Durrësi, drejt një destinacioni bashkëkohor turistik - FSHZH, investim mbi 540 mln lekë për transformimin e vijës bregdetare
Fondi Shqiptar i Zhvillimit ka shpallur hapjen e fazës së tretë të garës për investime për infrastrukturën e tregjeve, hapësirave multifunksionale, rrugë tregtare në zona model zhvillimi, si dhe ndërhyrje për rritjen e ofertës turistike dhe për përmirësimin funksional dhe estetik të bregdetit në Durrës. Fondi limit arrin vlerën 540 milionë e 893 mijë lekë.
Referuar dokumentit në Agjencinë e Prokurimit Publik, zona në të cilën do të realizohet projekti shtrihet nga Ura e Dajlanit deri te Kavalishenca. Ky projekt synon transformimin e vijës bregdetare të qytetit të Durrësit në një destinacion bashkëkohor turistik, rekreativ dhe urban, përmes ndërhyrjeve arkitekturore e urbane të planifikuara. Projekti përfshin zgjerimin e plazhit ekzistues, krijimin e një parku linear të gjelbër përgjatë vijës detare, zhvillimin e hapësirave publike multifunksionale dhe integrimin e infrastrukturës së re rekreative e sportive.
Zona ka një rol të rëndësishëm në jetën ekonomike dhe sociale të qytetit dhe infrastruktura ekzistuese ofron mundësi për përmirësime, që do të rrisnin cilësinë e përvojës për banorët dhe vizitorët. Hapësirat e kalimit shtrihen në mënyrë të rregullt përgjatë vijës bregdetare, por në disa segmente këto lidhje janë të ndërprera ose jo të mjaftueshme për të përballuar flukset e larta gjatë sezonit turistik, duke krijuar ngarkesa në pikat hyrëse. Andaj do të krijohen kalime të dedikuara për biçikleta dhe këmbësorë, që do të rrisin lehtësinë e lëvizjes dhe sigurinë në zonë.
Parkimet janë të shpërndara përgjatë aksit kryesor dhe në disa pika strategjike pranë hyrjeve kryesore të shëtitores. Kapaciteti aktual i parkimeve është i kufizuar në raport me kërkesën, gjë që sjell shpesh mbingarkesë në infrastrukturën rrugore. Sipas projektit, do të ndërtohen parkimet nëntokësore ose parkimet satelitore të lidhura me transport publik, që do të ndihmojnë në menaxhimin më efikas të trafikut në këtë zonë me rëndësi strategjike turistike.
Ndërkohë, në plazhin publik janë konstatuar ndërhyrje jo të standardizuara dhe mungesë e qartësisë midis zonave publike e private. Me anë të këtij projekti, synohet standardizimi i pajisjeve urbane dhe sinjalistikës së ndriçimit. Këto ndërhyrje do të krijojnë një ambient më estetik dhe më të aksesueshëm për të gjithë.
Për të plotësuar kërkesat e komunitetit dhe vizitorëve, investimi përfshin një gamë të gjerë hapësirash rekreative dhe shërbimesh publike, si: kinema në natyrë; hapësira për evente kulturore, aktivitete publike dhe festivale; rrjet restorantesh, bare plazhi dhe hapësira gastronomike; qendra sportive, fusha lojërash, palestra në natyrë dhe aktivitete për fëmijë, me fokus relaksin, mirëqenie dhe qetësi.
Ndër të tjera, do të ndërtohen: pavijone të përshtatura për shërbime, rekreacion dhe informacion; stola terrazzo si struktura sociale, ku janë projektuar si elemente uljeje funksionale dhe dekorative përgjatë parkut. Gjithashtu do të ndërtohen, parkim për biçikleta për të nxitur mobilitetin e qëndrueshëm; kulla vrojtimi përgjatë gjithë gjatësisë së plazhit; platformë për qendër turistike; platforma për shërbime komerciale; zona panoramike për pushim dhe relaks, thuhet në dokument.
Inovacioni e digjitalizimi, rruga e bizneseve për BE - Ibrahimaj: Një program i dedikuar për sipërmarrjet që të transformohen
Shqipëria ndodhet në një moment vendimtar të rrugëtimit të saj drejt integrimit evropian. Me të gjithë kapitujt e negociatave me Bashkimin Evropian tashmë të......
Pagat në ndërtim mbajnë kostot në rritje/ Në tremujorin e tretë çmimet në sektor u rritën me 1.4%
Duket se kostot e ndërtimit po lëvizin ngadalë këtë vit. Indeksi i Kushtimit në Ndërtim për tremujorin e tretë të vitit 2025 ka arritur 114, duke marrë si......
Për herë të parë, një bankë digjitale hyn në Shqipëri - Tafa: 100% online, pa degë fizike. Siguria kibernetike dhe edukimi i qytetarëve, sfidë
Pas Ziraat, Banka e Shqipërisë i ka hapur rrugën një banke tjetër që të futet në treg. Banka Qendrore ka dhënë miratimin paraprak për licencimin për herë të......
Turqia zgjat kontratat e gazit me Rusinë - Plani përfshin blerjen e LNG-së amerikane për të diversifikuar burimet
Turqia zgjati me një vit dy kontratat e importit të gazit me Rusinë, që përbëjnë gjithsej 22 miliardë metra kub. Po ashtu, vendi po konsideron investime në......
Dogana shqiptare, gati për BE-në - Strategjia/ Ulen kosto për bizneset, reduktohet koha e zhdoganimit
Bizneset shqiptare do të përfitojnë nga unifikimi i procedurave doganore me ato të Bashkimit Europian. Strategjia për Modernizimin dhe Harmonizimin e......
4 impiante të rinj për trajtimin e ujërave të ndotur - Projekti i ri i mbështetur nga Banka Botërore për mbrojtjen e bregdetit të jugut
Mbrojtja e bregdetit të jugut, përmirësimi i cilësisë së ujit dhe përmbushja e standardeve mjedisore të Bashkimit Evropian janë në fokus të projektit të ri......
BE forcon strategjinë për mineralet e rralla - 3 miliardë euro për të zvogëluar varësinë nga Kina
Ekzekutivi i Bashkimit Evropian njoftoi politika të reja që synojnë të koordinojnë blerjen dhe grumbullimin e lëndëve të para, si mineralet e rralla, që janë......
Sa përqind e mësuesve shqiptarë përdorin IA? Shqipëria kryeson rajonin dhe kontinentin, Franca në fund
Inteligjenca Artificiale, përveçse është një nga zhvillimet më të fundit të teknologjisë, është bërë edhe shumë e përdorshme. Pothuajse në shumë kompani ku......
