Pasuritë e krimit “në lupën” e Komisionit Evropian - Vlerësohet bashkëpunimi SPAK-AAPSK
Në takimin e 17-të të Nënkomitetit BE–Shqipëri “Drejtësia, Liria dhe Siguria”, ekspertët e Komisionit Evropian i kushtuan një vëmendje të veçantë procesit të sekuestrimit, konfiskimit dhe administrimit të pasurive që rrjedhin nga aktiviteti i krimit të organizuar.
Gjatë diskutimeve, ekspertët e KE kërkuan raportim të detajuar statistikor mbi pasuritë e sekuestruara dhe të konfiskuara nga Struktura e Posaçme kundër Korrupsionit dhe Krimit të Organizuar (SPAK) si dhe mbi procesin e administrimit të tyre nga Agjencia e Administrimit të Pasurive të Sekuestruara dhe të Konfiskuara (AAPSK). Në këtë kuadër, u theksua se Brukseli do të ndjekë nga afër dhe në mënyrë të drejtpërdrejtë monitorimin e këtij procesi, duke e konsideruar atë një element kyç në kuadër të reformave të sundimit të ligjit.
Ekspertët evropianë njohën gjithashtu progresin e bërë nga Shqipëria në përafrimin e kuadrit ligjor dhe në implementimin e tij, në përputhje me standardet e Bashkimit Evropian. Megjithatë, ata nënvizuan se rritja e numrit të pasurive të sekuestruara dhe të konfiskuara nga aktiviteti kriminal, administrimi efektiv i tyre dhe destinimi në favor të shtetit përbëjnë indikatorët kryesorë që do të përdoren për të matur nivelin e përmbushjes së Piketave të Ndërmjetme dhe rekomandimeve të Progres-Raportit për Kapitullin 24 – “Drejtësia, Liria dhe Siguria”.
Në këtë drejtim, bashkëpunimi ndërinstitucional, veçanërisht ai midis SPAK dhe AAPSK, u vlerësua si një zhvillim pozitiv. Sipas ekspertëve të Komisionit Evropian, koordinimi në kohë dhe në cilësi mes dy institucioneve, si dhe statistikat e raportuara mbi administrimin e pasurive, dëshmojnë për krijimin e një marrëdhënieje të qëndrueshme dhe të bazuar në besueshmëri institucionale, e cila pritet të konsolidohet më tej edhe me mbështetjen e ekspertizës së Bashkimit Evropian.
Po ashtu, ekspertët e Komisionit Evropian vlerësuan përdorimin e fondeve të gjeneruara nga administrimi i pasurive të sekuestruara dhe të konfiskuara në mbështetje të institucioneve ligjzbatuese. Në veçanti u theksua mbështetja financiare për Prokurorinë e Posaçme (SPAK), e cila edhe gjatë vitit 2025 është rritur, duke kontribuar në forcimin e kapaciteteve për luftën kundër korrupsionit dhe krimit të organizuar.
Procesi i sekuestrimit, administrimit dhe destinimit të pasurive të krimit të organizuar mbetet një nga instrumentet më të rëndësishme për goditjen e ekonomisë kriminale, si dhe një nga treguesit kryesorë të progresit të Shqipërisë në kuadër të procesit të integrimit evropian.
Institucionet shqiptare do të vijojnë të punojnë në forcimin e bashkëpunimit ndërinstitucional, rritjen e transparencës dhe përmirësimin e menaxhimit të pasurive të sekuestruara dhe të konfiskuara, në përputhje me standardet dhe praktikat më të mira të Bashkimit Evropian.
Drejtori i Përgjithshëm i Doganave në Qafë Thanë: Aktiviteti doganor drejt normalizimit
Drejtori i Përgjithshëm i Doganave, Besmir Beja zhvilloi një inspektim në Degën Doganore Qafë Thanë për të ndjekur nga afër situatën në këtë pikë kufitare,......
Financimi i qeverisë përmes titujve të borxhit në janar - Bankat dominojnë tregtimin në tregun sekondar me shumicën e transaksioneve
Qeveria shqiptare ka vijuar të financojë një pjesë të nevojave të saj përmes shitjes së titujve të borxhit në treg. Sipas të dhënave nga Ministria e......
Kostot e prodhimit rriten lehtë/ Shifra në tremujorin e katërt 2025 nuk paralajmëron shtrenjtim për konsumatorin
Indeksi i Çmimeve të Prodhimit për tremujorin e katërt të vitit 2025 arriti 129.6, duke shënuar një rritje shumë të vogël vjetore prej 0.2%. Theksojmë se ky......
Autoriteti i Konkurrencës nis monitorimin e tregut të shitjes së bukës në Korçë
Autoriteti i Konkurrencës, nisur nga disa informacione në media në lidhje me njoftimin e ndërmarrjeve të prodhimit dhe shitjes së bukës në qytetin e Korçës,......
Sa vlen një orë biznes në Shqipëri? Ndërmarrjet qarkullojnë rreth 4.2 milionë euro çdo 60 minuta
Shifrat zyrtare për ekonominë zakonisht publikohen në total vjetor dhe janë të vështira për t’u kuptuar nga publiku i gjerë. Por çfarë ndodh nëse ato......
Luhatje të përgjithshme në tregun valutor – Dollari rikuperon pikë. Dobësohet Paundi
Dollari amerikan pas një rënie të vazhdueshme që pësoi përgjatë kësaj jave ka regjistruar një rikuperim të vlerës mëngjesin e sotëm në raport me dje duke u......
Cilat vende janë parajsa fiskale për pensionistët italianë? - Spanja, Tunizia, Rumania dhe Shqipëria. Fluksi drejt Portugalisë është zvogëluar
Numri i pensionistëve italianë që lëvizin jashtë vendit është në rritje. Të dhënat më të fundit përmbahen në raportin e paraqitur nga Instituti i Sigurimeve......
Nis rritja e çmimeve të karburanteve në rajon - Ekspertët: Zgjatja e konfliktit në Lindjen e Mesme, ndikime të mëtejshme
Autoritetet dhe ekspertët në Evropën Juglindore paralajmërojnë për rritje të ardhshme të çmimeve të karburantit në të gjithë rajonin, pas shtrenjtimit të......
