harroni përdorimin e trupit, të duarve, të këmbeve si argument dhe të zhurmës dhe të rënies me dorë të tavolinave si alternativë. Në të kundërt prania jonë këtu do të zgjasë sa një proces votimi. Mbajeni parasysh këtë!
Ky mandat i ri është provimi ynë i madh i shtetit. Kohëzgjatja e këtij provimi përkon me kohëzgjatjen e planit ambicioz kombëtar për të ulur Shqipërinë në tryezën e familjes së bashkuar europiane. Dhe programi ynë i ri qeverisës është fletorja e zgjidhjeve të provimit, por suksesi i këtij provimi historik do të varet i gjithi nga aftësitë e secilit dhe secilës dhe këmbëngulja jonë e përbashkët për t’i kaluar zgjidhjet nga letra e programit në realitetin e Shqipërisë dhe të shqiptarëve.
Shqipëria 2030 në BE është kryefjala e këtij mandati. Shqipëria europiane është busulla orientuese e çdo faqeje të programit tonë dhe metronomi i ritmit të çdo reforme që do ndërmarrim.
Si zakonisht edhe në tre herët e shkuara në një seancë si kjo, unë as nuk do lexoj të gjithë programin, që e keni të gjithë në dispozicion, as nuk do të marr kohën e kuvendit apo rolin e çdo ministri duke i prekur në detaje të gjitha fushat të cilat ministrat do t’i paraqesin një dhe nga një.
Prandaj pjesën më të madhe të kësaj fjale do ta zërë inovacioni dhe inteligjenca artificiale si dy kuaj të një rëndësie strategjike të betejave tona për Shqipërinë 2030.
Shteti i së drejtës është themeli i anëtarësimit në familjen e bashkuar europiane. Udha është pa kthim. Konsolidimi i pavarësisë të gjyqësorit është thelbësor. Kodi i ri Penal, kodi i ri i procedurës penale dhe Kodi i ri Civil janë në proces si baza të reja të një legjislacioni modern me standardet më të larta europiane.
Nga ana tjetër, revolucioni digjital do të shtrihet më tej edhe në fushën e drejtësisë dhe të ligj zbatimit në tërësi për të ndihmuar nga njëra anë eficencen, transparencën, llogaridhënien e institucioneve demokratike dhe nga ana tjetër forcimin e lirive dhe të drejtave të individit.
Shqipëria është i vetmi vend në rajon që përdor me shumë sukses inteligjencën artificiale për të përshpejtuar e legjislacionit me BE. Futja e inteligjencës artificiale në shërbim të mirëqeverisjes, të anti korrupsionit dhe të progresit të përshpejtuar social ekonomik do të jetë një prioritet i pa ndarë i të gjitha ministrive dhe agjencive të vendit.
Ndërkohë Diella, ministrja e Shtetit për Inteligjencën Artificiale do të ushtrojë një ndikim vendimtar për përshpejtimin e këtij procesi. Ajo do të mbështetet nga një akselarator me emrin AI 4,” Albanian Inovation 4” i cili do ketë lirinë e plotë të operojë me një rol të ri brenda administratës, plot fuqi në veprim, shembje të pengesave burokratike, adoptim me detyrim përcaktim të inteligjencës artificiale në çdo hap dhe në çdo fushë.
Akseleratori AI 4 do të bashkojë talentet më të mira shqiptare brenda vendit duke tërhequr njëkohësisht shqiptarë në diasporë, por edhe të huaj që kanë dëshirë të hyjnë në konstelacionin e Diellës. Do të përqendrojë një masë kritike talentesh tek problemet më të vështira të Shqipërisë, sfida që zakonisht nuk i frymëzojnë startup-et por që janë kyç për përparimin kombëtar. Do të ndërtojë kompani që mund të krijojnë vlerë të konsiderueshme për Shqipërinë dhe për shtetin si aksioner dhe të motivojnë më shumë shqiptarë që të nisin sipërmarrjet e tyre duke krijuar një cikël auto gjenerues inovacioni.
Diella me akseleratorin e saj AI 4 do ta pozicionojë bukur Shqipërinë si një vend me ambicie të madhe në fushën e qeverisjes përmes digjitalizimit dhe inteligjencës artificiale si dhe do kombinojë peshën e shtetit me zhdërvjelltësinë e startup-eve duke bashkuar në korsinë e përparimit, shërbimin publik me sipërmarrjen inovative dhe duke i kthyer institucionet në platforma zhvillimore të inteligjencës artificiale.
Unë jam i keq ardhur për kundërshtinë ndaj Dielles si anëtare e kabinetit të ri qeveritar dhe për keqkuptimet e mëdha lidhur me rolin dhe me pritshmërinë prej saj dhe duke qenë se Diella është e integruar në dekretin e presidentit si pjesë përgjegjësie e imja dhe për rrjedhojë duke qenë se koha e fjalës time është e vetmja kohë kur Diella mund t’i drejtohet kuvendit, atëherë para se të vazhdoj më tej me programin e qeverise së re kërkoj nga shërbimi i Kuvendit t’ia japë fjalën Diellës.
***
Edhe një herë po ju them, nëqoftëse nuk do lejoni këtu në këtë sallë, që të bëhet debati normal, do kalojmë në proces votimi. Po ju them dhe një herë tjetër. Edhe një herë po ju kërkoj të vazhdoj fjalën, nëse s’doni të kalojmë në votim.
“100 autobusë elektrikë në funksion”/ Risia në programin qeverisës: Do ngrihet shoqëria shtetërore MobAl
“Rrjet kombëtar transporti publik dhe i gjelbër” është një nga pikat e programit qeverisës për Infrastrukutrën Moderne, pjesë e shtyllës së dytë “Rritja......
Kuvendi miraton me 82 vota pro Programin dhe përbërjen e Qeverisë Rama 4
Edhe pse ishte njoftuar një seancë maratonë në Kuvend ka ndodhur e kundërta. Në më pak se 30 minuta, pasi ka folur kryeministri Edi Rama, deputetët e......
Miratohet programi i qeverisë, PS kalon direkt në votim për shkak të kaosit në Kuvend
Pas rifillimit të seancës, kryeministri Edi Rama sërish nuk u lejuan të mbajë fjalën e tij. Deputeti Gazment Bardhi iu drejtua foltores sapo Rama u ngrit për......
Në 2030 mbi 1 miliard euro eksporte, ja 20 objektivat e qeverisë për sektorin e bujqësisë
Në programin e qeverisë thuhet se bujqësia shqiptare do të jetë plotësisht e integruar me Politikat e Përbashkëta Bujqësore dhe Ushqimore të BE-së. Ky përbën......
Pagë minimale 500 euro, ajo mesatare 1000 euro/ Cilat janë prioritetet e tjera të qeverisë Rama 4? Papunësia do të ulet në 6% deri në 2030
Treg pune konkurrues, gjithëpërfshirës dhe në linjë me standardet e BE-së, ku çdo qytetar shqiptar ka mundësi reale për punësim cilësor, paga të larta dhe......
Debate në seancë/ Balla: Nuk ka ndodhur që të ndërpritet fjala e Kryeministrit. Kërkoj 5 minuta pushim
Gjatë fjalës së tij në Kuvend, Rama paralajmëroi opozitën për sa i përket rregullave që duhet të ndiqen. “Nëse nuk do të lejoni këtu që të bëhet debat normal......
Diella jep mesazhin në parlament: Disa më kanë quajtur antikushtetuese ngaqë nuk jam njeri
Në hapjen e seancës plenare sot, ministrja virtuale, e cila është një risi për qeverinë e re në mandatin e katërt, mbajti fjalën e saj. Gjatë një klipi të......
Rama: Mandati i katërt është borxh ndaj qytetarëve, opozitës i ofrohet fjala, jo zhurma
Kryeministri Edi Rama, gjatë fjalës së tij në Kuvend, theksoi se mandati i katërt i qeverisë nuk është thjesht një formalitet politik, por një përgjegjësi e......
